निङ्वाॽफु साम्लोसुम् 47:1 - लिम्बु1 के़रे़क् मे़न्छाम् सुवाङ्से, सःत्ते़म्मेॽर हिप्ला हिप्ते़म्मे़ॽओ, यम्बा इक्लाओ के़रे़क्नुःल्ले़ यम्बा निङ्वाॽफुमाङ्ङिल्ले़ कुनारा फोसे़म्मे़ॽओ॥ Gade chapit la |
निङ्वाॽफु साम्लोसुम् 47:1
18 Referans Kwoze
यहवे दाङ्बे़ल्ले़ अक्खे पाःत्तुॽ, “मे़न्छाम् सुवाङ्हाॽओ के़रे़क्नुःल्ले़ यम्बा इस्राइल सुवाङ्ले़ लागि सःप्मा से़वासाम्लोन् साम्मे़त्ते़म्मे़ॽओ॥ खिनिॽ अक्खेलॽरिक् आबाङे नाराफोमा से़वासाम्लोन् साम्मे़त्ते़म्मे़ॽओ, ‘यहवे दाङ्बाए, इस्राइलबा के़हिङ्बा के़याःक्पा खे़ने़ॽ के़मनाहाॽ ताङ्से़ःप्ते़से़ॽओ॥’
खे़ब्याङ् यहोयादाःल्ले़ हाङ्ङिल्ले़ कुस्सान् लाःक्कात् लःत्तु, हे़क्क्याङ् खुने़ॽ कुधे़गेःक्को तिच खुःक्तु॥ यहोयादाःल्ले़ माङ्हुप्पोलाम् लिङ्मनाबा लत्छा सक् थिक् खुने़ॽओ तोःन्दु, हे़क्क्याङ् हाङ् पोःक्खे़बा उवा चोगु॥ खे़ङ्हाॽरे़ खुने़ॽ माङ्थोःक्ना मे़बिरुआङ् मनाहाॽरे़ हिप्ला मे़हिप्तु, खे़ब्याङ् अक्खे मे़लॽरे़आङ् मे़अःक्ते़, “हाङ्ङिल्ले़ कुधाःक् चाॽररो॥”
यहवे दाङ्बे़ल्ले़ पाःत्तुॽ, “सियाेनरे़ कुस्सा मे़न्छुमाए, साॽरिक् सःत्ते़ॽओ! यरुसले़मरे़ कुस्सा मे़न्छुमाए, खे़ने़ॽ साॽरिक् अःक्ते़ॽओ! ओमे़त्ते़ॽ, खे़ने़ॽ के़हाङ्ङिन् खे़ने़ॽओ तार पत्लो, खुने़ॽग से़न्लप्दाङ्बा नु साम्योबा चोक्लो, खुने़ॽ नःम्नःम्बा चोक् हे़क्क्याङ् अदङ् सम्धाङ् अदङ्ङिल्ले़ कुस्सा लत्छा अदङ्साःत्तिन् युक्तुआङ् तार पत्लो॥
कोःक्मा फाङ्जङ् थे़गु माङ्वा हे़क्तङ्बा पयम् यम्बा याप्मि के़हम्बा पाःन्हाॽ थे़माआङ्बे? यरुबाबेलरे़ कुदगि खे़ने़ॽ ले़प्पे़प्पा के़बोङ्ॽ॥ हे़क्क्याङ् मनाहाॽ मे़सःत्ताङ् ‘निङ्वाॽफुमाङ्ङिल्ले़ कन् हाङ्वागे़न् मुॽइसाम् पिरुर, हाङ्वागे़न् मुॽइसाम् पिरुर!’” तियाहा मे़लॽर मे़अःक्किल्ले़ खुने़ॽ कुम्मालुङ्ङिन् युक्खुॽ॥
हे़क्क्याङ् सामुए़लरे़ के़रे़क् मनाहाॽ मे़त्तुसि, “ओमे़त्ते़म्मे़ॽ, यहवे दाङ्बे़ल्ले़ सेगुबा मनान् के़निसुम्बि? के़रे़क् मे़न्छाम् सुवाङ्लुम्मो खुने़ॽ कुसिक्ताङ्बा मना आत्तिन्हाॽआङ् मे़होप्॥” हे़क्क्याङ् खे़न् के़रे़क् मनाहाॽ यम्बा इक्लाओ अक्खेलॽरिक् मे़अःक्ते़, “हाङ्ङिन् सदादिङ् हिङ्लरो!”
Piblisite