निङ्वाॽफु साम्लोसुम् 146:10 - लिम्बु10 यहवे दाङ्बाङ्ग सदादिङ्ले़ लागि हाङ्लो, सियोःन्ने, के़निङ्वाॽफुमाङ्ङिल्ले़ थाःक् थाःक् थारिक् हाङ्युक् चोगुरो, यहवे दाङ्बे़ल्ले़ कुनारा फोसे़म्मे़ॽओ! Gade chapit la |
निङ्वाॽफु साम्लोसुम् 146:10
13 Referans Kwoze
हे़क्क्याङ् नुसिगेक्पा माङ्लाइङ्बाल्ले़ कुधुत्थुरिःप्पे़न् मुःत्तुल्ले़ साङ्ग्राम्पेदाङ्ङो यम्बा इक्लाहाॽ अक्खेलॽरिक् त्ये़रो, “काक् इक्सादिङ् खाम्बेःक्मान् आनिॽ दाङ्बा नु निङ्वाॽफुमाङ्ङिल्ले़ सेःन्दुबा ख्रिस्ते़ल्ले़ कुहाङ्जुम् पोःक्खे़आङ् वाॽरो॥ हे़क्क्याङ् खुने़ॽ चक्मे़ल्लॽए सदादिङ् सदादिङ् हाङ् चोगुॽरो॥”
खुने़ॽ युक्, मिमिदिङ् नु हाङ्युक् मे़बिरु, हे़क्क्याङ् मे़न्छाम् याप्मिहाॽ, मे़न्छाम् सुवाङ्हाॽ हे़क्क्याङ् वेॽ वेॽ पाःन्दाङ् के़बाःप्पाहाॽरे़ खुने़ॽ माङ्से़वा मे़मे़त्तु॥ खुने़ॽ कुहाङ्युक्किन् नुप्मे़न्दिङ्बा हाङ्युक् चोक्, खे़न् आभे़ल्ले़आङ् मे़ले़ङ्ने़न्, हे़क्क्याङ् खुने़ॽ कुहाङ्जुम्मिन् आप्फाल्ले़आङ् मे़नुप्ने़न्लो॥”
“आङ्गाॽ आहाङ्जुम् के़रे़क्पा मनाहाॽरे़ दानिए़लरे़ कुनिङ्वाॽफुमाङ्ङिन् मे़गिरुर हे़क्क्याङ् मिङ्सो इङ्धाङ् मे़बिरुर फाॽआङ् आङ्गाॽ कन् इङ्जाङ्ङिन् उवा चोगुङ्लो॥ “थेआङ्भे़ल्ले़ खुने़ॽग कुहिङ्वे़त् निङ्वाॽफुमाङ्लो, हे़क्क्याङ् खुने़ॽ सदादिङ् आभे़ल्ले़साङ् वाॽरो॥ खुने़ॽ कुहाङ्जुम्मिन् मे़मे़क्ने़न्लो खुने़ॽ कुहाङ्युक्किन् आभे़ल्ले़आङ् मे़नुप्ने़न्लो॥
खुने़ॽ युक् चोगुबा मुक्साम्मिन् हाबा चक्मे़ल्लॽए पोआङ् पत्लो, खुने़ॽ कुहाङ्जुम्मो आभे़ल्ले़साङ् सनारुङ् नु नुॽमादामा पोङ्लो॥ हे़क्क्याङ् खुने़ॽ कुधाःक् दाउदरे़ कुएगाङ् के़दाबा हाङ्ङिङ्ग खुने़ॽए पोङ्लो॥ खे़ब्याङ् कुदोःप्मा खासे़न् नु साम्योबान् सोरिक् चोगुआङ् हाङ्युक् चोगुरो॥ खे़न् ये़म्माङ्धो सदादिङ्ले़ लागि खुने़ॽ हाङ्युक् चोगुरो यहवे दाङ्बा मुक्साम्दाङ्बे़ल्ले़ कुसिक्सम्मे़ल्ले़ कन् पाःन्निन् कुलिङ्दो के़त्तुरो॥
“कन् हाङ्हाॽरे़ खुन्छिॽ ये़म्मो साङ्ग्राम्पेदाङ्बा निङ्वाॽफुमाङ्ङिल्ले़ आप्फाल्ले़आङ् मे़न्नुप्मनाबा हाङ्जुम् थिक् चोगुॽ, खे़न् हाङ्जुम्मिन् आप्फाल्ले़आङ् वेॽ सुवाङ्हाॽरे़ खुन्छिॽ हुक्को मे़जुक्ने़न्॥ कल्ले़ खे़न् हाङ्जुम्हाॽ के़रे़क् खाप्पुथ्यःङ् चोगुसिआङ् नुप्सुसिॽ, कर खे़न् हाङ्जुम्मिन् सदादिङ् आभे़ल्ले़आङ् मे़नुप्ने़न्॥
“सियोनबा मनाहाॽओ सुनाइङ् के़से़बासे, खे़निॽ केःम्बा नाङ्जङ्लुङ्ङो पेगे़म्मे़ॽओ॥ यरुसले़म ये़क्यक्पा मनाहाॽ सुनाइङ् इङ्भन् के़हाबासे, साॽरिक् अःक्ते़म्मे़ॽओ, अःक्ते़म्मे़ॽओ, मे़गिसे़म्मिन्ने़ॽओ॥ यहुदा पाङ्जुम्मोबा मनाहाॽ मे़त्ते़म्सिम्मे़ॽओ, ‘ओमे़त्ते़म्मे़ॽ, खे़निॽ निङ्वाॽफुमाङ्ङिन् हाबा कॽयो वाॽरो!’
कोःक्मा फाङ्जङ्हाॽओ सुनाइङ् के़से़बाहाॽरे़ खुन्छिॽ लाङ्हाॽ साॽरिक् के़घे़म्सिङ्बा चोक्लो, खे़ङ्हाॽरे़ सुनाइङ् इङ्मे़भोसुरो, खे़ङ्हाॽरे़ सनारुङ् उवा मे़जोगुरो॥ खे़ङ्हाॽरे़ से़न्लप् खोमा पाःन्हाॽ उवा मे़जोगुरो, खुने़ॽ सियोनबा मनाहाॽ मे़त्तुसिरो, “खे़निॽ निङ्वाॽफुमाङ्ङिल्ले़ हाङ्युक् चोगुरो॥”
Piblisite