खाहुन् 1:16 - लिम्‍बु

¹⁶ थेआङ्‌भे़ल्‍ले़ खे़ङ्‌हाॽरे़ खुन्‍छिॽ लाङ्‌दाप्‍पेन् लायो चोःक्‍मा चात्तुरो, खे़ङ्‌हाॽ माक्‍खिॽ से़मारे़ लागि खा यारिप् मे़बोङ्‌लो॥

खाहुन् 1:16 Referans Kwoze

यसैया 59:7

खे़ङ्‌हाॽ लायोबा याःम्‍बक् चोःक्‍मारे़ लागि मे़लोःक्‍लो, हे़क्‍क्‍याङ् खे़ङ्‌हाॽ कुदोःप्‍मा मनाहाॽरे़ खुन्‍छिॽ माक्‍खिॽ से़मा मे़जात्‍लो॥ खुन्‍छिॽ निङ्‌वाॽओ मे़इःत्तुबा पाःन्‍हाॽग लायोबा निङ्‌वाॽरो, लुङ्‌माॽ के़हिःम्‍बान् नु सिमा मे़क्‍मे़न् खुन्‍छिॽ लाम् पोङ्‌लो॥

खाहुन् 6:18

ताप्‍फे़ःम्‍बा चोःक्‍मा के़इःप्‍पा निङ्‌वान्, फे़न्‌याःम्‍बक् चोःक्‍मारे़ लागि के़धासिङ्‌बा लाङ्‌गाङ्,

खाहुन् 4:16

थेआङ्‌भे़ल्‍ले़ ताक्‍के़भे़ॽबाहाॽरे़ ताप्‍फे़ःम्‍बा याःम्‍बक् मे़न्‍जोःक्‍के थे़म्‍बा खुन्‍छिॽ इम्‍मा मे़न्‍छुक्‍ने़न्‍लो॥ कुभा मनाहाॽ तुक्‍खेओ मे़न्‍धासिङ्‌ङे थारिक् खे़ङ्‌हाॽरे़ खुन्‍छिॽ मिक्‍के मे़युने़न्‍लो॥

रोमि 3:5

कर कुभारे़ अक्‍खे मे़बाःत्तुॽ, आनिॽ लायो आजोगुम्‍मिल्‍ले़ निङ्‌वाॽफुमाङ्‌ङिल्‍ले़ कुसाम्‌योनिमान् नुरिक्‍काङ् कुसिङ् निःत्ते़त्‍ने़ फाॽग्र निङ्‌वाॽफुमाङ्‌ङिल्‍ले़ आनिॽ खुम्‍दिङ् आबिःल्‍ले़ खुने़ॽ फे़न् याःम्‍बक् चोगुबा पोङ्‌बि? (इङ्‌गाॽ कुभा मे़न्‍छाम् याप्‍मि कुइसिक् पाःत्ताबारो॥)

१ सामुए़ल 19:10

सावलरे़ दाउदे़न् लुङ्‌धाक्‍को लाःक्‍किल्‍ले़ तिःक्‍खुर फाॽआङ् फे़ङ् ले़प्‍तु कर दाउदे़न् इःम्‍सिङ्, हे़क्‍क्‍याङ् खे़न् लाःक्‍किन् लुङ्‌धाक्‍को लेःत्‍छिङ्॥ दाउदे़न् हाबा खे़न् से़न्‍दिक् खे़त्‍छिङ्॥

खाहुन् 1:17

के़रे़क् पुहाॽरे़ मे़निसुरए इयुक्‍मासिग कुसुम् मे़न्‍दम्‍मनाबा थेनाधेरक् पोङ्‌लो॥

खाहुन् 6:17

आङ्‌दिङ् के़लॽबा मिक्‍हाॽ, इङ्‌ले़क् के़बाःप्‍पा ले़सोःत्‍हाॽ, कुदोःप्‍मा मनाःल्‍ले़ कुमाक्‍खिॽ के़से़बा हुक्‍हाॽ,

खाहुन् 12:6

कुॽइगे़भे़म्‍बा मनाःल्‍ले़ कुबाःन्‍निल्‍ले़ग कुभारे़ कुमाक्‍खिॽ से़मारे़ लागि सुगुआङ् युङ्‌लो, कर साम्‌योनिबे़ल्‍ले़ कुबाःन्‍निल्‍ले़ खे़ङ्‌हाॽ ताङ्‌से़ःप्‍तुसिरो॥

तोलिङ्‌सोमु 37:20

लु, आल्‍ल खे़न् से़रुम्‍माङ् लत्‍छा वबाक्‍को लाप्‍फेसुम् केःत्तुम्॥ ‘ताम्‍भुङ् थक्‍साःल्‍ले़ खे़न् चरछ’ फाॽआङ् पाप्‍पाॽ मे़त्तुम्, खे़ब्‍याङ् खे़ल्‍ले़ कुसे़प्‍माङ्‌हाॽ थे पोङ्‌बि, ओमे़त्तुम् साॽरुम्॥”