निङ्‌वाॽफु साम्‍लोसुम् 142:4 - लिम्‍बु

⁴ आङ्‌गाॽ आबेसाङ् याप्‍मि के़भाॽबा मनाहाॽ कोःत्तुङ्‌सिङ्‌लो, कर याप्‍मि कम्‍ब्राङ् के़मे़प्‍पा मना आत्तिन्‍हाॽआङ् मे़होप्‍लो, आङ्‌गाॽ आइःम्‍सिङ्‌दे़न् आत्तिआङ् होप्‍लो, आङ्‌गाॽ हाःत्‍ले़आङ् निनि मे़ल्‍लाप्‍पाल्‍लो॥

निङ्‌वाॽफु साम्‍लोसुम् 142:4 Referans Kwoze

यर्मिया 30:17

आङ्‌गाॽ खिनिॽ याम्‍मो वेःन्‍निङ्‌लो॥ खिनिॽ याङ्‌घेःक्‍हाॽ नुसुङ् पिनिङ्‌लो॥ हे़क्‍केसाङ् खिनिॽ निङ्‌मिहाॽरे़ अक्‍खे मे़बाःत्तुरो, ‘सियोने़न् मनाहाॽरे़ मे़नाॽरुआङ् ने़रो, आत्तिन्‍हाॽरे़आङ् खे़न् कम्‍ब्राङ् मे़म्‍मे़त्तुन्‍लो॥’ आङ्‌गाॽ यहवे दाङ्‌बे़ल्‍ले़ पाःत्तुङ्‌ङाङ् वाॽरो॥”

निङ्‌वाॽफु साम्‍लोसुम् 88:18

आङ्‌गाॽग निःत्ताङ्‌बा आन्‍देङ् आन्‍जुम्‍हाॽ नु आसिराॽगे़धाङ्‌बाहाॽलाम् के़से़न्‍दाङ्‌ङाङ् वाॽआरो॥ हे़क्‍क्‍याङ् वदप्‍मा आन्‍जुम्‍मिन्‍ग खामाक्‍मान्‍लक् पोःक्‍खे़आङ् वाॽरो॥

निङ्‌वाॽफु साम्‍लोसुम् 31:11

के़रे़क् आनिङ्‌मिहाॽरे़ कुनामे़न्‍छाॽ मे़मे़त्तारो हे़क्‍क्‍याङ् आबाङ्‌भेॽसाबाहाॽरे़आङ् आङ्‌गाॽ कुसुम्‍मे़न्‍दम्‍मना मे़मे़त्तारो॥ आङ्‌गाॽ आदुक्‍खेःल्‍ले़ चोगुल्‍ले़ आन्‍जुम्‍हाॽरे़आङ् मे़गित्तारो॥ लाम्‍लाम्‍मो मनाहाॽरे़ मे़दुम्‍माल्‍ले़ खे़ङ्‌हाॽ मे़घे़त्‍छिङ् मे़बेःक्‍लो॥

मत्ति 26:56

कर कङ्‌ग माङ्‌निङ्‌वाॽपान् के़बाःप्‍पाहाॽरे़ मे़साप्‍तुबान् के़त्‍ल फाॽआङ् पोःक्‍खे़बारो॥” हे़क्‍क्‍याङ् के़रे़क् कुहुॽसाम्‍बाहाॽरे़ पक्‍मे़धआङ् मे़घे़त्‍छिङ् मे़बेरो॥

निङ्‌वाॽफु साम्‍लोसुम् 88:8

आङ्‌गाॽग निःत्ताङ्‌बा आन्‍देङ् आन्‍जुम्‍हाॽलाम्‍बा के़से़न्‍दाङ्‌ङाङ् वाॽआरो, खे़ङ्‌हाॽरे़ मे़जिःत्तार के़जोगुआङ् वाॽरो॥ आङ्‌गाॽग खे़त्‍छिङ्‌मा मे़न्‍छुक्‍के इजोओ थ्‍याङ्‌ङाङ् याक्‍कारो॥

निङ्‌वाॽफु साम्‍लोसुम् 69:20

कुनामे़न्‍छाॽ मे़मे़त्ताङ्‌बा पाःन्‍निल्‍ले़ आङ्‌गाॽ आनिङ्‌वाॽ चे़गे़आङ् वाॽरो, हे़क्‍क्‍याङ् कुयाङ्‌साॽमा पोःक्‍खाङ्‌ङाङ् वाॽआरो॥ आङ्‌गाॽ याप्‍मि लुङ्‌माॽ के़दुक्‍पा नु आःन्‍छिङ्‌मा के़बिबा मे़वाॽबि फाॽआङ् ओमे़त्तुङ्‌सिङ्‌लो कर हाःत्ताङ् मे़होःप्‍ते़रो॥

२ तिमोथि 4:16

थिक्‍सिगेःक्‍पो इङ्‌गाॽ खासे़न्‍लोबाल्‍लो मे़दाराङ्‌ङिल्‍ले़ आत्तिन्‍हाॽरे़आङ् याप्‍मि कुभाॽ मे़म्‍बिराङ्‌ङिन्, कर के़रे़क्‍ले़ इङ्‌गाॽ मे़ले़राङ्‌ङाङ् मे़बेरो॥ कन् पाःन्‍नो निङ्‌वाॽफुमाङ्‌ङिल्‍ले़ खुनिॽ तक्‍ले़ङ्‌वाओ खासे़न् मे़जोगुन्‍निरो॥

१ सामुए़ल 27:1

दाउदरे़ कुनिङ्‌वाॽओ अक्‍खेलॽरिक् निङ्‌वाॽ इःत्तु, “आल्‍ल थिक्‌याःङ्‌ग सावलरे़ कुहुक्‍लाम्‍बा सिमाए पोङ्॥ पलिस्‍तिहाॽरे़ खुन्‍छिॽ लाजेॽओ खे़त्‍छिङ्‌मा पेःक्‍माए आङ्‌गाॽ आलागि नुबा पोङ्॥ खे़ब्‍याङ् इस्राइल लाजेॽ के़रे़क् सावलरे़ आङ्‌गाॽ कोःप्‍मा ले़त्ता, हे़क्‍क्‍याङ् आङ्‌गाॽ खुने़ॽ कुहुक्‍को थामालाम् हिङ्‌ङारो॥”

यर्मिया 25:35

मे़ल्‍लुक्‍कम्‍बाहाॽरे़ आत्तिआङ् खे़त्‍छिङ्‌मा लाम् मे़ङ्‌घोसुन्‍लो, मे़ल्‍लुक् लाम्‍गे़लोबाहाॽरे़ आत्तिआङ् चिङ्‌सिङ्‌मादे़न् मे़ङ्‌घोसुन्‍लो॥

अयुब 11:20

कर ताक्‍के़भे़ॽबाहाॽरे़ खुन्‍छिॽ सक्‍मा पुॽरो हे़क्‍क्‍याङ् काक् पिसाङ् खुनिॽ मिक्‍किन् मे़हिसुरो॥ खे़ङ्‌हाॽरे़ खे़त्‍छिङ्‌मा लाम् आत्तान्‍नाङ् मे़न्‍निसुन्‍लो, खे़ङ्‌हाॽरे़ लाम् ओमे़मे़त्तुबे़ङ्‌ग सिमे़ल्‍लक् पोङ्‌लो॥

निङ्‌वाॽफु साम्‍लोसुम् 1:6

यहवे दाङ्‌बे़ल्‍ले़ साम्‌योबा मनाहाॽरे़ मे़नाःत्तुबा लाम्‍मो नुरिक्‍काङ् कत्तुसिरो, कर कुइगे़भे़म्‍बाहाॽग मे़नाःत्तुबा लाम्‍मिल्‍ले़ मे़म्‍भैओ तेॽरुसिरो॥

निङ्‌वाॽफु साम्‍लोसुम् 140:6

यहवे दाङ्‌बाए, आङ्‌गाॽ खे़ने़ॽ मे़त्‍ने़रो, “खे़ने़ॽग आङ्‌गाॽ आनिङ्‌वाॽफुमाङ्‌ने़रो॥” आनिङ्‌वाॽफुमाङ्‌ङे, लुङ्‌माॽ तुक्‍ताङ्‌ङे़ॽओ फाॽआङ् पेलि फाक्‍ने़बान् खे़प्‍से़ॽओ॥

निङ्‌वाॽफु साम्‍लोसुम् 141:9

खे़ङ्‌हाॽरे़ आङ्‌गाॽ इयुक्‍मा मे़गोःत्ताङ्‌लो, फे़न्‌याःम्‍बक् के़जोःक्‍पाहाॽरे़ मे़गे़सुबा चे़न्‍नोलाम् आङ्‌गाॽ से़ःप्‍ताङ्‌ङे़ॽओ॥

निङ्‌वाॽफु साम्‍लोसुम् 143:4

खे़ल्‍ले़चोगुल्‍ले़ आनिङ्‌वाॽ सिगाङ् आङ्‌गाॽ आसक्‍मा पुॽरो, हे़क्‍क्‍याङ् किमाल्‍ले़ आसिक्‍लुङ्‌मान् यङ्‌लो॥

यर्मिया 18:22

हक्‍चघत् कुलुप् थिक् मनाहाॽ खे़ङ्‌हाॽरे़ खुन्‍छिॽ हिम्‍हाॽ नाप्‍मासिरे़ लागि पाङ्‌घे़से़ॽओ हे़क्‍क्‍याङ् खे़ङ्‌हाॽ किमा यङ्‌मारे़ फिरिक् फिरिक् मे़भिःक्‍लरो॥ खे़ङ्‌हाॽरे़ आङ्‌गाॽ आदे़म्‍से़ लुम्‍बात् मे़दयुआङ् ने़रो हे़क्‍क्‍याङ् आङ्‌गाॽ पाःन्‍नो थामा फाॽआङ् इजो मे़दाःक्‍तुआङ् ने़रो॥

योना 2:8

आत्तिन्‍हाॽरे़ हने़बा नावा चइःत्‍हाॽ माङ्‌मे़घयुसिॽ, खे़ङ्‌हाॽरे़ खे़ने़ॽ के़से़वा चोःक्‍मा मे़ले़रुआङ् मे़वाॽरो॥