निङ्‌वाॽफु साम्‍लोसुम् 21:12 - लिम्‍बु

¹² खे़ङ्‌हाॽ के़घे़त्‍छिङ् के़बेःक्‍पा के़जोगुसिरो, थेआङ्‌भे़ल्‍ले़ तोःङ्‌ङिन् लिओ के़भत्‍छुआङ् खे़ने़ॽ खे़ङ्‌हाॽ के़सोःक्‍तुसिरो॥

निङ्‌वाॽफु साम्‍लोसुम् 21:12 Referans Kwoze

निङ्‌वाॽफु साम्‍लोसुम् 18:40

आङ्‌गाॽ आनिङ्‌मिहाॽ खे़ने़ॽ याङ्‌ना के़नुःङ्‌बाआङ् के़घे़त्‍छिङ्‌बा के़जोगुसिरो, हे़क्‍क्‍याङ् आनिङ्‌मिहाॽ मे़क्‍खुङ्‌सिङ्‌लो॥

निङ्‌वाॽफु साम्‍लोसुम् 64:7

कर निङ्‌वाॽफुमाङ्‌ङिल्‍ले़ खे़ङ्‌हाॽ तोःङ्‌ङिल्‍ले़ आबुसिरो, हे़क्‍क्‍याङ् निङ्‌वाॽए मे़ङ्‌घोए खे़ङ्‌हाॽ चघप् मे़गाःन्‍लो॥

मे़रिङ् साप्‍पन् 3:12

खुने़ॽ लिजोःन् फत्‍छुआङ् कुलिन् खिङ्‌घुरो हे़क्‍क्‍याङ् कुदोःङ्‌हाॽरे़ आङ्‌गाॽए सोःक्‍ताङ्‌लो॥

निङ्‌वाॽफु साम्‍लोसुम् 56:9

फाॽराङ्‌ङे़ॽ फाॽआङ् उःत्‍ने़ल्‍ले़ आनिङ्‌मिहाॽ एगाङ् मे़नुःङ्‌ङाङ् मे़घे़त्‍छिङ्‌लो॥ हे़क्‍केलॽरिक् खे़ने़ॽ आङ्‌गाॽ ले़प्‍माङ् के़वाॽ के़लॽबा निङ्‌वाॽ खोसुङ्‌लो॥

निङ्‌वाॽफु साम्‍लोसुम् 44:10

निङ्‌मिहाॽनु थक्‍तिगे़ल्‍ले़ हारिगे़दाबाआङ् के़घे़त्‍छिङ्‌बा याप्‍मि के़जोगे़आङ् वाॽरो, हे़क्‍क्‍याङ् आनिगे तक्‍ले़ङ्‌वाओ के़बोःक्‍पाहाॽरे़ थ्‍याङ्‌ध्‍याङ् मे़नाप्‍तिगे़ मे़देॽरिगे़आङ् वाॽरो॥

निङ्‌वाॽफु साम्‍लोसुम् 9:3

खे़ने़ॽ के़धाःम्‍सिङ्‌ङिल्‍ले़ आनिङ्‌मिहाॽ खिरि मे़हिसिङ्‌लो हे़क्‍क्‍याङ् याङ्‌ना मे़घे़त्‍छिङ् मे़बेःक्‍लो, हे़क्‍क्‍याङ् खे़ङ्‌हाॽ मे़जोःन्‍नाङ् मे़सिरो॥

अयुब 7:20

आङ्‌गाॽ लायो चोगुङ्‌ङाङ् वयाङ्‌साङ् खे़ने़ॽ थे हान्‍ति चोःक्‍ने़न्‍बे? मे़न्‍छाम् याप्‍मि ओगे़मे़प्‍पाए, थेआङ् आङ्‌गाॽ सोःक्‍मनाबा के़जोगाङ्‌बाबे? थे आङ्‌गाॽ खे़ने़ॽ के़लागि कम्‍भ्‍यारिक् साॽरिक् के़लिःप्‍पा कक् पोःक्‍खाङ्‌बि?

निङ्‌वाॽफु साम्‍लोसुम् 18:14

खुने़ॽ तोःङ्‌ङिल्‍ले़ आबुसिआङ् कुनिङ्‌मिहाॽ फुत्‍छिङ्‌ज्‍याङ् से़सुदेसुसिरो, हे़क्‍क्‍याङ् मुन्‍धाङ् सेरिःल्‍ले़ हःन्‍दा मे़ले़क्‍ते़र याःन्‍दुसिरो॥

यसैया 8:10

आक्‍खेआङ् थङ् थक्‍माबे फाॽआङ् निङ्‌वाॽ इःत्ताम्‍मे़ॽओ, कर खे़न् कुलिङ्‌दो मे़गे़त्‍ने़न्‍लो॥ खे़निॽ चोःक्‍मा निङ्‌वाॽ के़जोगुम्‍बा पाःन्‍हाॽ युक्‍खाम्‍मे़ॽओ, कर खे़न् माबेक्, थेआङ्‌भे़ल्‍ले़ निङ्‌वाॽफुमाङ्‌ङिन् आनिॽनु वाॽरो॥