निङ्‌वाॽफु साम्‍लोसुम् 32:1 - लिम्‍बु

¹ कुलायो ले़प्‍मि के़बोङ्‌बा मनान् मुॽइसाबारो, थेआङ्‌भे़ल्‍ले़ खे़ल्‍ले़ कुभे़न् याःम्‍बक्‍हाॽ ले़प्‍मि पोःक्‍खे़आङ् वाॽरो॥

निङ्‌वाॽफु साम्‍लोसुम् 32:1 Referans Kwoze

यसैया 44:22

आङ्‌गाॽ खे़ने़ॽ ताप्‍फे़ःम्‍बा के़याःम्‍बक्‍हाॽ खाॽमित् हे़क्‍के हे़क्‍क्‍याङ् खे़ने़ॽ के़लायोहाॽ तानाम्‍बा तुङ्‌हिःक् हे़क्‍के खे़त्तुङ्‌देसुङ् पिने़रो नुःक्‍खे़ॽआङ् त्‍ये़ॽओ थेआङ्‌भे़ल्‍ले़ आङ्‌गाॽ खे़ने़ॽ के़मे़ल्‍लुङ् हुङुङ्‌ङाङ् थे़ॽने़आङ् वाॽरो॥”

निङ्‌वाॽफु साम्‍लोसुम् 85:2

खे़ने़ॽ के़मनाहाॽरे़ खुनिॽ लायोहाॽ ले़प्‍मि के़बिरुसिआङ् वाॽरो, खे़ङ्‌हाॽरे़ खुनिॽ फे़न्‌याःम्‍बक्‍हाॽ खक्‍पे़त् के़दे़प्‍तु के़बिरुसिआङ् वाॽरो॥ सेला

यसैया 43:25

“आङ्‌गाॽ हाबा खे़न्‍नेआरो, आङ्‌गाॽ के़लायो के़लासोःत्‍हाॽ आलागि तुगुङ् पिने़रो, हे़क्‍क्‍याङ् ताप्‍फे़ःम्‍बा के़याःम्‍बक्‍हाॽ निङ्‌वाॽ मे़इःत्ताल्‍लो॥

सुफो 22:14

हे़क्‍क्‍याङ् खुनिॽ तेत्‍हाॽ सेसे लॽरिक् वागे़हप्‍पाहाॽग मुॽइसाबासिरो, थेआङ्‌भे़ल्‍ले़ खे़ङ्‌हाॽरे़ग ताःक्‍हन्‍हाॽओलाम् ये़क्‌यक्‍को लाःप्‍मा नु मे़न्‍नुप्‍मनाबा हिङ्‌मन् के़बिबा सिङ्‌बुङ्‌ङोलाम् चामा युक् मे़घोसुॽरो॥

यसैया 1:18

यहवे दाङ्‌बे़ल्‍ले़ पाःत्तु, “आल्‍ल त्‍ये़म्‍मे़ॽओ, आनिॽ सोरिक् युङिआङ् पाःन्‍धक्‍तिरो॥ खिनिॽ लायोहाॽ हे़ःत्ताङ्‌बा चोःक्‍साङ्, खे़ङ्‌हाॽ नाःङ् कुइसिक् फदाङ्‌बा पोङ्‌लो॥ हे़क्‍क्‍याङ् खे़निॽ लायोन् हे़ःक्‍कङ्‌गङ्‌बा चोःक्‍साङ् खे़न् फ के़लॽबा खि कुइसिक् पोङ्‌लो॥

निङ्‌वाॽफु साम्‍लोसुम् 40:4

यहवे दाङ्‌बान् कुनागे़साॽबाहाॽग मुॽइसाबासिरो, खे़ङ्‌हाॽरे़ के़हे़न्‍छिङ्‌बाहाॽ आभाॽरे़ मे़म्‍मे़त्तुन्‍छिल्‍लो, हे़क्‍क्‍याङ् नावाइत्‍हाॽ ले़प्‍माङ् खुन्‍छिॽ निङ्‌वाॽ मे़म्‍बिरुन्‍लो॥

निङ्‌वाॽफु साम्‍लोसुम् 106:3

खुने़ॽ कुइङ्‌जाङ् के़इःप्‍पा के़नाःप्‍पाहाॽ नु सदादिङ् कुदोःप्‍मा खासे़न् के़लोःम्‍बाहाॽ मुॽइसाबासिरो॥

लुका 11:28

कर ये़सुरे़ पाःत्तु, “हे़क्‍केग मेःन्, कर निङ्‌वाॽफु पाःन्‍जाक्‍किन् के़घे़म्‍बा नु के़इःप्‍पा के़नाःप्‍पाहाॽए मुॽइसाबासिरो॥”

निङ्‌वाॽफु साम्‍लोसुम् 53:1

अदङ् निङ्‌वाॽ के़गप्‍पाहाॽरे़ “निङ्‌वाॽफुमाङ् होप्” मे़बाःत्तुरो॥ खे़ङ्‌हाॽ फे़त्‍मे़लारे़आङ् मे़वाॽरो, हे़क्‍क्‍याङ् खे़ङ्‌हाॽरे़ सिक्‍के़ले़ःङ्‌बा याःम्‍बक् मे़जोगुरो, खे़ङ्‌हाॽओ नुबा याःम्‍बक् के़जोःक्‍पा आत्तिन्‍नाङ्‌ होप्‍लो॥

निङ्‌वाॽफु साम्‍लोसुम् 42:1

पे़ःङ्‌वान् वामिमाल्‍ले़ तरुल्‍ले़ वहःङ्‌ङोबा च्‍वाःत्तिन् थुङुङ्‌गो लॽरो, हे़क्‍केलॽरिक्‍के निङ्‌वाॽफुमाङ्‌ङे आयाम्‍साम्‍मिल्‍ले़ खे़ने़ॽ ओमे़प्‍मा नु तुम्‍मा साॽरिक्‍के निङ्‌वाॽ चोगुरो॥

मत्ति 16:17

ये़सुरे़ खे़न् मे़त्तु, “योनारे़ कुस्‍सा सिमोने, खे़ने़ॽग मुॽइसाबाने़रो थेआङ्‌भे़ल्‍ले़ कङ्‌ग मे़न्‍छाम् याप्‍मिहाॽरे़ ओसेःन्‍दाङ् के़म्‍जोगे़बा मेःन्, कर साङ्‌ग्राम्‍पेदाङ्‌ङोबा पानुदिङ् आम्‍बारे़ खे़ने़ॽ ओसेःन्‍दाङ् के़जोगे़बारो॥

निङ्‌वाॽफु साम्‍लोसुम् 128:1

यहवे दाङ्‌बान् मिङ्‌सो इङ्‌धाङ् के़बिबाहाॽ के़रे़क् मुॽइसाबासिरो, खे़ङ्‌हाॽग खुने़ॽ कुलाम्‍मो लाङ्‌गे़घेःक्‍पासिरो॥

निङ्‌वाॽफु साम्‍लोसुम् 89:15

खे़ने़ॽ के़नारा फोमा के़हुॽसिङ्‌बा मे़न्‍छाम् याप्‍मिहाॽग मुॽइसाबासिरो, यहवे दाङ्‌बाए, खे़ङ्‌हाॽग खे़ने़ॽ के़ओःत्तिओ लाङ्‌मे़घेःक्‍लो॥

निङ्‌वाॽफु साम्‍लोसुम् 84:12

मुक्‍साम्‍दाङ्‌बा यहवे दाङ्‌बाए, खे़ने़ॽओ ताःक्‍पो के़जोःक्‍पा मनान् मुॽइसाबारो॥

निङ्‌वाॽफु साम्‍लोसुम् 52:1

के़धुम्‍बा मनाए, फे़न्‌याःम्‍बक् के़जोःक्‍काङ् थेआङ् यम्‍बा के़ले़ङ्‌सिङ्‌बाबे? ले़न्‍दिक् नाम्‍धाधा थेआङ् के़हे़न्‍छिङ्‌ङाङ् के़वाॽबाबे? निङ्‌वाॽफुमाङ्‌ङिल्‍ले़ आभे़ल्‍ले़साङ् लुङ्‌माॽ आदुक्‍लो॥

निङ्‌वाॽफु साम्‍लोसुम् 45:1

हाङ्‌ङिल्‍ले़ कुलागि कन् साम्‍लोन् साप्‍तुङ्‌ङिल्‍ले़ साॽरिक् नुबा पाःन्‍छेःक्‌वाहाॽ आनिङ्‌वाॽओ तारो॥ कुभा नुरिक् साप्‍ला के़साप्‍पाल्‍ले़ कुनाक्‍चा कुइसिक् आङ्‌गाॽ आम्‍ब्राओ साम्‍इःत्‍लाःन् यारिप् वाॽरो॥

निङ्‌वाॽफु साम्‍लोसुम् 55:1

निङ्‌वाॽफुमाङ्‌ङे, चोगुङ्‌बा तुवान् खे़प्‍साङ् पिराङ्‌ङे़ॽओ, हे़क्‍क्‍याङ् पेलि फाक्‍ने़बान् खे़म्‍मा मे़नाॽरे़न्‍ने़ॽओ॥

नहेम्‍याह 4:5

खे़ङ्‌हाॽरे़ मे़जोगुबा फे़न्‌याःम्‍बक्‍किन् मे़जिक्‍खे़न्‍ने़ॽ इग्र खुन्‍छिॽ लायोन् निङ्‌वाॽ मे़भेःत्‍छे़न्‍ने़ॽओ थेआङ्‌भे़ल्‍ले़ लुङ्‌धाक् के़से़प्‍पाहाॽ खे़ङ्‌हाॽरे़ खुनिॽ चाःत्‍थि मे़देसु मे़बिरुसिआङ् वाॽ॥”

२ सामुए़ल 12:13

हे़क्‍केःल्‍ले़ दाउदे़ल्‍ले़ नाताने़न् मे़त्तु, “आङ्‌गाॽ यहवे दाङ्‌बाल्‍ले़ कुदक्‍ले़ङ्‌वाओ लायो चोगुङ्॥” नाताने़ल्‍ले़ दाउदे़न् मे़त्तु, “यहवे दाङ्‌बाल्‍ले़ खे़ने़ॽ के़लायोन् खे़त्तुआङ् वाॽ, खे़ने़ॽ के़न्‍छिने़न्॥

निङ्‌वाॽफु साम्‍लोसुम् 103:3

खुने़ॽग के़रे़क् आलायोहाॽ खे़त्तुदेसु पिआरो, हे़क्‍क्‍याङ् काक् तुक्‍मा यॽमालाम्‍बा वेःन्‍नारो॥