5 आङ्गाॽ आएगाङ् आदगाङ् आत्तिसाङ् खे़ने़ॽ के़वाॽरो, हे़क्क्याङ् के़मुक्साम्मिल्ले़ आङ्गाॽ कम्ब्राङ् के़मे़त्तारो॥
नुप्मे़न्दिङ् निङ्वाॽफुमाङ्ङिन् खिनिॽ इःम्सिङ्मादे़न्लो, खे़ब्याङ् कुसिगाङ्ग आभे़ल्ले़आङ् मे़न्नुप्मनाबा के़धुम्बा मुक्साम्बा कुहुक्हाॽ वाॽरो॥ ‘खे़ङ्हाॽ खिनिॽ खाप्पुथ्यःङ् मे़क्खे़म्सिम्मे़ॽओ’ लॽरिक् खिनिॽ निङ्मिहाॽ खिनिॽ तगिलाम् नाःत्तुसिरो॥
यहवे दाङ्बान् मिङ्सो इङ्धाङ् के़बिबाहाॽ खुने़ॽ कुमाङ्लाइङ्बाल्ले़ कब्रिङ् कबुसिरो, हे़क्क्याङ् यहवे दाङ्बे़ल्ले़ खे़ङ्हाॽ से़ःप्तुसिरो॥
हे़क्क्याङ् खुने़ॽ निसुङ्ङाङ् इङ्गाॽग सिमालिङ्धोओ के़राङ्ङाङ् कुलाङ्जक्पो हर्गुप्सा चोःन्दाङ्लो॥ खुने़ॽ कुजुप्साङ् हुक्किन् आसम्दाङ् ने़स्सुआङ् अक्खे मे़त्ताङ्लो, “मे़गिसे़न्ने़ॽओ इङ्गाॽ तोलिङ्सोमु नु कुनुप्माआरो॥
कर आन्छिगे़लुम्मो पान् के़दङ्बा के़बिबा हाःत्ताङ् होप्लो, निङ्वाॽफुमाङ्ङिन् नु आङ्गाॽलुम्मो खासे़न् के़जोःक्पा एःन्नाङ् होप्लो॥
कर खुने़ॽ इस्राइलिहाॽरे़ खुन्छिॽ लाम्लोबाहाॽ थे़माआङ् हान्ति मे़जोगुन्सिन्, हे़क्क्याङ् खे़ङ्हाॽरे़ निङ्वाॽफुमाङ्ङिन् मे़निसु खे़ब्याङ् खे़ङ्हाॽरे़ मे़ज मे़धुङुरो॥