निङ्वाॽफु साम्लोसुम् 136:1 - लिम्बु1 यहवे दाङ्बान् नुगे़न् पिरे़म्मे़ॽओ, थेआङ्भे़ल्ले़ खुने़ॽ के़नुॽबा चोक्लो, खुने़ॽ चक्मे़ल्लॽए सदादिङ् लुङ्माॽ आदुक्लो॥ Gade chapit la |
निङ्वाॽफु साम्लोसुम् 136:1
16 Referans Kwoze
मनाहाॽनु पान् मे़हुप्तुआङ् खुने़ॽ कुभा मनाहाॽ यहवे दाङ्बे़ल्ले़ कुनारा फोमा साम्लो साम्मे़प्मा नु खुने़ॽ कुसेसेगे़न् कुहाङ्वा कुमाङ्वाःल्ले़ कुनारा फोमारे़ लागि थक्सुबाहाॽरे़ खुन्छिॽ तगि तगि पेःक्माआङ् साम्लोमारे़ लागि युक्तिङ् चोगुसि॥ हे़क्क्याङ् खे़ङ्हाॽरे़ अक्खे मे़बाःत्तुआङ् साम्मे़लोरे़रो— “यहवे दाङ्बे़न् नुगे़न् पिरे़म्मे़ॽओ! थेआङ्भे़ल्ले़ खुने़ॽ लुङ्माॽ आदुक्तुक्पा कुमिःम्जिन् सदादिङ् वाॽरो॥”
खे़ङ्हाॽरे़ यहवे दाङ्बान् नोगे़न् मे़बिरु हे़क्क्याङ् से़वासाम्लोन् साम्मे़मे़त्तुर अक्खेलॽरिक् निले़ङ् साम्मे़लोरे़रो— “यहवे दाङ्बान् के़नुॽबा चोक्लो हे़क्क्याङ् इस्राइले़न् खुने़ॽ सदादिङ् लुङ्माॽ तुक्तुरो॥” के़रे़क् मनाहाॽ यम्बा इक्लाओ मे़अःक्ते़ हे़क्क्याङ् यहवे दाङ्बाल्ले़ कुनारा मे़भोसु थेआङ्भे़ल्ले़ माङ्हिम्मिल्ले़ कुबुङ् युङ्मा याःम्बक्किन् मे़हेःक्तुआङ् वये़॥
मि थ्ये़आङ् पत्छे़बा नु यहवे दाङ्बे़ल्ले़ कुमिमिदिङ्ङिन् माङ्हिम्मो लासे़आङ् पत्छे़बा आल्ल के़रे़क् इस्राइलिहाॽरे़ मे़निसुल्ले़ लुङ् फे़मनाबा आःम्भोॽओ खे़ङ्हाॽ खाम्बाङ्ङो थारिक् साबन् हबत् मे़भन्छिङ् हे़क्क्याङ् अक्खे मे़बाःत्तुआङ् यहवे दाङ्बे़न् नुगे़न् मे़बिरुरो, “यहवे दाङ्बे़न् के़नुॽबा चोक्लो, थेआङ्भे़ल्ले़ खुने़ॽ कुमिःम्जिन् सदादिङ् वाॽरो॥”
सःप्मा एःप्मा नु निङ्वाॽ तामा इक्ला हे़क्क्याङ् ते़न्धाम् मेःक्खिम्मोबा चामुक् थिमुक्ले़ हयङ् किल्लिङ् के़घे़प्सुम्ॽ॥ मनाहाॽरे़ आङ्गाॽ आहिम्मो नुगे़न् तोःम्मा सिदुङ्जभाहाॽ मे़दारुआङ् मे़दाःल्ले़ खे़ङ्हाॽ साम्मे़लोबा साम्लोन् खिनिॽ के़घे़प्सुम्लो, “‘मुक्साम्दाङ्बा यहवे दाङ्बान् नुगे़न् पिरे़म्मे़ॽओ थेआङ्भे़ल्ले़ खुने़ॽ के़नुॽबा चोक्लो हे़क्क्याङ् खुने़ॽ सदादिङ् लुङ्माॽ तुक्तुसिरो॥’” “आङ्गाॽ कन् लाजेॽओबा नुॽमादामे़न् तगिबा हे़क्के चोगुङ् पिरुङ्सिङ्ॽ॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽ॥”
निङ्वाॽफुसाम्बाहाॽ नु ले़बिहाॽआङ् निःन्धो के़बोङ्बादे़न्नो मे़ये़म्सिङ्, हे़क्क्याङ् दाउद हाङ्ङिल्ले़ यहवे दाङ्बे़ल्ले़ कुलागि से़वासाम्लो साम्मे़प्मा नु नुगे़न् पिमारे़ लागि खुने़ॽ चोगुबा मुक्लाहाॽ मे़याङ्सिङ्ङाङ् मे़मुक्सु हे़क्क्याङ् कम्भलॽरिक् यहवे दाङ्बे़ल्ले़ कुनारा फोसुरो, “खुने़ॽ लुङ्माॽ आदुक्तुक्पा कुमिःम्जिन् सदादिङ् वाॽरो॥” ले़बिहाॽरे़ खुन्छिॽ सामाहाॽ मे़याङ्सिङ्ङाङ् सादाङ्हाॽ के़मुःप्पा निङ्वाॽफुसाम्बाहाॽरे़ खुन्छिॽ तगि मे़ये़म्सिङ्॥ खे़न् ये़म्मो के़रे़क् इस्राइलिहाॽ खे़प्मो मे़ये़बे़॥
Piblisite