निङ्‌वाॽफु साम्‍लोसुम् 127:3 - लिम्‍बु

³ साएहाॽग यहवे दाङ्‌बे़ल्‍ले़ आबिबा मुॽइसाम्‍सिरो, खे़ङ्‌हाॽ से़क्‍खाबा हाङ्‌वा माङ्‌वासिरो॥

निङ्‌वाॽफु साम्‍लोसुम् 127:3 Referans Kwoze

साम्‌योथिम् इङ् 28:4

खिनिॽ थिन्‍दाङ् सायोबोराहाॽओ हाङ्‌वागे़न् मुॽइसाम् थारो, खे़न्‍नु सोसोरिक् इक्‍ताप्‍पोबा पोगुगे़न् कुजाओ मुॽइसाम् थारो, पित्‍थक्‍सा, मे़ल्‍लुक् मे़ःन्‍दाहाॽओ मुॽइसाम् थारो॥

१ सामुए़ल 1:27

हाबा कन् अङे़ःक्‌वान् आङ्‌गाॽ कत्तुङ्‌ल फाॽआङ् यहवे दाङ्‌बान् पेलि फाक्‍तुङ्‌ङाङ् वयाङ्, हे़क्‍क्‍याङ् कन् अङे़ःक्‌वान् खुने़ॽ पिराङ्‌बारो॥

यसैया 8:18

आङ्‌गाॽ नु यहवे दाङ्‌बे़ल्‍ले़ पिराङ्‌बा आस्‍साहाॽ आम्‍भा कॽयोए वयिगे़॥ आनिगे़ग सियोन कोःक्‍माओ हाङ्‌युक् के़जोःक्‍पाआङ् के़युङ्‌बा मुक्‍साम्‍दाङ्‌बा यहवे दाङ्‌बे़ल्‍ले़ इस्राइलओ पाङ्‌घिगे़बा मिक्‍सेःन्‍दिगे़॥

तोलिङ्‌सोमु 48:4

हे़क्‍क्‍याङ् मे़त्ताङ् ‘ओमे़त्ते़ॽ, आङ्‌गाॽ खे़ने़ॽ के़बोन् के़धे़ॽर याःन्‍ने़, हे़क्‍क्‍याङ् यरिक् के़बोङ्‌ल चोःक्‍ने़॥ खे़ने़ॽलाम्‍बा आङ्‌गाॽ मे़न्‍छाम् सुवाङ्‌हाॽ लःत्तुङ्‌सिङ्, हे़क्‍क्‍याङ् खे़ने़ॽ के़एगाङ् खे़ने़ॽ के़मुॽइदाङ्‌साहाॽ कन् लाजेन् सदादिङ्‌ले़ लागि युक्‍मा पाङ्‌घुङ्‌सिङ्‌लो॥’”

तोलिङ्‌सोमु 33:5

खे़ब्‍याङ् एसाबे़न् अक्‍खे ओमये़ल्‍ले़ मे़न्‍छुमाहाॽ नु हिन्‍जाॽ पित्‍छाॽहाॽ निसुसिआङ् मे़त्तु, “खे़ने़ॽनु के़वाॽबा के़वाॽमा कन् याप्‍मिहाॽ हाःत्‍छिनिबे?” याकुबरे़ नुगप् पिरु, “निवाॽफुमाङ्‌ङिल्‍ले़ खे़ने़ॽ के़से़वारोबान् लुङ्‌माॽ तुक्‍तुआङ् पिरुबा हिन्‍जाॽसिरो॥”

तोलिङ्‌सोमु 1:28

निङ्‌वाॽफुमाङ्‌ङिल्‍ले़ खे़ङ्‌हाॽ हाङ्‌वामुॽइ थासु पिरुसि, हे़क्‍क्‍याङ् खे़ङ्‌हाॽ मे़त्तुसि, “मिक्‍किभुङ् फे़क्‍ते़छे़ॽर पेगे़त्‍छे़ॽ, पोःन्‍दे़त्‍छे़र पेगे़त्‍छे़ॽ, इक्‍सादिङ् खाम्‍बेःक्‍मान् थिम्‍से़त्‍छे़ॽ हे़क्‍क्‍याङ् खे़न् आबाङे युक्‍को युक्‍ते़छे़ॽर पेगे़त्‍छे़ॽ॥ वरःङ्‌ङोबा ङाहाॽ, के़बे़बा पुहाॽ, हे़क्‍क्‍याङ् खाम्‍बेःक्‍मोबा के़रे़क् थक्‍साहाॽ सम्‍धाङ् युक् चोगे़त्‍छे़ॽ॥”

तोलिङ्‌सोमु 24:60

खे़ङ्‌हाॽरे़ रिबेकान् मुॽइसाम् मे़धासु मे़बुरुआङ् मे़मे़त्तु, “आनिगे चेलिमा नुसाॽए, खे़ने़ॽ हे़न्‍छिङ् हे़न्‍छिङ्‌ले़ खुन्‍छिॽ मा के़बोङ्‌लरो, हे़क्‍क्‍याङ् खे़ने़ॽ के़स्‍सा के़एहाॽनु थङ् के़जोःक्‍पा निङ्‌मिहाॽरे़ खुनिॽ ये़क्‌यक्‍हाॽ के़स्‍साहाॽ हुक्‍काप् मे़मे़त्‍छिङ्‌लरो॥”

१ साप्‍मुःन्‍धुम् 28:5

इस्राइलओ युक् चोःक्‍मारे़ लागि यहवे दाङ्‌बे़ल्‍ले़ यरिक् ये़म्‍बित्‍छासाहाॽ पिराङ्‌साङ् इस्राइल सम्‍धाङ् यहवे दाङ्‌बे़ल्‍ले़ कुहाङ्‌जुम्‍मोबा हाङ्‌युक्‍नाओ युङ्‌मारे़ लागि खुने़ॽ सोलोमने़न् सेगुआङ् वाॽ॥

यसैया 13:18

खे़ङ्‌हाॽरे़ खुन्‍छिॽ लि नु तोःङ्‌ङिल्‍ले़ नालिगे़न् थाङ्‌बे़न्‍हाॽ मे़आबुसिआङ् मे़से़रुसिरो॥ हे़क्‍क्‍याङ् खे़ङ्‌हाॽरे़ नुयाम्‍मोबा अङे़ःक्‌वाहाॽ लुङ्‌माॽ मे़न्‍दुक्‍तुसिन्‍लो, खे़ङ्‌हाॽरे़ हिन्‍जाॽ पित्‍छाहाॽ ओमे़मे़त्तुसिआङ् खुन्‍छिॽ लुङ्‌माॽ स्‍याःत्ताङ् मे़लॽने़न्‍लो॥”

तोलिङ्‌सोमु 4:1

आदम्‍मे़न् मे़ल्‍लिङ्‌गे़न् कुमेत् हब्‍बाःन्‍नु इप्‍से़, हे़क्‍क्‍याङ् कुमेःत्ते़न् मे़न्‍छुक्‍मा पोःक्‍खे़ खे़ब्‍याङ् कयिने़न् सावाःन्‍दु॥ हे़क्‍क्‍याङ् पाःत्तु, “यहवे दाङ्‌बाल्‍ले़ फाॽराङ्‌ङाङ् ये़म्‍बित्‍छा साधिक् कत्तुङ्॥”

साम्‌योथिम् इङ् 28:11

खिनिॽ पिनिङ् फाॽआङ् खिनिॽ पाधे़बाहाॽनु माङ्‌हुप् चोगुबा लाजेॽओ खिनिॽ मुॽइदाङ्‌साहाॽ, पित्‍थक्‍साहाॽ नु लाजेॽओ के़धोःक्‍पा कुजाहाॽओ यहवे दाङ्‌बे़ल्‍ले़ वे़त्ते़सरे़ नुॽमा तामा के़बिरिरो॥

खासे़न्‍लोःम्‍बा 12:9

खुने़ॽ सुम्‍बोङ् ये़म्‍बित्‍छा कुस्‍सा नु सुम्‍बोङ् कुस्‍सा मे़न्‍छुमा मे़वये़॥ खुने़ॽ खे़न् सुम्‍बोङ् कुस्‍सा मे़न्‍छुमाहाॽ वेॽ थाःक्‍हाॽनु मेःक्‍खिम् मे़त्तुसि, हे़क्‍क्‍याङ् खुने़ॽ कुस्‍सा ये़म्‍बित्‍छाहाॽरे़ लागि सुम्‍बोङ् मे़न्‍छ्‌याहाॽ वेॽ थाःक्‍हाॽलाम् तारुसि॥ खुने़ॽ नुसि तङ्‌बे थारिक् इस्राइलबा लाम्‍लोबा पोःक्‍खे़॥

२ सामुए़ल 3:5

हे़क्‍क्‍याङ् फोःक्‌वाबे़न् यित्राम वये़, खुने़ॽ कुम्‍मा दाउदरे़ कुमेत् एग्‍ला वये़॥ कन्‍हाॽ के़रे़क् हे़ब्रोन्‍नो सागे़वाःन्‍छिङ्‌बा दाउदरे़ कुस्‍साहाॽ मे़वये़रो॥

१ साप्‍मुःन्‍धुम् 8:40

उलामरे़ कुस्‍साहाॽ मुक्‍के़गुबा थङ्‌गे़जोःक्‍पा तोङ् लि के़आप्‍पा मे़वये़॥ खुने़ॽ यरिक् कुस्‍सा नु कुम्‍मे़न्‍छाॽहाॽ मे़वये़, के़रे़क्‍ले़ १५० मे़वये़॥ कन्‍हाॽ के़रे़क् बेन्‍यामिनरे़ कुधिन्‍दाङ् सायोबोरा मे़वये़रो॥

अयुब 1:2

खुने़ॽ कुस्‍सा ये़म्‍बित्‍छा नुसि नु कुस्‍सा मे़न्‍छुमा सुम्‍सि मे़वये़॥