फिलिप्पि 4:8 - लिम्बु8 आल्ल कुनुप्मो, आमिःम् फुॽनुसाॽ नु ने़ॽनुसाॽसे, आत्तिन् पाःन्निन् से़क्खाबा, सुम्बोधाबा, कुदोःप्मा, सेसेबा, सिराॽ के़धाङ्बा, इङ्धाङ् पिमा लाॽरुबा, आत्तिन् पाःन्निन् साॽरिक् नुबा नु ने़म्भोमा लाॽरुबा चोक्, खे़न् पाःन्हाॽए निङ्वाॽ पिरे़म्मे़ॽओ॥ Gade chapit la |
फिलिप्पि 4:8
67 Referans Kwoze
खिनिॽग ताप्फे़ःम्बा याःम्बक् थेआङ् के़न्जोगुम्मिन्ल फाॽआङ् निङ्वाॽफुमाङ्ङिन् तुवा चोगुम्बे़ॽरो॥ हे़क्केलॽरिक् खिनिॽ लुम्मो आनिगे माङ्से़वान् कुसाङ् लस्सु फाॽआङ् थाःम्मासिगे़बा मेःन्, कर आनिगे कुसाङ् मे़लस्सुम्बे़म्बा कुइसिक् लॽसाङ् खिनिॽ नुबा के़जोगुम्ल के़लॽबा आनिगे निङ्वाॽ वाॽरो॥
हे़क्क्याङ् नुबा याःम्बक्को मिङ्सो इङ्धाङ् के़घोमा पोङ्मा पोङ्लो॥ खे़ङ्ग हिन्जाॽबित्छाहाॽ नुःरिक्काङ् कम्ब्राङ् के़मे़प्मा, लाम्दिःक्पाहाॽ तरे के़दोमा, नसानिबाहाॽरे़ खुनिॽ लाङ् वागे़हप्मा, इनोगे़न् तुक्खेओ के़वाॽबाहाॽ कुभाॽ के़बिमा, हे़क्क्याङ् नुब् नुबा याःम्बक्को निङ्वाॽ के़बिमा पोङ्मा पोङ्लो॥
खे़ङ्हाॽरे़ नोगप् मे़बिरु, “आनिगे़ग कर्नालियस मे़प्मनाबा थक्तुम्बे़ल्ले़ याप्मि पाङ्घे़बारो॥ खुने़ॽग साम्योबा हे़क्क्याङ् निङ्वाॽफुमाङ्ङिन्नु के़गिबा मना नु यहुदिहाॽरे़ खुने़ॽग साॽरिक्के मिङ्सो इङ्धाङ् मे़बिरुरो॥ निङ्वाॽफुमाङ्ङिल्ले़ पाङ्घुबा सेसे माङ्लाइङ्बाधिक्ले़ खे़ने़ॽ कुहिम्मो उःप्माआङ् खे़ने़ॽलाम् पाःप्मा के़गत्तुबा पाःन्हाॽ खे़म्मा फाॽआङ् खुने़ॽ मे़त्तुरो॥”
ये़सुरे़ खे़ङ्हाॽ मे़त्तुसि, “खिनिॽग सदादिङ् लाःक्कात्लक् नुबा थाःम्सिङ्मा निङ्वाॽ के़जोगुम्, कर निङ्वाॽफुमाङ्ङिल्ले़ खिनिॽ सिक्लुङ्मोबा पाःन्निन् निसुॽरो॥ आत्तिन् पाःन्निन् मे़न्छाम्गे़न् याप्मिरे़ खुनिॽ निमाओ यम्लाबा चोक्, खे़न् निङ्वाॽफुमाङ्ङिल्ले़ कुनिमाओ सिक्के़ले़ःङ्बा चोक्लो॥
खे़ल्ले़चोगुल्ले़ दाङ्बाल्ले़ कुनुःङ्मा युःमा ये़म्मिन्नुःल्ले़ तगि वेॽहाॽ खासे़न् मे़लोःन्दे़म्सिम्मिन्ने़ॽ, खुने़ॽए खादाम्मोबा फे़न् पाःन्हाॽ से़न्दाङ्गे़न् ओःत्तिओ तारुॽ हे़क्क्याङ् मे़न्छाम् निङ्वाॽओबा सिबिॽ पाःन्हाॽआङ् ओसेःन्दाङ् चोगुॽरो॥ खे़न् ये़म्मोए के़रे़क्ले़ निङ्वाॽफुमाङ्लाम् खुनिॽ ने़म्भोगे़न् नारा फोमान् मे़घोसुॽरो॥
थेआङ्भे़ल्ले़ खे़ल्ले़ आबाङे कुस्साहाॽ नु कुमुॽइदाङ्साहाॽरे़ साम्यो नु खासे़न् मे़जोगुआङ् यहवे दाङ्बाल्ले़ कुनिङ्वाॽ हे़क्के कुइङ्जाङ्हाॽ इःप्मा नाःप्मा पाङ्घुसिर फाॽआङ् आङ्गाॽ खुने़ॽ सेगुङ्ङाङ् वाॽ॥ खे़ल्ले़चोगुल्ले़ यहवे दाङ्बाल्ले़ अब्राहाम्मिन्नु चोगुबा माङ्हुप्पिन् के़त्ल चोगुरो॥”
आमिःम् आन्जुम्से, यरिक् इङ्ले़क्पा माङ्निङ्वाॽपान् के़बाःप्पाहाॽ इक्सादिङ् खाम्बेःक्मो के़रे़क् पिसाङ् मे़लःन्दे़आङ् मे़वाॽरो॥ खे़ल्ले़चोगुल्ले़ इङ्गाॽ सेसेमाङ्लाम् पाःत्ता के़लॽबाहाॽ काक् नसान् मे़जोगे़म्सिम्मिन्ने़ॽओ, कर खे़ङ्हाॽ निङ्वाॽफुमाङ्लाम् के़दाबासिबि मेःम्बि फाॽआङ् साॽरे़म्सिम्मे़ॽओ॥
फरिसिहाॽरे़ खुनिॽ हुॽसाम्बाहाॽ हे़रोद हाङ्ङिल्ले़ कुमनाहाॽनु ये़सुरो मे़बाङ्घुसि॥ खे़ङ्हाॽरे़ ये़सुन् सेःन्मे़दोसु, “सिक्साम्बे, खे़ने़ॽग से़क्खा पाःन्लक् के़बाःप्पे़न् आनिगे निसुम्बे़रो॥ हे़क्क्याङ् निङ्वाॽफुमाङ्ङिल्ले़ कुलाम्मिन् से़क्खाए के़हुॽरुसिरो॥ खे़ने़ॽ मनाहाॽरे़ खुनिॽ पाःन्नो के़म्बत्ने़न्, हे़क्क्याङ् मनाआङ् के़न्छे़न्दुन्छिन्॥
Piblisite