निङ्‌वाॽफु साम्‍लोसुम् 26:12 - लिम्‍बु

¹² यहवे दाङ्‌बाए, आङ्‌गाॽग ने़ने़बादे़न्‍नो ये़प्‍पारो, के़मनाहाॽ मे़जुम्‍बालुम्‍मो के़नारा फोसुङ्‌लो॥

निङ्‌वाॽफु साम्‍लोसुम् 26:12 Referans Kwoze

निङ्‌वाॽफु साम्‍लोसुम् 27:11

यहवे दाङ्‌बाए, के़लाम्‍मो लाङ्‌घेःक्‍मा हुॽराङ्‌ङे़ॽओ, आनिङ्‌मिहाॽरे़ आङ्‌गाॽ मे़सुक्‍काबाल्‍ले़ चोगुल्‍ले़ कुदोःप्‍मा लाम्‍मो आङ्‌गाॽ लाम्‍लोसाङ्‌ङे़ॽओ॥

निङ्‌वाॽफु साम्‍लोसुम् 111:1

यहवे दाङ्‌बे़ल्‍ले़ कुनारा फोसे़म्‍मे़ॽओ! आसिक्‍लुङ्‌मोलाम्‍मे कुमनाहाॽरे़ खुनिॽ लुम्‍मो, यहवे दाङ्‌बान् नुगे़न् पिरुङ्‌लो॥

निङ्‌वाॽफु साम्‍लोसुम् 40:2

खुने़ॽग किप्‍मा के़घुबा लुम्‍बाःत्तोलाम् हे़क्‍क्‍याङ् आहुम्‍हुम्‍बा वाजिम्‍बेलाम्‍बा लःत्ताङ्‌लो॥ खुने़ॽग आङ्‌गाॽ यम्‍बा लुङ् सम्‍धाङ् तेॽराङ्‌लो हे़क्‍क्‍याङ् थेआङ् मे़ल्‍लॽए ये़प्‍साङ्‌लो॥

खाहुन् 10:9

आप्‍तिक् मेःन्‍नेबा मनान् मे़ङ्‌गिए लाङ्‌घेःक्‍लो, कर पे़र्गे़क् वर्गे़क् लाङ्‌गे़घेःक्‍पा मनान् मे़दे़म्‍सुरो॥

१ सामुए़ल 2:9

खुने़ॽ नसाःन्‍साबा कुमनाहाॽ से़ःप्‍तुसिरो, कर लायोबा मनाहाॽ खामाक्‍मो मे़मे़क्‍लो॥ हाःत्ताङ् आबाङे थुम्‍ले़ के़नाःम्‍बा पोङ्‌मा मे़सुक्‍ने़ल्‍लो॥

हिब्रु 2:12

खुने़ॽ निङ्‌वाॽफु साम्‍लोसुम्‍मो अक्‍खेलॽरिक् निङ्‌वाॽफुमाङ्‌ङिन् मे़त्तुॽ, “इङ्‌गाॽ के़मिङ्‌ङिन् आन्‍साॽसि इङ्‌भोसुङ्‌सिङ्‌लो, हे़क्‍क्‍याङ् के़मना लुम्‍मो इङ्‌गाॽ ने़म्‍भोगे़न् के़नारा फोसुङ्‌लो॥”

निङ्‌वाॽफु साम्‍लोसुम् 122:4

यहवे दाङ्‌बे़ल्‍ले़ कुमना इस्राइलबा के़रे़क् सुवाङ्‌हाॽ से़वा चोःक्‍से़ कप्‍मो मे़दारो, कुइङ्‌जाङ्‌ङिल्‍ले़ पाःत्तुबा कुइसिक् इस्राइलिहाॽरे़ खुने़ॽ नुगे़न् मे़बिरुरो॥

निङ्‌वाॽफु साम्‍लोसुम् 107:32

खे़ङ्‌हाॽरे़ मे़न्‍छाम् याप्‍मि चुम्‍लुङ्‌ङो निङ्‌वाॽफुमाङ्‌ङिल्‍ले़ कुनारा मे़भोसुररो, हे़क्‍क्‍याङ् लाम्‍लोबाहाॽरे़ खुनिॽ चुम्‍भोओ खुने़ॽ कुमिङ्‌सो कुधाःङ्‌सो मे़जोगुररो॥

निङ्‌वाॽफु साम्‍लोसुम् 26:7

नुगे़न् साम्‍लोन् साम्‍मे़त्तुङ्‌ल आङ्‌गाॽ के़जोगुबा निङ्‌वाॽ के़माबा याःम्‍बक्‍हाॽ मनाहाॽ चे़क्‍तुङ्‌सिङ्‌ल लाङ्‌घेःक्‍कारो॥

निङ्‌वाॽफु साम्‍लोसुम् 68:27

के़रे़क्‍नुःल्‍ले़ चुःक्‍पा बे़न्‍जामिन ले़प्‍माङ्‌बा सुवाङ्‌हाॽरे़ खे़ङ्‌हाॽ लाम्‍मे़लोसुसिरो॥ यहुदा ले़प्‍माङ्‌बा लाम्‍लोबाहाॽ खे़ङ्‌हाॽनु मे़भःन्‍छिङ्‌लो, हे़क्‍क्‍याङ् जबुलुन नु नप्‍तालि ले़प्‍माङ्‌बा लाम्‍लोबाहाॽआङ् खे़प्‍मो मे़वाॽरो॥