निङ्‌वाॽफु साम्‍लोसुम् 142:6 - लिम्‍बु

⁶ आङ्‌गाॽ आबेलिन् खे़प्‍से़ॽओ, थेआङ्‌भे़ल्‍ले़ साॽरिक् के़साक्‍पो आङ्‌गाॽ थ्‍याङ्‌ङाङ् वाॽआरो॥ आङ्‌गाॽ याप्‍मि के़नाःप्‍पा आनिङ्‌मिहाॽलाम्‍बा से़ःप्‍ताङ्‌ङे़ॽओ, खे़ङ्‌हाॽ आङ्‌गाॽनुःल्‍ले़आङ् साॽरिक् के़धुम्‍बा मे़जोक्‍लो॥

निङ्‌वाॽफु साम्‍लोसुम् 142:6 Referans Kwoze

निङ्‌वाॽफु साम्‍लोसुम् 79:8

आनिगे थाःक्‍थे़बाहाॽरे़ खुनिॽ लायोल्‍ले़ चोगुल्‍ले़ याप्‍मि खुम्‍दिङ् आम्‍बिरे़न्‍ने़ॽओ, हाराए आनिगे लुङ्‌माॽ आदुक्‍ते़ॽओ, थेआङ्‌भे़ल्‍ले़ के़साक्‍पो थ्‍ये़ॽइगे़आङ् यागिगे़रो॥

निङ्‌वाॽफु साम्‍लोसुम् 116:6

कुदोःप्‍मा निङ्‌वाॽ के़गप्‍पाहाॽ यहवे दाङ्‌बे़ल्‍ले़ कम्‍ब्राङ् मे़त्तुसिरो, आङ्‌गाॽ के़साक्‍पो थ्‍याङ्‌ङाङ् वयाङ्‌ङिल्‍ले़ खुने़ॽ से़ःप्‍ताङ्‌लो॥

निङ्‌वाॽफु साम्‍लोसुम् 136:23

आनिॽ ये़त्तुक्‍खे आदुमे़ल्‍ले़ खुने़ॽ निङ्‌वाॽ आइःत्ते़रो, खुने़ॽ चक्‍मे़ल्‍लॽए सदादिङ् लुङ्‌माॽ आदुक्‍लो॥

निङ्‌वाॽफु साम्‍लोसुम् 17:1

यहवे दाङ्‌बाए, आङ्‌गाॽ फाॽराङ्‌ङे़ॽ फाॽआङ् यम्‍बा इक्‍लाओ अःक्‍काल्‍ले़ खे़प्‍से़ॽओ! आङ्‌गाॽ कुदोःप्‍मा खासे़न्‍निन् खोसुङ्‌ल फाॽआङ् कुदोःप्‍माआङ् चोगुङ्‌बा आबेलिन् खे़प्‍से़ॽओ॥

रोमि 8:37

कन् काक् पाःन्‍हाॽओ आनिॽ लुङ्‌माॽ के़दुक्‍पा ख्रिस्‍तलाम्‍बा आनिॽ थङ् के़नाःम्‍बान्‍नुःल्‍ले़आङ् यम्‍बा आबोःक्‍खे़आङ् आवाॽरो॥

रोमि 8:33

निङ्‌वाॽफुमाङ्‌ङिल्‍ले़ सेगुसिबाहाॽ हाःत्‍ले़ आप्‍तिक् कुःप्‍मा सुक्‍तुसिॽबे? हाःत्‍ले़आङ् मे़सुक्‍तुन्‍छिन्, थेआङ्‌भे़ल्‍ले़ आप्‍तिक् मेःन्‍नेबा के़जोःक्‍पाङ्‌ग निङ्‌वाॽफुमाङ्‌ङिन्‍नेरो॥

निङ्‌वाॽफु साम्‍लोसुम् 143:7

यहवे दाङ्‌बाए, आल्‍लो हारा नुगप् पिराङ्‌ङे़ॽओ, आङ्‌गाॽ आसक्‍मा पुॽरे़आङ् वाॽरो॥ आङ्‌गाॽलाम् माःङ्‌घा मे़बोःक्‍खे़न्‍ने़ॽओ, मेःन्‍ने़भग्र आङ्‌गाॽग खे़मा यङ्‌सङ्‌ङो के़बेःक्‍पा कुइसिक् पोङ्‌ङारो॥

निङ्‌वाॽफु साम्‍लोसुम् 59:3

ओमे़त्ते़ॽओ, खे़ङ्‌हाॽरे़ से़प्‍मा फाॽआङ् आङ्‌गाॽ मे़सुक्‍काआङ् मे़युङ्‌लो॥ यहवे दाङ्‌बाए, आङ्‌गाॽ थेआङ् याःम्‍बक् मे़म्‍भेःन्‍ने वाॽआरो हे़क्‍क्‍याङ् लायोए मे़न्‍जोःक्‍के वाॽआसाङ् कुइगे़भे़म्‍बा मनाहाॽरे़ आङ्‌गाॽ आदक्‍ले़ङ्‌वाओ चे़म्‍भन् मे़जोगुरो॥

निङ्‌वाॽफु साम्‍लोसुम् 38:19

आङ्‌गाॽ आनिङ्‌मिहाॽ यरिक् मे़वाॽरो, खे़ङ्‌हाॽ साॽरिक् के़धुम्‍बा मे़जोक्‍लो, थेनाधे आङ्‌गाॽ यरिक्‍ले़ मे़जिःत्तारो॥

निङ्‌वाॽफु साम्‍लोसुम् 18:17

खुने़ॽ आङ्‌गाॽ के़धुम्‍बा आनिङ्‌मिहाॽलाम्‍बा ताङ्‌से़ःप्‍ताङ्‌लो, हे़क्‍क्‍याङ् आङ्‌गाॽनुःल्‍ले़आङ् खे़ङ्‌हाॽ साॽरिक् के़धुम्‍बा मे़जोगे़रो॥

निङ्‌वाॽफु साम्‍लोसुम् 3:1

यहवे दाङ्‌बे, आङ्‌गाॽ आनिङ्‌मिहाॽ यरिक् मे़वाॽरो, आङ्‌गाॽ आदक्‍ले़ङ्‌वाओ के़बोक्‍पाहाॽ यरिक् मे़वाॽरो॥

१ सामुए़ल 24:14

इस्राइलबा हाङ्‌ङिन् हाःत्‍ले़ कुदक्‍ले़ङ्‌वाओ लःन्‍दे़आङ् वाॽबे? आङ्‌गाॽ आदाङ्‌बारे़ हात् के़नाःत्तुर के़वाॽबे? लत्‍छा कुसिवे़त् कोःत्‍चोॽ इग्र लत्‍छा सिमे़न्‍दक् हे़क्‍तङ्‌बा थेनाधेबा आङ्‌गाॽ कुसिङ्‌बा मनान् मेःम्‍बि?

निङ्‌वाॽफु साम्‍लोसुम् 143:3

आनिङ्‌मिहाॽरे़ आङ्‌गाॽ मे़नाःत्तारो, खे़ङ्‌हाॽरे़ आङ्‌गाॽ खाम्‍मो मे़धाम्‍माआङ् चिदोॽ चिदोॽ मे़दोॽआरो॥ खे़ङ्‌हाॽरे़ आङ्‌गाॽ इरिक् ये़म् थारिक् खागे़माक्‍पादे़न्‍नो कुसिवे़त् मनान् ने़मनाबा हे़क्‍के मे़युक्‍खाङ्‌ङाङ् युङ्‌ङारो॥

निङ्‌वाॽफु साम्‍लोसुम् 27:13

आल्‍लो कुहिङ्‌वे़त्‍हाॽरे़ खुनिॽ लाजेॽओ वाॽआल्‍ले़ के़नुॽबा यहवे दाङ्‌बान् निसुङ् के़लॽबा आनिङ्‌वाॽ वाॽरो॥

निङ्‌वाॽफु साम्‍लोसुम् 46:2

इक्‍सादिङ् खाम्‍बेःक्‍मान् ले़ङ्‌धाङ्‌साङ्, इग्र थे़गुहाॽ वहःङ् वरक्‍को हुम्‍साङ् आनिगे मे़गिसिगे़न्‍लो॥

निङ्‌वाॽफु साम्‍लोसुम् 91:2

खे़ल्‍ले़ यहवे दाङ्‌बान् अक्‍खे मे़प्‍मा सुक्‍तुरो, “आङ्‌गाॽ आइःम्‍सिङ्‌मा नु याप्‍मि कम्‍ब्राङ् के़मे़प्‍पा यक् खे़ने़ॽएरो, खे़ने़ॽग आङ्‌गाॽ आनिङ्‌वाॽफुमाङ्‌ने़रो, आङ्‌गाॽ आनिङ्‌वान् खे़ने़ॽओ युक्‍खुङ्‌लो॥”