निङ्‌वाॽफु साम्‍लोसुम् 20:1 - लिम्‍बु

¹ ये़त्तुक्‍खे के़दुमुल्‍ले़ यहवे दाङ्‌बे़ल्‍ले़ के़बेलिन् खे़प्‍सुररो, याकुबरे़ कुनिङ्‌वाॽफुमाङ्‌ङिल्‍ले़ के़से़ःप्‍लरो॥

निङ्‌वाॽफु साम्‍लोसुम् 20:1 Referans Kwoze

खाहुन् 18:10

यहवे दाङ्‌बे़ल्‍ले़ कुमिङ्‌ङिन् लत्‍छा के़धुम्‍बा चङ्‌हिम्‍लो, साम्‌योबा मनाहाॽ खे़प्‍मो मे़लोःक्‍ल मे़बेःक्‍लो खम्‍भ्‍याङ् खे़ङ्‌हाॽरे़ ताङ्‌से़ःप्‍सिङ्‌मा मे़घोसुरो॥

निङ्‌वाॽफु साम्‍लोसुम् 138:7

आङ्‌गाॽ ये़त्तुक्‍खे तुमुङ्‌ङाङ् वाॽआसाङ् खे़ने़ॽ के़से़ःप्‍पारो॥ कुसिक् के़बोःक्‍पा आङ्‌गाॽ आनिङ्‌मिहाॽ खे़ने़ॽ के़अत्तुसिरो, हे़क्‍क्‍याङ् के़मुक्‍साम्‍मिल्‍ले़ के़से़ःप्‍पारो॥

हिब्रु 5:7

ये़सुन् इक्‍सादिङ् खाम्‍बेःक्‍मो नासिङ्‌गे़न् थक्‍को वये़ल्‍ले़ खुने़ॽ मिक्‌वानु चक् चक् साॽरिक् हाबे़र सिमे़न्‍लाम् ताङ्‌से़ःप्‍मा के़सुक्‍पे़न् पेलि फाक्‍तुर तुवा चोगुरो॥ खुने़ॽ निङ्‌वाॽफुमाङ्‌ङिन् मिङ्‌सो इङ्‌धाङ् पिरुर से़वा चोगुबाल्‍ले़ खुने़ॽ चोगुबा तुवान् निङ्‌वाॽफुमाङ्‌ङिल्‍ले़ ताःक्‍तुरो॥

निङ्‌वाॽफु साम्‍लोसुम् 46:11

मुक्‍साम्‍दाङ्‌बा यहवे दाङ्‌बान् आनिॽनु वाॽरो, हे़क्‍क्‍याङ् याकुबरे़ कुनिङ्‌वाॽफुमाङ्‌ङिन् आनिॽ से़ःप्‍सिङ्‌मादे़न् यक्‍लो॥ सेला

यसैया 50:10

खे़निॽओ हाःत्‍ले़ यहवे दाङ्‌बे़न् मिङ्‌सो इङ्‌धाङ् पिरुबे? हे़क्‍क्‍याङ् आत्तिल्‍ले़ खुने़ॽ कुसे़वारोबे़ल्‍ले़ कुबाःन्‍निन् खे़प्‍सुबे? ओःत्ति मेःन्‍ने खामाक्‍मो लाङ्‌गे़घेःक्‍पे़ल्‍ले़ यहवे दाङ्‌बान् ताःक्‍पो चोगुररो, हे़क्‍क्‍याङ् आबाङे कुनिङ्‌वाॽफुमाङ्‌ङो कुनिङ्‌वान् युक्‍खुररो॥

निङ्‌वाॽफु साम्‍लोसुम् 83:18

खे़ङ्‌हाॽरे़ खे़ने़ॽ यहवे दाङ्‌बाने़ फाॽआङ् कुसिङ् के़म्‍निःत्‍लरो, इक्‍सादिङ् खाम्‍बेःक्‍मो खे़ने़ॽरक् के़रे़क्‍नुःल्‍ले़ पयम् यम्‍बा निङ्‌वाॽफुमाङ्‌ने़ के़लॽबान् निङ्‌वाॽ मे़घोसुररो॥

निङ्‌वाॽफु साम्‍लोसुम् 46:1

निङ्‌वाॽफुमाङ्‌ङिन् आनिॽ इःम्‍सिङ्‌मादे़न् हे़क्‍क्‍याङ् आनिॽ मुक्‍साम्‍लो, आनिॽ साॽरिक् तुक्‍खे आजाःल्‍ले़ आनिॽ फाॽमारे़ लागि खुने़ॽ आभे़ल्‍ले़साङ् यारिप् वाॽरो॥

यर्मिया 30:7

आयाक्‍को! लत्‍छा किप्‍मागे़घुबा ये़न्‍धिक् तार पत्‍लो, हे़क्‍तङ्‌बा वेॽ ये़न् आभे़ल्‍ले़आङ् मे़बोङ्‌ने़ल्‍लो॥ आमना इस्राइलिहाॽरे़ लागि खे़न् लत्‍छा ये़त्तुक्‍खेबा ये़न् पोङ्‌लो कर खे़ङ्‌हाॽ खे़न्‍लाम्‍बा मे़दाङ्‌लो॥”

निङ्‌वाॽफु साम्‍लोसुम् 60:11

आनिगे निङ्‌मिहाॽ नाःम्‍मासि आभाॽरे़ॽओ, थेआङ्‌भे़ल्‍ले़ मनाहाॽरे़ आम्‍भाॽबे़ङ्‌ग हने़रक् पोङ्‌लो॥

निङ्‌वाॽफु साम्‍लोसुम् 114:2

यहुदा लाजेन् यहवे दाङ्‌बे़ल्‍ले़ कुसेसेदे़न् पोःक्‍खे़रो, हे़क्‍क्‍याङ् इस्राइले़न् कुहाङ्‌जुम् पोःक्‍खे़रो॥

निङ्‌वाॽफु साम्‍लोसुम् 50:5

खुने़ॽ पाःत्तु, “आङ्‌गाॽओ सिदुङ्‌जभा के़जोःक्‍पार माङ्‌हुप् के़जोःक्‍पा नसाःन्‍साबा आमनाहाॽ आङ्‌गाॽओ सुप्‍से़से़ॽओ॥”

निङ्‌वाॽफु साम्‍लोसुम् 46:7

मुक्‍साम्‍दाङ्‌बा यहवे दाङ्‌बान् आनिॽनु वाॽरो, हे़क्‍क्‍याङ् याकुबरे़ कुनिङ्‌वाॽफुमाङ्‌ङिन् आनिॽ से़ःप्‍सिङ्‌मादे़न् यक्‍लो॥ सेला

निङ्‌वाॽफु साम्‍लोसुम् 18:2

यहवे दाङ्‌बान् आयाक्‍पेॽरो, खुने़ॽग आयक् नु आसे़न्‍लप्‍दाङ्‌बारो॥ आनिङ्‌वाॽफुमाङ्‌ङिन् आङ्‌गाॽ आयाक्‍पेॽरो खुने़ॽओए आङ्‌गाॽ इःम्‍सिङ्‌ङारो॥ खोःल्‍ले़ आङ्‌गाॽ थेःक्‍काबा कुइसिक् खुने़ॽ से़ःप्‍पाआङ् नुरिक् कत्तारो॥

निङ्‌वाॽफु साम्‍लोसुम् 9:10

आत्तिन्‍हाॽरे़ खे़ने़ॽ कुसिङ् के़म्‍निःत् खे़ङ्‌हाॽरे़ ताःक्‍पो के़म्‍जोःक्‍लो, थेआङ्‌भे़ल्‍ले़ यहवे दाङ्‌बे, खे़ने़ॽ के़गोःप्‍पाहाॽ के़न्‍ले़रुन्‍छिल्‍लो॥

निङ्‌वाॽफु साम्‍लोसुम् 41:1

याङ्‌गे़साॽबाहाॽ कम्‍ब्राङ् के़मे़प्‍पाहाॽग मुॽइसाबासिरो, थेआङ्‌भे़ल्‍ले़ खे़ङ्‌हाॽ तुक्‍खेओ मे़धाःल्‍ले़ यहवे दाङ्‌बे़ल्‍ले़ खे़ङ्‌हाॽ से़ःप्‍तुसिरो॥