निङ्‌वाॽफु साम्‍लोसुम् 112:10 - लिम्‍बु

¹⁰ ताक्‍के़भे़ॽबाहाॽरे़ कन् मे़निसुआङ् खुनिॽ सिक्‍पोःक्‍लो, खे़ङ्‌हाॽरे़ खुनिॽ हाबोॽबान् मे़ये़ःक्‍खुरो हे़क्‍क्‍याङ् खे़ङ्‌हाॽ मे़मे़क्‍लो, खे़ब्‍याङ् खे़ङ्‌हाॽरे़ खोसुम्‍बे़ फाॽआङ् मे़इःत्तुबान्‍नाङ् माबेःक्‍लो॥

निङ्‌वाॽफु साम्‍लोसुम् 112:10 Referans Kwoze

लुका 13:28

“हे़क्‍केःल्‍ले़ खिनिॽ अब्राहाम, इसहाक, याकुब, नु माङ्‌निङ्‌वाॽपान् के़बाःप्‍पाहाॽ निङ्‌वाॽफुहाङ्‌जुम्‍मो मे़युङ्‌बा के़निसुम्‍सिम्, कर आबाङेग लाःक्‍कात् लाप्‍के़म्‍भुसिआङ् के़हाबिर के़भिःक्‍तिर ये़त्तुक्‍खेःल्‍ले़ हाबोॽबान् के़ये़ःक्‍खुम्‍लो॥

खाहुन् 11:7

ताक्‍के़भे़ॽबा मनान् सिःल्‍ले़ खे़ल्‍ले़ खोमा निङ्‌वाॽ चोगुबा पाःन्‍निनाङ् खे़न्‍नुए मे़क्‍लो॥ खुने़ॽ कुमुक्‍साम्‍मो खे़ल्‍ले़ खोमा निङ्‌वाॽ चोगुबा के़रे़क् पाःन्‍हाॽ हने़ थेनाधेबा पोङ्‌लो॥

खाहुन् 10:28

साम्‌योनिबे़ल्‍ले़ निङ्‌साङ् चोगुबा पाःन्‍निल्‍ले़ कुनिङ्‌वाॽ सःत्‍ल चोगुरो, कर ताक्‍के़भे़बे़ल्‍ले़ चोगुबा निङ्‌साङ्‌हाॽ हने़बा पोङ्‌लो॥

निङ्‌वाॽफु साम्‍लोसुम् 86:17

यहवे दाङ्‌बाए, खे़ने़ॽग के़नुॽबा के़जोःक्‍लो, खे़न् आङ्‌गाॽ ओसेःन्‍धाक्‍ताङ्‌ङे़ॽओ, हे़क्‍केलॽरिक् आङ्‌गाॽ के़भाॽआबा नु हाङ्‌हाङ् के़मे़त्ताबा पाःन्‍निन् आङ्‌गाॽ याप्‍मि के़जिःप्‍पाहाॽरे़ मे़निसुआङ् खे़ङ्‌हाॽ सिरिङ्‌ममो मे़धारो॥

निङ्‌वाॽफु साम्‍लोसुम् 37:12

कुइगे़भे़म्‍बाहाॽरे़ कुदोःप्‍मा मनाहाॽ इजोओ थामा मे़गोःत्तुसिरो हे़क्‍क्‍याङ् खुनिॽ हाबोॽबान् मे़ये़ःक्‍खुर साॽरिक् मे़जिःत्तुसिरो॥

अयुब 8:13

निङ्‌वाॽफुमाङ्‌ङिन् नसान् मे़न्‍जोःक्‍मनाबा मनाहाॽ खे़न् सिदाक्‍पा हे़क्‍के मे़बोङ्‌लो॥ निङ्‌वाॽफुमाङ्‌ङिन् थिक्‍ले़ङ् मे़ले़रुआङ् खे़ङ्‌हाॽरे़ खुनिॽ निङ्‌साङ्‌ङिन्‍नाङ् माःबेक्‍लो॥

मत्ति 22:13

“हे़क्‍क्‍याङ् हाङ्‌ङिल्‍ले़ से़वारोबाहाॽ मे़त्तुसि, ‘कन् मनान् ते़म्‍से़म्‍मे़ॽआङ् कुलाङ् कुहुक्‍हाॽ इघेःक्‍खे़म्‍मे़ॽ हे़क्‍क्‍याङ् लाःक्‍कात् खादाम्‍मो लाप्‍फुःसे़म्‍मे़ॽओ॥ खे़प्‍मो हाःप्‍मान् नु साॽरिक् तुक्‍खेःल्‍ले़ हाबोॽ ये़ःङ्‌मान् पोङ्‌लो॥’

मत्ति 8:12

कर साङ्‌ग्राम्‍पेदाङ्‌बा हाङ्‌जुम्‍मो वाॽमा फाॽआङ् मे़सेगे़बा इस्राइलिहाॽग खे़प्‍मोलाम् लाःक्‍कात् खामाक् लुम्‍बाःत्तो लाप्‍मे़भुॽरो॥ खे़प्‍मोग हाःप्‍मा नु हाबोॽ ये़ःङ्‌मान्‍लक् पोङ्‌लो॥”

नहेम्‍याह 2:10

कर बेथ-होरोन ये़क्‌यक्‍को के़युङ्‌बा सन्‍बलत नु अम्‍मोन ते़ङ्‌गप्‍पोबा तोबिया मिङ् के़वाःप्‍पा सुहाङ्‌युक्‍पा ने़त्‍छि इस्राइलबा मनाहाॽरे़ खुनिॽ नुरिक् मे़त्‍छे़ कुभा मनाधिक् त्‍ये़आङ् वाॽ के़लॽबा पान् खे़प्‍से़सुआङ् खुन्‍छिॽ साॽरिक् याःक्‍ले़ॽरे़॥

अयुब 20:7

कर खुने़ॽ कुहिःन् खाम्‍मो तङ्‌ङाङ् आबाङे माबेःक्‍पा हे़क्‍के खे़न् मे़क्‍लो हे़क्‍क्‍याङ् खे़न् कुसिङ् के़निःप्‍पाहाॽरे़ मे़बाःत्तुरो “खएग, खे़न् आत्तान् वाॽबे?”