मुक्साम्दाङ्बा यहवे दाङ्बे़ल्ले़ पाःत्तु, “ओमे़त्ते़म्मे़ॽ, खे़न् खासे़न् लोःम्मा ये़न्निन् मिधुङ् मिराःक् कुइसिक् तार पत्॥ यम्बा के़ले़ङ्सिङ्बा मनाहाॽ नु ताप्फे़ःम्बा याःम्बक् के़जोःक्पाहाॽ याॽलाङ् कुइसिक् मे़जोक्लो॥ हे़क्क्याङ् खे़न् ये़न्नो खे़ङ्हाॽ मिःल्ले़ खाप्पुथ्यःङ् चोगुसिॽ॥ मिःल्ले़ सिङ्बोराःक्के़न् नु कुसाःप्पे़न् खाप्पुथ्यःङ् चोगुबा कुइसिक् खे़ल्ले़ खे़ङ्हाॽरे़ खुन्छिॽ मुॽइदाङ्साहाॽ खाप्पुथ्यःङ् चोगुसिॽ॥
निङ्वाॽफु साम्लोसुम् 21:9 - लिम्बु9 खे़ने़ॽ के़धाःन्छिङ्ङिल्ले़ खे़ङ्हाॽ के़दिःप्पा मिहाप्पो लाप्के़भुसुसिरो॥ कुसिक् पोःक्किल्ले़ यहवे दाङ्बे़ल्ले़ खे़ङ्हाॽ मे़क्खुसिरो, हे़क्क्याङ् खे़ङ्हाॽ मिधुङ्दिङ् मिराःक्ले़ थ्यःङ् चोगुसिरो॥ Gade chapit la |
निङ्वाॽफु साम्लोसुम् 21:9
28 Referans Kwoze
याकुबरे़ के़रे़क् कुवाॽमा कुयुङ्मादे़न्हाॽ यहवे दाङ्बे़ल्ले़ आक्खे़न्नाङ् कुलुङ्माॽ स्याःत् मे़ल्लॽए खाप्पुथ्यःङ् चोगुरो॥ खुने़ॽ कुसाक्के़न् पोगे़बाओ यहुदाःल्ले़ कुस्सा मे़न्छुमाःल्ले़ खुन्छिॽ यक्हाॽ फुत्लुम् थ्यःङ् लुःन्दु पिरुसिरो॥ खे़न् हाङ्जुम्मिन् नु खे़ल्ले़ कुलाम्लोबाहाॽ खुने़ॽ खाम्बाङ्ङो सोःन्दुसिआङ् कुनामे़न्छाॽ मे़त्तुसिरो॥
यहवे दाङ्बाए, खे़ङ्हाॽ खुम्दिङ् पिमासिरे़ लागि के़हुक्किल्ले़ थाःङ् के़साःप्सुसिआङ् पत्लो, कर खे़ने़ॽ के़हुक्किल्ले़ के़साःप्सुसिसाङ् खे़ङ्हाॽरे़ निनिआङ् मे़ल्लाप्तुन्लो॥ आबाङे के़मनाहाॽरे़ खुनिॽ लागि खे़ने़ॽ के़सिक्सम्मान् खे़ङ्हाॽरे़ मे़निसुआङ् खे़ङ्हाॽ सिरिङ्ममो मे़धाररो॥ खे़ने़ॽ के़दक्ले़ङ्वाओ के़बोःक्पाहाॽरे़ लागि लाःत्लाःत् के़युक्सुबा मिःल्ले़ खे़ङ्हाॽ खाप्पुथ्यःङ् चोगुसिररो॥
खुने़ॽ कुमुराओलाम् इक्सादिङ् खाम्बेःक्मोबा मे़न्छाम् सुवाङ्हाॽ नाःम्मासि फाॽआङ् खागे़सुक्पा ताभेन् लःन्दे़रो॥ हे़क्क्याङ् खे़ङ्हाॽ फे़न्जेॽ तक्काःत्तिल्ले़ युक् चोगुसिॽरो॥ हे़क्क्याङ् खुने़ॽ चे़ल्ले़क्सेॽ एःम्मादे़न्नो लाङ्ङिल्ले़ चे़ल्ले़क्सेॽइन् सॽमनाबा हे़क्के मुक्साम्दाङ्बा निङ्वाॽफुमाङ्ङिल्ले़ कुसाक्के़न्निल्ले़ कुनिङ्मिहाॽ सॽरुसिरो॥
निङ्वाॽफुमाङ्ङिल्ले़ कुसुनाइङ्ङिन् थिम्मे़न्दङ् सुवाङ्हाॽरे़ मे़घे़प्सुआङ् से़न्लप् मे़ङ्घोसुन्ल फाॽआङ् खे़ङ्हाॽरे़ सुनाइङ् इङ्भन् चोःक्मा आनिगे याप्मि साक्मा तम्सिङ् मे़जोगुर मे़वाॽरो॥ अक्खेलॽरिक् निङ्वाॽफुमाङ्ङिल्ले़ कुनिमाओ खे़ङ्हाॽरे़ खुनिॽ लायोन् लुम्सिङ्ल पत्लो॥ कर आल्लग निङ्वाॽफुमाङ्ङिल्ले़ कुसिक्के़न् खे़ङ्हाॽओ चुक्ते़आङ् वाॽरो॥
हे़क्क्याङ् हाङ्ङिल्ले़ कुभे़न्छाङ् ले़प्माङ्बाहाॽ मे़त्तुसि, ‘खिनिॽ निङ्वाॽफु साक्मुराःल्ले़ के़दे़त्तिबासे, खिनिॽ इङ्गाॽओलाम् पेगे़म्मे़ॽओ॥ खिनिॽग माफे़न्साम्मिन् नु खुने़ॽ कुमाङ्लाइङ्बाहाॽ केःप्मासि फाॽआङ् यारिप् चोगुबा आप्फाल्ले़आङ् मे़न्छिःम्ना मि के़दिःप्पा खे़मायङ्सङ्ङो पेगे़म्मे़ॽओ॥
निङ्वाॽफुमाङ्ङिल्ले़ खुने़ॽ माङ्से़वा मे़प्मा ते़न् चोःक्मारे़ लागि यरुसले़ःम्मिन् सेगु, कन् इङ्जाङ्ङिन् के़भेःम्बा नु माङ्हिम्मिन् खाप्पुथ्यःङ् चोःक्मा के़गोःप्पा आत्तिन् हाङ्ङिन्छाङ् इग्र सुवाङ्ङिन्छाङ् खुने़ॽ मे़क्खुर॥ आङ्गाॽ दारा हाङ्ङिल्ले़ कन् इङ्जाङ्ङिन् पिनिङ्॥ कन् के़रे़क्ले़ मे़इःत्तु मे़नाःत्तुर पोङ्लो॥”
Piblisite