निङ्‌वाॽफु साम्‍लोसुम् 26:3 - लिम्‍बु

³ थेआङ्‌भे़ल्‍ले़ आङ्‌गाॽ सदादिङ् खे़ने़ॽ लुङ्‌माॽ के़दुक्‍काबान्‌ निङ्‌वाॽ इःत्तुङ्‌लो, हे़क्‍क्‍याङ् के़से़क्‍खाबा लाम्‍मो आङ्‌गाॽ चक्‍मे़ल्‍लॽए लाङ्‌घेःक्‍कारो॥

निङ्‌वाॽफु साम्‍लोसुम् 26:3 Referans Kwoze

१ युहुन्‍ना 1:7

कर निङ्‌वाॽफुमाङ्‌ङिन् से़न्‍दाङ्‌गे़न् ओःत्तिओ वाॽबा कुइसिक् आनिॽआङ् से़न्‍दाङ्‌गे़न् ओःत्तिओ आहिङ्‌ल आवाॽने़ फाॽग्र आनिॽ लुम्‍मो सेसे तङ्‌जुम् पोङ्‌लो॥ हे़क्‍क्‍याङ् आबुगे़न् कुस्‍सा ये़सुरे़ कुमाक्‍खिॽइल्‍ले़ आनिॽ काक् लायोलाम् सुत्‍थो आजोःक्‍लो॥

२ हाङ् 20:3

“यहवे दाङ्‌बाए, आङ्‌गाॽ आदाङ्‌बारे़ के़दगि आक्‍तङ्‌बा नसान् नु के़रे़क् सिक्‍लुङ्‌मारे़ माङ्‌से़वा चोःक्‍नु वाॽआ, हे़क्‍क्‍याङ् आदाङ्‌बारे़ के़निमो आत्तिन् पाःन्‍निन् नुबा चोक् खे़न् चोगुङ्‌ल वाॽआ फाॽआङ् आङ्‌गाॽ निङ्‌वाॽ इःत्ताङ्‌ङे़ॽओ॥” खम्‍भ्‍याङ् हिजकियान् उःक्‍काङ् उःक् हाबे़॥

२ युहुन्‍ना 1:4

पानुदिङ् पा निङ्‌वाॽफुमाङ्‌ङिल्‍ले़ इङ्‌जाङ् आबिरे़बा कुइसिक् कुभा के़स्‍साहाॽ से़क्‍खाओ लाङ्‌मे़घेःक्‍ल मे़वाॽबा निङ्‌वाॽ खोसुङ्‌ङाङ् इङ्‌गाॽ साॽरिक् आसिक् समे़आङ् वाॽआरो॥

एफिसि 4:32

कर निङ्‌वाॽफुमाङ्‌ङिल्‍ले़ ख्रिस्‍तलाम् खिनिॽ लायोन् ले़प्‍मि के़बिरिबा हे़क्‍केए, खिनिॽआङ् ले़प्‍मि पिआसिम्‍मे़ॽर लुङ्‌माॽ तुक्‍कासिम्‍मे़ॽआङ् लुङ्‌माॽ स्‍याःत् मे़त्तासिम्‍मे़ॽओ॥

२ कोरन्‍थि 8:9

थेआङ्‌भे़ल्‍ले़ खिनिॽग आनिॽ दाङ्‌बा ये़सु ख्रिस्‍तरे़ कुलुङ्‌गुम्‍मिन् के़निसुम्‍माङ् के़वयिॽरो॥ खुने़ॽ याङ्‌साकुन्‍धेसाबा चोगे़साङ्, कुयाङ्‌साॽमान्‍लाम्‍बा खिनिॽ याङ्‌साकुन्‍धेसाबा के़बोःक्‍खिर फाॽआङ् खिनिॽ लागि खुने़ॽ याङ्‌गे़साॽबा पोःक्‍खे़रो॥

२ कोरन्‍थि 3:18

आनिॽ दाङ्‌बाल्‍ले़ कुमिमिदिङ्‌ङिन् ओसेःन्‍आधाक्‍ल फाॽआङ् आनिॽ नादे़प्‍मान् हरे़आङ् वाॽरो॥ दाङ्‌बान् सेसेमाङ्‌लो, हे़क्‍क्‍याङ् खुने़ॽलाम्‍बा के़दाबा कुमिमिदिङ्‌ङिल्‍ले़ खुने़ॽ कुइसिक् आले़ङ्‌सिङ्‌ल आबेक्, हे़क्‍क्‍याङ् आल्‍लसाङ् यरिक् मिमिङ्‌दिङ्‌बा आबोङ्‌ल आबेःक्‍लो॥

युहुन्‍ना 14:6

ये़सुरे़ नोगप् पिरु, “लाम्, से़क्‍खा नु मे़न्‍नुप्‍मनाबा हिङ्‌मन् इङ्‌गाॽएरो॥ आत्तिन्‍नाङ्‌ इङ्‌गाॽ मे़ःन्‍नेग पानुदिङ् पाःल्‍लो के़प्‍मा मे़सुक्‍ने़न्‍लो॥

लुका 6:36

खिनिॽ पानुदिङ् पा निङ्‌वाॽफुमाङ्‌ङिन् याप्‍मि लुङ्‌माॽ के़दुक्‍पा चोक्, खे़ल्‍ले़चोगुल्‍ले़ खिनिॽआङ् मनाहाॽ लुङ्‌माॽ तुक्‍ते़म्‍सिम्‍मे़ॽओ॥”

यसैया 8:20

खे़निॽ खे़ङ्‌हाॽ अक्‍खे मे़त्ताम्‍सिम्‍मे़ॽ, “निङ्‌वाॽफुमाङ्‌ङिल्‍ले़ खे़निॽ थे़मा के़हुॽरिआङ् वाॽ, नुरिक्‍काङ् खे़प्‍साम्‍मे़ॽ! साम्‍माङ्‌च्‍याःङ् मुरागे़मे़प्‍पाहाॽरे़ खुन्‍छिॽ पाःन्‍निन् मे़घे़प्‍से़म्‍मिन्‍ने़ॽ! खे़ङ्‌हाॽरे़ खे़निॽ थे के़म्‍मे़त्तिसाङ्, खे़निॽ लागि नुबा मे़बोङ्‌ने़न्‍लो॥”

यसैया 2:5

याकुबरे़ कुमुॽइदाङ्‌सासे, त्‍ये़म्‍मे़ॽओ, यहवे दाङ्‌बे़ल्‍ले़ कुओःत्तिओ आनिॽ लाङ्‌घेगिरो॥

निङ्‌वाॽफु साम्‍लोसुम् 119:142

खे़ने़ॽग सदादिङ् साम्‌योबा के़जोःक्‍लो, हे़क्‍क्‍याङ् के़साम्‌योथिम् इङ्‌जाङ्‌ङिन् आभे़ल्‍ले़साङ् से़क्‍खाबा चोक्‍लो॥

निङ्‌वाॽफु साम्‍लोसुम् 101:2

आङ्‌गाॽ आप्‍तिक् मेःन्‍नेबा पोङ्‌मारे़ लागि सिङ्‌सिङ् ये़क्‌ये़क्‍काङ् वाॽआरो, आभे़ल्‍ले़ आङ्‌गाॽओ के़दाबाबे? आहिम्‍मो सेसेसाङ्‌साङ् पोङ्‌ङाआङ् हिङ्‌ङारो॥

निङ्‌वाॽफु साम्‍लोसुम् 86:11

यहवे दाङ्‌बाए, आङ्‌गाॽ के़लाम्‍मो लाङ्‌घेःक्‍मा निसाम् हुॽराङे़ॽओ, हे़क्‍केलॽरिक् से़क्‍खान् इःत्तुङ् नाःत्तुङ्‌लो॥ आङ्‌गाॽ खे़ने़ॽओ से़वा चोःक्‍मा निङ्‌वाॽ पिराङ्‌ङे़ॽओ, हे़क्‍क्‍याङ् के़मिङ्‌सो के़धाःङ्‌सो चोगुङ्‌लो॥

निङ्‌वाॽफु साम्‍लोसुम् 52:1

के़धुम्‍बा मनाए, फे़न्‌याःम्‍बक् के़जोःक्‍काङ् थेआङ् यम्‍बा के़ले़ङ्‌सिङ्‌बाबे? ले़न्‍दिक् नाम्‍धाधा थेआङ् के़हे़न्‍छिङ्‌ङाङ् के़वाॽबाबे? निङ्‌वाॽफुमाङ्‌ङिल्‍ले़ आभे़ल्‍ले़साङ् लुङ्‌माॽ आदुक्‍लो॥

निङ्‌वाॽफु साम्‍लोसुम् 25:5

के़से़क्‍खाबा लाम्‍मो लाम्‍लोसाङ्‌ङे़ॽआङ् हुॽराङ्‌ङे़ॽओ, थेआङ्‌भे़ल्‍ले़ खे़ने़ॽग आङ्‌गाॽ के़से़ःप्‍पा आनिङ्‌वाॽफुमाङ्‌ने़रो, हे़क्‍क्‍याङ् आभे़ल्‍ले़साङ् खे़ने़ॽ के़लाम् ओमे़त्तुङ्‌लो॥

३ युहुन्‍ना 1:11

आमिःम् आन्‍जुम्‍मे, ताप्‍फे़ःम्‍बा याःम्‍बक्‍हाॽरे़न् मेःन्, कर नुबा याःम्‍बक्‍हाॽरे़न् चोःङ् के़इःप्‍पा पोःक्‍खे़ॽओ॥ हाःत्‍ले़ नुबा याःम्‍बक्‍हाॽ चोगुॽ खे़न् निङ्‌वाॽफुमाङ्‌ङिल्‍ले़ कुस्‍सारो॥ हाःत्‍ले़ ताप्‍फे़ःम्‍बा याःम्‍बक्‍हाॽ चोगुॽ खे़ल्‍ले़ निङ्‌वाॽफुमाङ्‌ङिन् मे़न्‍निए वाॽरो॥