निङ्‌वाॽफु साम्‍लोसुम् 4:4 - लिम्‍बु

⁴ खिनिॽ सिक् पोःक्‍किल्‍ले़ लायो मे़जोगे़म्‍मिन्‍ने़ॽओ, से़न्‍दिक् ने़त्‍नाओ के़ने़स्‍सिल्‍ले़ सिक्‍लुङ्‌मान् साॽरे़म्‍मे़ॽओ हे़क्‍क्‍याङ् सिक् ताम्‍दाम्‍बा पोःक्‍खे़म्‍मे़ॽओ॥ सेला

निङ्‌वाॽफु साम्‍लोसुम् 4:4 Referans Kwoze

एफिसि 4:26

खिनिॽ सिक् पोःक्‍साङ् लायो मे़जोगे़म्‍मिन्‍ने़ॽ॥ नाम्‍धामानुःल्‍ले़ तगिए खिनिॽ सिक्‍पोःक्‍मान् चिप्‍ल,

निङ्‌वाॽफु साम्‍लोसुम् 77:6

से़न्‍दिक् आङ्‌गाॽ आसाम्‍लोहाॽ निङ्‌वाॽ इःत्तुङ्‌लो, निङ्‌वाॽओ इःत्‍छिङ्‌ङाआङ् युङाङ्‌लो हे़क्‍क्‍याङ् आबाङे अक्‍खे मे़त्‍छिङ्‌ङारो,

खाहुन् 3:7

खे़ने़ॽ आप्‍फेक् के़निमो सिक्‍कुम्‍साबा मे़बोःक्‍खे़न्‍ने़ॽओ, यहवे दाङ्‌बे़न्‍नु किसे़ॽआङ् फे़न्‌याःम्‍बक्‍किन् ले़रे़ॽओ॥

निङ्‌वाॽफु साम्‍लोसुम् 63:6

आने़त्‍नाओ ने़आल्‍ले़आङ् खे़ने़ॽ निङ्‌वाॽ इःत्‍ने़रो, हे़क्‍क्‍याङ् से़न्‍दिक् नाम्‍दाःत्तात् निङ्‌वाॽ लिङ्‌ने़ॽरो॥

निङ्‌वाॽफु साम्‍लोसुम् 46:10

खुने़ॽ पाःत्तुॽ, “मे़ङ्‌घे मे़न्‍धक्‍के स्‍वाःत् वये़म्‍मे़ॽओ, हे़क्‍क्‍याङ् आङ्‌गाॽए निङ्‌वाॽफुमाङ्‌आ के़लॽबा पाःन्‍निन् खिनिॽ कुसिङ् नाःत्ते़म्‍मे़ॽओ॥ इक्‍सादिङ् खाम्‍बेःक्‍मोबा मे़न्‍छाम् सुवाङ्‌हाॽओ आङ्‌गाॽ के़रे़क्‍नुःल्‍ले़ थोधोक्‍पा पोङ्‌ङारो॥”

२ कोरन्‍थि 13:5

खिनिॽ नसाःन्‍निन् से़क्‍खाबा चोःक्‍पि मेःम्‍बि फाॽआङ् आबाङे साॽरे़म्‍मे़ॽओ॥ ये़सु ख्रिस्‍ते़न् खिनिॽओ वाॽ फाॽआङ् के़न्‍निसुम्‍मिम्‍बि? ख्रिस्‍ते़न् खिनिॽओ होःप्‍ने़ फाॽग्र से़क्‍खाए कुसाङ् के़न्‍लस्‍सुम्‍मिन्‍लो॥

निङ्‌वाॽफु साम्‍लोसुम् 33:8

इक्‍सादिङ् खाम्‍बेःक्‍मोबा के़रे़क् मनाहाॽरे़ यहवे दाङ्‌बान् से़वा मे़मे़त्तुररो हे़क्‍क्‍याङ् खे़प्‍मो के़युङ्‌बाहाॽरे़ मिङ्‌सो इङ्‌धाङ् मे़बिरुररो॥

अयुब 28:28

“निङ्‌वाॽफुमाङ्‌ङिल्‍ले़ मनाहाॽ मे़त्तुसिरो, यहवे दाङ्‌बान् मिङ्‌सो इङ्‌धाङ् पिमान्‍ने सिक्‍कुम्‍साबा पोङ्‌मारो, ताप्‍फे़ःम्‍बा लाम्‍मिन् मे़न्‍नाःप्‍माए खासिङ्‌गे़निःप्‍पा पोङ्‌मारो॥”

खाहुन् 16:6

थधप् मे़ल्‍लॽमनाबा मिःम्‍जि नु नसाःन्‍साबालाम् लायोलाम् हिःम्‍मा पान् पोङ्‌लो, यहवे दाङ्‌बे़न् किप्‍मालाम् मनान् फे़न्‍पाःन्‍लाम् लाःत्‍लाःत् पोङ्‌लो॥

हबकुक 2:20

कर यहवे दाङ्‌बे़ङ्‌ग खुने़ॽ कुहिम्‍मो वाॽरो, खुने़ॽ कुदगि इक्‍सादिङ् खाम्‍बेःक्‍मे़न् चिजि ये़म्‌ये़म् ने़ररो॥”

खाहुन् 16:17

कुदोःप्‍मे़ल्‍ले़ कुमाराम्‍मिन् फे़न्‍पान् लाम्‍बा लाःत्‍लाःत् पोङ्‌लो, आत्तिल्‍ले़ कुलाम्‍मिन् सिङ्‌सिङ् ये़क्‌ये़क्‍काङ् ओमे़त्तुॽ, खे़ल्‍ले़ कुहिङ्‌मन् ताङ्‌से़ःप्‍तुरो॥

निङ्‌वाॽफु साम्‍लोसुम् 119:161

मुक्‍साम्‍साबा मनाहाॽरे़ आङ्‌गाॽ थेनाधे तुक्‍खे मे़जाःत्तारो, कर के़साम्‌योथिम् इङ्‌जाङ्‌ङिन् आङ्‌गाॽ इङ्‌धाङ् पिरुङ्‌लो॥

निङ्‌वाॽफु साम्‍लोसुम् 3:4

आङ्‌गाॽ यम्‍बा इक्‍लाःल्‍ले़ यहवे दाङ्‌बान् उःत्तुङ्‌लो, हे़क्‍क्‍याङ् खुने़ॽ कुसेसे कोःक्‍मालाम् नोगप् पिआरो॥ सेला

निङ्‌वाॽफु साम्‍लोसुम् 2:11

किसे़म्‍मे़ॽर यहवे दाङ्‌बे़ल्‍ले़ कुसे़वा चोगे़म्‍मे़ॽओ, हे़क्‍क्‍याङ् यक्‍खे़म्‍मे़ॽर ओमु लॽरे़म्‍मे़ॽओ॥

यर्मिया 5:22

आङ्‌गाॽ यहवे दाङ्‌बाआ, खिनिॽ आङ्‌गाॽनु किमा मे़बोङ्‌ने़न्‍बि? आङ्‌गाॽ आदगि थेआङ् थे़गक्‍कक्‍ना के़न्‌यक्‍खिन्‍बे? आङ्‌गाॽ वरःङ्‌ङिल्‍ले़ लागि ये़ःङ्‌घाःन् इःन्‍दो ने़स्‍सुङ् पिरुङ्‌ङाङ् ने़रो॥ खे़न् वरःङ्‌ङिल्‍ले़ काःक्‍मा मे़न्‍छुक्‍मना लत्‍छा तधप् मे़ल्‍लॽमनाबा कुधेःक्‍मा पोःक्‍खे़आङ् ने़रो॥ वरःङ्‌ङोबा वाभे़ल्‍ले़ङ्‌हाॽ पोःक्‍पिलारो कर खे़न् इःन्‍दोन् काःक्‍मा मे़सुक्‍तुन्‍लो॥ खे़न् वाभे़ल्‍ले़ङ्‌हाॽ यम्‍बा सःक्‍पिलारो कर खे़न् हमाआङ् काःक्‍मा मे़सुक्‍तुन्‍लो॥

निङ्‌वाॽफु साम्‍लोसुम् 3:2

यरिक्‍ले़ आयाःम्‍बेओ निङ्‌वाॽफुमाङ्‌ङिल्‍ले़ खे़न् मे़भाॽरुन् लॽरिक् मे़बाःत्तुर मे़वाॽरो॥ सेला

निङ्‌वाॽफु साम्‍लोसुम् 17:6

निङ्‌वाॽफुमाङ्‌ङे, आङ्‌गाॽ खे़ने़ॽ उःत्‍ने़रो, थेआङ्‌भे़ल्‍ले़ खे़ने़ॽ नुगप् के़बिआरो॥ आङ्‌गाॽ ले़प्‍माङ् हिसिङ्‌ङे़ॽआङ् आङ्‌गाॽ आबेलिन् खे़प्‍साङ् पिराङ्‌ङे़ॽओ॥