निङ्‌वाॽफु साम्‍लोसुम् 3:4 - लिम्‍बु

⁴ आङ्‌गाॽ यम्‍बा इक्‍लाःल्‍ले़ यहवे दाङ्‌बान् उःत्तुङ्‌लो, हे़क्‍क्‍याङ् खुने़ॽ कुसेसे कोःक्‍मालाम् नोगप् पिआरो॥ सेला

निङ्‌वाॽफु साम्‍लोसुम् 3:4 Referans Kwoze

निङ्‌वाॽफु साम्‍लोसुम् 34:4

आङ्‌गाॽ यहवे दाङ्‌बान् कोःत्तुङ्‌लो, हे़क्‍क्‍याङ् खुने़ॽ नुगप् पिराङ्‌लो, के़रे़क् आगिमा आयङ्‌माहाॽ खे़त्तुदेसुरो॥

निङ्‌वाॽफु साम्‍लोसुम् 91:15

खे़ल्‍ले़ उःत्ताल्‍ले़ खुने़ॽ पाःन्‍छाःत्तुङ्‌लो, खे़न् ये़त्तुक्‍खे चाःल्‍ले़ चुम् मे़त्तुङ्, तेःङ् मे़त्तुङ्‌लो, मिङ्‌सो थाःङ्‌सोनु खे़न् से़ःप्‍तुङ्‌लो॥

यसैया 65:24

खे़ङ्‌हाॽरे़ आङ्‌गाॽ पेलि फाक्‍मानुःल्‍ले़ तगि खे़ङ्‌हाॽरे़ आङ्‌गाॽ मे़नाःक्‍काबा पाःन्‍हाॽ पिरुङ्‌सिङ्‌लो॥

निङ्‌वाॽफु साम्‍लोसुम् 34:6

चुङ्‌जिगे़न् ये़त्‍छा साहाॽरे़ यहवे दाङ्‌बान् पेलि मे़भाक्‍तुबे़न् खे़प्‍सुरो, हे़क्‍क्‍याङ् खे़ङ्‌हाॽरे़ के़रे़क् खुनिॽ तुक्‍खे लाक्‍खेहाॽ खे़त्तुदेसु पिरुसिआङ् से़ःप्‍तुसिरो॥

याकुब 5:13

खिनिॽओ हात् इनोगे़न् तुक्‍खेओ वाॽबे? हाराॽ खे़ल्‍ले़ तुवा चोगुररो॥ हात् ओमुलॽमाओ वाॽ? हाराॽ खे़ल्‍ले़ दाङ्‌बाल्‍ले़ कुनारा फोमा साम्‍लोन् साम् मे़त्तुररो॥

मत्ति 7:7

“नाःक्‍ते़म्‍मे़ॽ, हे़क्‍क्‍याङ् खिनिॽ के़म्‍बिरिॽ॥ कोःत्ते़म्‍मे़ॽ, हे़क्‍क्‍याङ् खिनिॽ के़घोसुम्॥ लाम्‍धेःप्‍पो पेगे़म्‍मे़ॽआङ् खक्‍खक् मे़त्ते़म्‍मे़ॽ हे़क्‍क्‍याङ् खिनिॽ लागि हन्‍लो॥

निङ्‌वाॽफु साम्‍लोसुम् 43:3

के़से़क्‍खान् नु के़ओःत्तिन् आङ्‌गाॽ ओसेःन्‍दाङ् चोगे़ॽओ, खे़न् के़से़क्‍खान् नु के़ओःत्तिःल्‍ले़ आङ्‌गाॽ लाम् ओसेःन्‍धाक्‍काररो॥ खे़ल्‍ले़ खे़ने़ॽ के़युङ्‌मादे़न् सेसे कोःक्‍मा सियोःन्‍नो के़त्ताररो॥

निङ्‌वाॽफु साम्‍लोसुम् 2:6

यहवे दाङ्‌बे़ल्‍ले़ इङ्‌भन्‌ चोगुरो, “आङ्‌गाॽ आहाङ्‌ङिन् आसेसे कोःक्‍मा यरुसले़ःम्‍मो हाङ् चोगुङ्‌ङाङ् वाॽरो॥”

निङ्‌वाॽफु साम्‍लोसुम् 138:3

खे़ने़ॽ पाःन्‍छाःत्‍ने़ल्‍ले़ नोगप् पिराङ्‌ङे़ॽओ॥ खे़ने़ॽ के़धुम्‍बा के़जोक् हे़क्‍क्‍याङ् हाङ्‌हाङ् के़मे़त्ताङ्‌लो॥

निङ्‌वाॽफु साम्‍लोसुम् 99:9

यहवे दाङ्‌बा आनिॽ निङ्‌वाॽफुमाङ्‌ङिल्‍ले़ कुनारा फोसे़म्‍मे़ॽओ, हे़क्‍क्‍याङ् कुसेसे कोःक्‍माओ से़वा मे़त्ते़म्‍मे़ॽओ, यहवे दाङ्‌बा आनिॽ निङ्‌वाॽफुमाङ्‌ङिन् सेसे चोक्‍लो॥

निङ्‌वाॽफु साम्‍लोसुम् 50:15

तुक्‍खे लाक्‍खे के़जाःल्‍ले़ मे़त्ताङ्‌ङे़ॽओ, आङ्‌गाॽ खे़ने़ॽ से़ःप्‍ने़रो हे़क्‍क्‍याङ् खे़ने़ॽ आमिमिदिङ् के़जोगुरो॥”

तोलिङ्‌सोमु 15:1

खे़न् एगाङ्, सुफोओ यहवे दाङ्‌बाल्‍ले़ कुबाःन्‍जाःक्‍के़न् अब्राम्‍मिल्‍लो त्‍ये़, “अब्राम्‍मे, खे़ने़ॽ मे़गिसे़न्‍ने़ॽओ, खे़ने़ॽ के़घो आङ्‌गाॽआरो, हे़क्‍क्‍याङ् आङ्‌गाॽ चाॽरिक् यम्‍बा हाङ्‌से़म्‍मिन् पिने़रो॥”

निङ्‌वाॽफु साम्‍लोसुम् 18:3

आङ्‌गाॽ यहवे दाङ्‌बान् उःत्तुङ्‌लो, खुने़ॽ कुनारा फोमा लाॽरुरो, हे़क्‍क्‍याङ् आनिङ्‌मिहाॽलाम्‍बा खुने़ॽ से़ःप्‍पारो॥

निङ्‌वाॽफु साम्‍लोसुम् 27:6

हे़क्‍क्‍याङ् आङ्‌गाॽ आगब्रिङ् के़वाॽबा आङ्‌गाॽ आनिङ्‌मिहाॽ नाःन्‍दुङ्‌सिङ्‌लो खे़ब्‍याङ् सेसे कुयुङ्‌मादे़न्‍नो आङ्‌गाॽ आसिक् पसम्‍सम्‍ल सिदुङ्‌जभा चोगुङ्‌लो, आङ्‌गाॽ से़वासाम्‍लो साम्‍मे़त्तुङ्‌ल यहवे दाङ्‌बे़ल्‍ले़ कुनारा फोसुङ्‌लो॥

निङ्‌वाॽफु साम्‍लोसुम् 28:7

यहवे दाङ्‌बान् आङ्‌गाॽ आमुक्‍साम् नु आङ्‌गाॽ आधेःक्‍सिङ्‌मा आघोरो, आङ्‌गाॽ खुने़ॽओ आनिङ्‌वाॽ युक्‍खुङ्‌लो॥ हे़क्‍केःल्‍ले़ खुने़ॽ आङ्‌गाॽ फाॽआरो हे़क्‍क्‍याङ् आसिक् समे़आङ् वाॽरो, हे़क्‍क्‍याङ् से़वासाम्‍लोलाम्‍बा खुने़ॽ नुगे़न् पिरुङ्‌लो॥

निङ्‌वाॽफु साम्‍लोसुम् 62:8

मे़न्‍छाम् याप्‍मिसे, सदादिङ् निङ्‌वाॽफुमाङ्‌ङिन् ताःक्‍पो चोगे़म्‍मे़ॽओ, खिनिॽ तुक्‍खेहाॽ खुने़ॽए चे़क्‍ते़म्‍मे़ॽओ थेआङ्‌भे़ल्‍ले़ निङ्‌वाॽफुमाङ्‌ङिन्‍ने आनिॽ इःम्‍सिङ्‌मादे़न्‍लो॥ सेला

निङ्‌वाॽफु साम्‍लोसुम् 84:12

मुक्‍साम्‍दाङ्‌बा यहवे दाङ्‌बाए, खे़ने़ॽओ ताःक्‍पो के़जोःक्‍पा मनान् मुॽइसाबारो॥

निङ्‌वाॽफु साम्‍लोसुम् 89:19

यरिक् ये़म् तगि नसाःन्‍साबा के़से़वारोबाहाॽ सुफोधिक् के़बिरुसिआङ् अक्‍खे के़मे़त्तुसिरो, “आङ्‌गाॽ लत्‍छा कुमिङ् के़दिःप्‍पा थक्‍सुबाधिक् फाॽरुङ्‌ङाङ् वाॽरो, आङ्‌गाॽ मनालुम्‍मोनु सेगुङ्‌बा लत्‍छा मनाधिक् हाङ्‌युक्‍नान् पिरुङ्‌ङाङ् वाॽरो॥

निङ्‌वाॽफु साम्‍लोसुम् 119:114

खे़ने़ॽए आइःम्‍सिङ्‌मादे़न् नु आङ्‌गाॽ याप्‍मि के़धेःक्‍पा खोने़रो, के़माङ्‌हुप्‍पो आनिङ्‌वाॽ युक्‍खुङ्‌लो॥

खाहुन् 2:7

आप्‍तिक् मेःन्‍नेबा याःम्‍बक् के़जोःक्‍पा मनाहाॽरे़ लागि थङ् के़नाःम्‍बा चोःक्‍मासि पाःन्‍निन् कुधाःङ्‌ङो चिक्‍खुआङ् युङ्‌लो, आत्तिन्‍हाॽरे़ खुन्‍छिॽ ये़प्‍ले़क्‍किन् कुदोःप्‍मा चोक् खे़ङ्‌हाॽरे़ खुन्‍छिॽ लागि खुने़ॽग आधेःक्‍थेःक्‍पा खोरो,

मे़रिङ् साप्‍पन् 3:56

आदाङ्‌बारे़ आङ्‌गाॽ आबेलिन् के़घे़प्‍सुरो, “कुभाॽरे़ लागि आङ्‌गाॽ पेलि फाक्‍ने़ल्‍ले़ आदाङ्‌बा मे़ङ्‌घे़म्‍मनाबा मे़बोःक्‍खे़न्‍ने़ॽओ॥”