निङ्‌वाॽफु साम्‍लोसुम् 112:1 - लिम्‍बु

¹ यहवे दाङ्‌बान् कुनारा फोसे़म्‍मे़ॽओ! यहवे दाङ्‌बान् मिङ्‌सो इङ्‌धाङ् के़बिबा नु कुइङ्‌जाङ्‌हाॽ इःप्‍मा नाःप्‍मा से़क्‍खा कुसिराॽ के़धाङ्‌बा मनान् मुॽइसाबारो॥

निङ्‌वाॽफु साम्‍लोसुम् 112:1 Referans Kwoze

निङ्‌वाॽफु साम्‍लोसुम् 128:1

यहवे दाङ्‌बान् मिङ्‌सो इङ्‌धाङ् के़बिबाहाॽ के़रे़क् मुॽइसाबासिरो, खे़ङ्‌हाॽग खुने़ॽ कुलाम्‍मो लाङ्‌गे़घेःक्‍पासिरो॥

यसैया 50:10

खे़निॽओ हाःत्‍ले़ यहवे दाङ्‌बे़न् मिङ्‌सो इङ्‌धाङ् पिरुबे? हे़क्‍क्‍याङ् आत्तिल्‍ले़ खुने़ॽ कुसे़वारोबे़ल्‍ले़ कुबाःन्‍निन् खे़प्‍सुबे? ओःत्ति मेःन्‍ने खामाक्‍मो लाङ्‌गे़घेःक्‍पे़ल्‍ले़ यहवे दाङ्‌बान् ताःक्‍पो चोगुररो, हे़क्‍क्‍याङ् आबाङे कुनिङ्‌वाॽफुमाङ्‌ङो कुनिङ्‌वान् युक्‍खुररो॥

लुका 1:50

हे़क्‍क्‍याङ् खुने़ॽ मिङ्‌सो इङ्‌धाङ् के़बिबाहाॽ के़रे़क् थाःक्‍थाःक्‍को खुने़ॽ कुलुङ्‌गुम्‍मिन् ओसेःन्‍धाक्‍तुसिॽरो॥

निङ्‌वाॽफु साम्‍लोसुम् 119:35

के़इङ्‌जाङ्‌हाॽ के़इःप्‍पा के़नाःप्‍पा चोगाङ्‌ङे़ॽओ, थेआङ्‌भे़ल्‍ले़ आङ्‌गाॽ खे़प्‍मो सःप्‍मा खोआरो॥

निङ्‌वाॽफु साम्‍लोसुम् 145:19

खुने़ॽ मिङ्‌सो इङ्‌धाङ् के़बिबाहाॽरे़ मे़इःत्तुबा के़रे़क् पाःन्‍हाॽ के़त्तु पिरुसिरो॥ खे़ङ्‌हाॽरे़ खुने़ॽ पेलि मे़भाक्‍तुबान् खे़प्‍सुरो, हे़क्‍क्‍याङ् खे़ङ्‌हाॽ खुने़ॽ से़ःप्‍तुसिरो॥

निङ्‌वाॽफु साम्‍लोसुम् 111:10

यहवे दाङ्‌बान्‍नु किमाङ्‌ग सिक्‍कुम्‍साबा पोङ्‌मारे़ कुहेःक्‍सिङ्‌मारो, खुने़ॽ कुइङ्‌जाङ् इःप्‍मा नाःप्‍मा के़दे़म्‍बाहाॽ खासिङ् के़निःप्‍पा मे़बोङ्‌लो॥ खुने़ॽ कुनारा आभे़ल्‍ले़साङ् फोमा पोङ्‌लो॥

रोमि 7:22

थेआङ्‌भे़ल्‍ले़ इङ्‌गाॽ आसिक्‍लुङ्‌मोनुए निङ्‌वाॽफुमाङ्‌ङिल्‍ले़ कुसाम्‌योथिम्‍मो सःत्तारो॥

निङ्‌वाॽफु साम्‍लोसुम् 119:97

खे़ने़ॽ के़साम्‌योथिम् इङ्‌जाङ्‌ङिन् आङ्‌गाॽ साॽरिक् आसिराॽ थाङ्‌लो, ले़न्‍दिक् नाम्‍धाधा खे़ॽयो आङ्‌गाॽ निङ्‌वाॽ पिरुङ्‌लो॥

निङ्‌वाॽफु साम्‍लोसुम् 150:1

यहवे दाङ्‌बे़ल्‍ले़ कुनारा फोसे़म्‍मे़ॽओ! निङ्‌वाॽफुमाङ्‌ङिन् कुसेसेदे़न्‍नो खुने़ॽ कुनारा फोसे़म्‍मे़ॽओ, मिमिदिङ्‌गे़न् ताङ्‌साक्‍पो कुनारा फोसे़म्‍मे़ॽओ॥

निङ्‌वाॽफु साम्‍लोसुम् 147:1

यहवे दाङ्‌बे़ल्‍ले़ कुनारा फोसे़म्‍मे़ॽओ! आनिॽ निङ्‌वाॽफुमाङ्‌ङिल्‍ले़ कुनारा फोमार साम्‍लोमा साॽरिक् नुबा पाःन्‍लो, खुने़ॽ कुनारा फोमाग चाॽरिक् खे़म्‍दुलाॽरुरो हे़क्‍क्‍याङ् निङ्‌वाॽ के़दाबा चोक्‍लो॥

निङ्‌वाॽफु साम्‍लोसुम् 119:143

तुक्‍खे नु लाक्‍खेहाॽ आङ्‌गाॽ आसम्‍दाङ् चुक्‍ते़आङ् वाॽरो, कर के़इङ्‌जाङ्‌हाॽरे़ आङ्‌गाॽ आसिक्‍सम्‍ल याःन्‍नारो॥

निङ्‌वाॽफु साम्‍लोसुम् 40:8

आनिङ्‌वाॽफुमाङ्‌ङे, के़निङ्‌वाॽ हे़क्‍के चोःक्‍मा आङ्‌गाॽ आसिराॽ थाङ्‌लो॥ थेआङ्‌भे़ल्‍ले़ के़साम्‌योथिम्‍मिन् आसिक्‍लुङ्‌मो वाॽरो॥”

रोमि 8:6

आनिॽ निङ्‌वाॽइन् लायोबा सुत्‍नाःल्‍ले़ युक्‍मा आबाङ्‌घुम्‍मिल्‍ले़ग आसिरो, कर आनिॽ निङ्‌वाॽइन् सेसेमाङ्‌ङिन् युक्‍मा आबाङ्‌घुम्‍ने़ फाॽग्र मे़न्‍नुप्‍मनाबा हिङ्‌मन् नु सनारुङ् आघोसुम्‍लो॥

निङ्‌वाॽफु साम्‍लोसुम् 119:16

खे़ने़ॽ के़इङ्‌जाङ्‌हाॽओ आङ्‌गाॽ सःत्तारो, के़बाःन्‍जाःक्‍हाॽ आङ्‌गाॽ निङ्‌वाॽ मे़भेःन्‍नाल्‍लो॥

निङ्‌वाॽफु साम्‍लोसुम् 119:14

यरिक् याङ्‌साकुन्‍धे खोमाल्‍ले़ सिक्‍सम्‍लो, खे़न्‍नुःल्‍ले़आङ् के़इङ्‌जाङ्‌हाॽ इःप्‍मा नाःप्‍माओ आङ्‌गाॽ आसिक्‍सम्‍लो॥

निङ्‌वाॽफु साम्‍लोसुम् 111:1

यहवे दाङ्‌बे़ल्‍ले़ कुनारा फोसे़म्‍मे़ॽओ! आसिक्‍लुङ्‌मोलाम्‍मे कुमनाहाॽरे़ खुनिॽ लुम्‍मो, यहवे दाङ्‌बान् नुगे़न् पिरुङ्‌लो॥

लाम्‍दिक् 1:21

हुक्‍के़लामाहाॽ निङ्‌वाॽफुमाङ्‌ङिन्‍नु मे़गिसे़बाल्‍ले़ चोगुल्‍ले़ खुने़ॽ खे़ङ्‌हाॽ खुन्‍छिॽ आबाङे मुॽइदाङ्‌साहाॽ पिरुसि॥

साम्‌योथिम् इङ् 28:3

खिनिॽ ये़क्‌यक्‍को हाङ्‌वागे़न् मुॽइसाम् थारो, हे़क्‍क्‍याङ् खिनिॽ पाङ्‌भेॽ पाङ्‌जुम्‍मो मुॽइसाम् थारो॥

१ हाङ् 18:3

हे़क्‍क्‍याङ् आहाबरे़ कुहाङ्‌हिम्‍मोबा लक्‍पे़न्‍साबा ओबदियान् उःप्‍मा ताःप्‍मा पाङ्‌घुसि॥ (ओबदियान् यहवे दाङ्‌बाओ माङ्‌से़वा के़जोःक्‍पा नसाःन्‍साबा वये़॥

खाहुन्‍साबा 8:12

यरिक् फे़न्‌याःम्‍बक् के़जोःक्‍पाआङ् लायो के़जोःक्‍पा मनान् काप्‍पोबा तुम्‍ल थारिक् हिङ्‌ॽ॥ हे़क्‍केसाङ् आङ्‌गाॽ निसुङ् कि निङ्‌वाॽफुमाङ्‌ङिन् किप्‍म़ेल्‍ले़, के़रे़क् पाःन्‍हाॽ नुबा पोङ्‌ॽ,