निङ्‌वाॽफु साम्‍लोसुम् 142:2 - लिम्‍बु

² खुने़ॽ कुदगि आलुङ्‌हान् पाःन्‍हाॽ तोःन्‍दुङ्‌लो, के़रे़क् आदुक्‍खे आलाक्‍खेहाॽ आङ्‌गाॽ खुने़ॽए चे़क्‍तुङ्‌लो॥

निङ्‌वाॽफु साम्‍लोसुम् 142:2 Referans Kwoze

रोमि 8:26

सेसेमाङ्‌ङिल्‍ले़आङ् आनिॽ के़साक्‍पाओ आधाआङ् आवाॽइल्‍ले़ कुभाॽ आबिॽरो॥ खे़न् ये़म्‍मो आक्‍खेलॽरिक् तुवा चोःक्‍मा आनिॽ आल्‍ले़स्‍सुम्‍मिन्, कर आनिॽ पाःप्‍माए सुक्‍मे़न्‍दे़प्‍मनाबा पाःन्‍सुत्‍लाहाॽरे़न् आनिॽ याःप्‍मान्‍नु सेसेमाङ्‌ङिल्‍ले़ आनिॽ ले़क्‌वा पेलिगे़न् तुवा चोगुॽरो॥

यसैया 26:16

यहवे दाङ्‌बाए, खे़ङ्‌हाॽ तुक्‍खे लाक्‍खे मे़दुमे़ल्‍ले़ खे़ने़ॽओ मे़द्‌ये़रो॥ खे़ब्‍याङ् खे़ने़ॽ खे़ङ्‌हाॽ के़घुम्‍सुसिआङ् सुक्‍मे़न्‍छुक् पेलि फाक्‍मा के़सुक्‍पा मे़बोःक्‍खे़रो॥

हिब्रु 5:7

ये़सुन् इक्‍सादिङ् खाम्‍बेःक्‍मो नासिङ्‌गे़न् थक्‍को वये़ल्‍ले़ खुने़ॽ मिक्‌वानु चक् चक् साॽरिक् हाबे़र सिमे़न्‍लाम् ताङ्‌से़ःप्‍मा के़सुक्‍पे़न् पेलि फाक्‍तुर तुवा चोगुरो॥ खुने़ॽ निङ्‌वाॽफुमाङ्‌ङिन् मिङ्‌सो इङ्‌धाङ् पिरुर से़वा चोगुबाल्‍ले़ खुने़ॽ चोगुबा तुवान् निङ्‌वाॽफुमाङ्‌ङिल्‍ले़ ताःक्‍तुरो॥

निङ्‌वाॽफु साम्‍लोसुम् 62:8

मे़न्‍छाम् याप्‍मिसे, सदादिङ् निङ्‌वाॽफुमाङ्‌ङिन् ताःक्‍पो चोगे़म्‍मे़ॽओ, खिनिॽ तुक्‍खेहाॽ खुने़ॽए चे़क्‍ते़म्‍मे़ॽओ थेआङ्‌भे़ल्‍ले़ निङ्‌वाॽफुमाङ्‌ङिन्‍ने आनिॽ इःम्‍सिङ्‌मादे़न्‍लो॥ सेला

निङ्‌वाॽफु साम्‍लोसुम् 42:4

उन्‍छेःम्‍बा पाःन्‍हाॽ इःत्तुङ्‌ङिल्‍ले़ आलुङ्‌माॽ हिःम्‍लो, के़बेःक्‍पा ये़म्‍हाॽओ मनाहाॽनु तङ्‌सिङ्‌ङारो, हे़क्‍क्‍याङ् खे़ङ्‌हाॽ तगितगि लाम्‍लोसुङ्‌सिङ्‌ल निङ्‌वाॽफुमाङ्‌ङिल्‍ले़ कुहिम्‍मो पेगाङ्‌लो, कुनिङ्‌वाॽ के़दाबा मनाहाॽनु सोरिक् साम्‍लोरिगे़र अःक्‍तिगे़र वयिगे़रो॥

निङ्‌वाॽफु साम्‍लोसुम् 28:1

यहवे दाङ्‌बाए, खे़ने़ॽग आङ्‌गाॽ याप्‍मि कम्‍ब्राङ् के़मे़प्‍पा आयाक्‍पेॽने़रो, आङ्‌गाॽ पेलि फाक्‍ने़ल्‍ले़ खे़प्‍से़ॽओ॥ खे़ने़ॽ आङ्‌गाॽ आबाःन्‍निन् के़ङ्‌घे़प्‍सुन्‍ने़भग्र आङ्‌गाॽआङ् खे़मादिङ् यङ्‌सङ्‌ङो के़बेःक्‍पाहाॽ कुइसिक् पोङ्‌ङारो॥