निङ्वाॽफु साम्लोसुम् 44:2 - लिम्बु2 निङ्वाॽफुमाङ्ङिन् नसान् मे़न्जोःक्मनाबा सुवाङ्हाॽ इक्सादिङ् खाम्बेःक्मोबा के़मुक्साम्मिल्ले़ के़नाःत्तु के़देसुसिरो हे़क्क्याङ् खुन्छिॽ लाजेॽओ आनिगे पाधे़बाहाॽ के़युक्खुसिरो॥ आनिगे पाधे़बाहाॽरे़ खुनिॽ निङ्मिहाॽ यो के़धासुसिरो खे़ब्याङ् आनिगे पाधे़बाहाॽ नुॽमा तामा के़बिरुसिरो॥ Gade chapit la |
निङ्वाॽफु साम्लोसुम् 44:2
27 Referans Kwoze
आल्ल खिनिॽ युक् चोःक्मा फाॽआङ् पेःक्मा के़जोगिबा लाजेॽओ यहवे दाङ्बा खिनिॽ निङ्वाॽफुमाङ्ङिल्ले़ के़भे़त्तिॽ, हे़क्क्याङ् खिनिॽनुःल्ले़ आत्तातान्ने यरिक् नु पधुम् के़धुम्बा कन् नुसि मे़न्छाम् सुवाङ्, हित्ति, गिर्गासि, एमोरि, कनानि, परिज्जि, हिब्बि नु यबुसिहाॽ खिनिॽ तगिलाम् खुने़ॽ नाःत्तुदेसुसिॽ,
लाजेॽ थोःम्से़ के़बेःक्पाहाॽरे़ ताप्फे़ःम्बा इङ्घङ् मे़जे़क्तुसिआङ् खे़ङ्हाॽरे़ इस्राइलिहाॽ मे़मे़त्तुसि, “आनिगे लाजेॽ थोःम्से़ पेगिगे़आङ् नुःक्खिगे़बा लाजेःल्ले़ग खे़प्मो के़युङ्बा आप्फेक् कुमनाहाॽ लरुदेसुसिबारत्छ, हे़क्क्याङ् आनिगे खे़प्मो निसुम्सिम्बे़बा मनाहाॽग आजाजाबा होरु हे़क्तङ्बा मे़जोःक्ले़त्छ॥
हे़क्केलॽरिक् मिस्रिहाॽ अदङ् चोगुङ्सिङ्ङाङ् खुन्छिॽ निङ्वान् हादिङ् के़धक्पा चोगुङ् पिरुङ्सिङ् हे़क्क्याङ् खे़ङ्हाॽरे़ खुन्छिॽ लुम्मो निङ्वाॽ के़माबा याःम्बक्हाॽ चोगुङ्बान् खिनिॽ सामे़न्छाॽहाॽ मे़प्मा के़सुक्तुम्सिम्ल॥ हे़क्क्याङ् खिनिॽ के़रे़क्ले़ आङ्गाॽ यहवे दाङ्बाआ फाॽआङ् कुसिङ् के़निःत्तुम्ॽ॥”
उन्छोन् उन्छोःन्बा ये़न्हाॽ निङ्वाॽ इःत्ते़म्मे़ॽओ, उनाहुरि तगिबा थाःक्हाॽरे़ खुन्छिॽ याःम्बेओ खिनिॽ निङ्वाॽसुम् लॽरे़म्मे़ॽओ॥ खिनिॽ पाहाॽ सेःन्दोसे़म्सिम्मे़ॽओ, हे़क्क्याङ् खे़ङ्हाॽरे़ के़म्मे़त्तिरो, खिनिॽ काप्पो तुम्साहाॽ से़ःन्लाप्ताम्सिम्मे़ॽओ, खे़ब्याङ् खे़ङ्हाॽरे़ खिनिॽ के़म्जे़क्तिरो॥
गिदोनरे़ खे़न् मे़त्तु, “आदाङ्बे, खे़प्से़ॽओ, यहवे दाङ्बे़न् से़क्खाए आनिगे़नु वाॽने़भग्र कन् के़रे़क् पाःन्हाॽ आनिगे थेआङ् तुमुम्बे़बे? खे़न् के़रे़क् निङ्वाॽ के़माबा खुने़ॽ कुयाःम्बक्हाॽ थे़मा पोःक्खे़बे, आनिगे पाधे़बाहाॽलाम् खे़न् खे़म्सुम्बे़आङ् वाॽ, खे़ङ्हाॽरे़ अक्खे मे़बाःत्तुआङ् वये़, ‘थे यहवे दाङ्बे़ल्ले़ मिस्र लाजेॽलाम् आनिॽ आलःत्ते़ आभे़त्ते़बा मेःम्बि?’ कर आल्लग यहवे दाङ्बे़ल्ले़ आनिॽ आनाॽरे़आङ् वाॽ, हे़क्क्याङ् मिद्यानिहाॽरे़ खुन्छिॽ हुक्को आनिॽ हुक्आसुप्ते़ आदेसे़आङ् वाॽ॥”
खे़ङ्हाॽ कन् लाजेॽओ मे़द्ये़आङ् खे़ङ्हाॽरे़ कन् लाजेन् खुन्छिॽ युक्को मे़जोगु, कर खे़ने़ॽ के़इङ्जाङ्ङिन् खे़ङ्हाॽ इःप्मा नाःप्मा मे़न्दे़न्दे़न् खे़ब्याङ् याम्मो खे़ने़ॽ के़निसाम्मिन् हे़क्के खे़ङ्हाॽरे़ खुन्छिॽ थाःक् मे़न्धासुन्॥ खे़ने़ॽ इङ्जाङ् के़बिरुसिबा लत्छा पाःन्धिक्काङ् खे़ङ्हाॽरे़ मे़न्जोगुन्॥ खे़ल्ले़चोगुल्ले़ कन् के़रे़क् मे़क्मासिमे़न् खे़ने़ॽ खे़ङ्हाॽरे़ खुन्छिॽ सम्धाङ् के़दारु॥
Piblisite