निङ्वाॽफु साम्लोसुम् 146:7 - लिम्बु7 खुने़ॽग तुक्खे मे़जाःत्तुसिबाहाॽ कुदोःप्मा खासे़न् लोःन्दुपिरुसिरो, हे़क्क्याङ् साक्मे़न्जा के़वाॽबाहाॽ कुजा पिरुसिरो॥ यहवे दाङ्बे़ल्ले़ पुङ्लाहिम्मो साक्पा के़धाबाहाॽ चोःक्युम्भो पिरुसिरो॥ Gade chapit la |
निङ्वाॽफु साम्लोसुम् 146:7
27 Referans Kwoze
यहवे दाङ्बा निङ्वाॽफुमाङ्ङिल्ले़ कुयाम्साम्मे़न् आङ्गाॽ आसम्धाङ् वाॽरो, थेआङ्भे़ल्ले़ याङ्गे़साॽबाहाॽ सुनाइङ् इङ्भोमासिरे़ लागि यहवे दाङ्बे़ल्ले़ आङ्गाॽ सेःन्दाङ्ङाङ् वाॽरो॥ निङ्वाॽ के़दुक्पाहाॽरे़ खुन्छिॽ याम्साम्मिन् वेःम्मारे़ लागि, पुङ्लाहिम्मो साक्पा के़धाबाहाॽ ले़प्मासिरे़ लागि खे़ब्याङ् इघेःङ्ङो के़धाबाहाॽ चोःक्युम्भो पिमासि उवा चोःक्मारे़ लागि खुने़ॽ आङ्गाॽ पाङ्घाङ्ङाङ् वाॽरो॥
“दाङ्बाल्ले़ कुसेसे याम्साम्मिन् इङ्गाॽ आसम्दाङ् वाॽ, थेआङ्भे़ल्ले़ याङ्गे़साॽबाहाॽ सुनाइङ् इङ्भन् चोःक्से़ माङ्धोःक्ना पिराङ्ङाङ् वाॽआरो॥ खुने़ॽ साक्पा के़धाबाहाॽ चोःक्युम्भोरे़न् इङ्भन् चोःक्से़, मिक्फःम्बाहाॽरे़ खुनिॽ मिक्सान् वेःम्मा इङ्भन् चोःक्से़, हे़क्क्याङ् एप्ले़क्खे़ओ के़वाॽबाहाॽ चोःक्युम्भो पिसे़ नु दाङ्बाल्ले़ कुलुङ्गुम्मिल्ले़ तङ्बेल्ले़न् इङ्भन् चोःक्से़ इङ्गाॽ पाङ्घाङ्ङाङ् वाॽआरो॥”
मुक्साम्दाङ्बा यहवे दाङ्बे़ल्ले़ पाःत्तुॽ, “कर हे़क्के पोङ्मानुःल्ले़ तगि आङ्गाॽ खासे़न् लोःन्छे़ खे़निॽ पेसाङ् ताआ॥ साम्माङ्च्याःङ् मुरा के़मे़प्पा मनाहाॽ, इप्ना लोःम्भेत् के़बोःप्पा मनाहाॽ हे़क्क्याङ् इङ्ले़क्के तोःन्दि के़बिबाहाॽ, याःम्बक् के़जोःक्पाहाॽरे़ खुन्छिॽ नाम्याक् नुरिक् मे़म्बिमनाहाॽ कुये़म्बा के़सिमा मे़न्छुमाहाॽ नु ये़त्छा होॽदोःक्हाॽ निङ्वाॽ तादा के़जोःक्पा नु ताप्फे़ःल्लिक् के़मे़प्पाहाॽ वेॽ लाजेॽबा मनाहाॽरे़ खुनिॽ ले़प्माङ् कुदोःप्मा खासे़न् मे़ल्लोःम्मना मे़म्बिमनाबाहाॽ, हे़क्क्याङ् आङ्गाॽनु मे़ङ्गिमनाबा कन् के़रे़क् मनाहाॽ आङ्गाॽ हक्चघत् आप्तिक् कुःत्तुङ्सिङ्ॽ॥”
थेआङ्भे़ल्ले़ खे़ने़ॽ खे़ङ्हाॽरे़ खुन्छिॽ के़लिःप्पा खे़ःप्सिङ्ङिन् के़ए़क्खु के़बिरुसिरो हे़क्क्याङ् ते़ःम्भुक्किन् स्याक् वयाक् के़भुॽरु के़बिरुसिआङ् वाॽरो॥ यरिक् ये़न् तगि मिध्यान लाजेॽबा थक्सुबाहाॽ के़नाःन्दुसिबा हे़क्केए खे़ने़ॽ के़मनाहाॽ के़युक्पा नु तुक्खे के़जाःप्पा सुवाङ्हाॽ के़नाःन्दुसिआङ् वाॽरो॥
आसिक्लुङ्मोलाम् यहवे दाङ्बान् अक्खे मे़त्तुङ्लो, “यहवे दाङ्बाए, खे़ने़ॽ हे़क्तङ्बा हात् वाॽआङ्बे? के़धुम्बाहाॽरे़ मे़न्धुम्मनाबाहाॽ ताप्फे़ःल्लिक् मे़मे़त्तुसिल्ले़ खे़ने़ॽ मे़न्धुम्मनाबाहाॽ के़से़ःप्तुसिरो, हे़क्क्याङ् कुइगे़भे़म्बाहाॽरे़ याङ्गे़साॽबाहाॽ तुक्खे मे़जाःत्तुसिल्ले़ खे़ने़ॽ याङ्गे़साॽबाहाॽ के़नाङुसिरो॥”
Piblisite