फिलिप्‍पि 4:1 - लिम्‍बु

¹ खे़ल्‍ले़चोगुल्‍ले़ आमिःम् फुॽनुसाॽ नु ने़ॽनुसाॽसे, हे़क्‍केलॽरिक् दाङ्‌बान् चक्‍मे़ल्‍लॽए नसान् चोगे़म्‍मे़ॽओ॥ इङ्‌गाॽ लुङ्‌माॽ तुक्‍निङ् हे़क्‍क्‍याङ् निमा निङ्‌वाॽ चोःक्‍निङ्, थेआङ्‌भे़ल्‍ले़ खिनिॽए आसःप्‍मान् नु आयाःम्‍बक्‍किल्‍ले़न् थुम्‍घोनिङ्‌लो॥

फिलिप्‍पि 4:1 Referans Kwoze

फिलिप्‍पि 1:27

काक्‍नुःल्‍ले़ के़ये़क्‍पा पाःङ्‌ग ख्रिस्‍तरे़ कुसुनाइङ्‌ङिन् लाॽरुबा हिङ्‌मन्‍नो खिनिॽ वये़म्‍मे़ॽओ॥ हे़क्‍केःल्‍ले़ इङ्‌गाॽ खिनिॽओ ताआआङ् निनिङ्‌साङ् इग्र खिनिॽ याःम्‍बेओरक् खे़प्‍सुङ्‌साङ् खिनिॽ सुनाइङ्‌ङिल्‍ले़न् नसाःन्‍नो के़दङ्‌ङासिआङ् याम्‍बुधिक्‍काङ् याःम्‍बक् के़जोगुम्‍बा पाःन्‍निन् निसुङ्‌लो॥

१ कोरन्‍थि 16:13

खिनिॽ सिङ्‌सिङ् ये़क्‌ये़क् लॽरे़म्‍मे़ॽओ॥ नसाःन्‍नो मे़म्‍मुन्‍ने वये़म्‍मे़ॽओ॥ मे़ङ्‌गिःम्‍नाबा नु के़धुम्‍बा पोःक्‍खे़म्‍मे़ॽआङ्

फिलिप्‍पि 2:16

हे़क्‍क्‍याङ् हिङ्‌मन् के़बिबा पाःन्‍जाक्‍किन् लिङ्‌बित्ताङ् नसान् चोगे़म्‍मे़ॽ, हे़क्‍केलॽरिक् ख्रिस्‍तरे़ कुनुःङ्‌मा युमा ये़न्‍नो खिनिॽ लागि इङ्‌गाॽ चोगुङ्‌बा याम्‍बुधिक्‍पा याःम्‍बक्‍हाॽ चामे़सोःक्‍ते़न्‍बा पाःन्‍निन् निमा सुक्‍तुङ्‌लो॥

निङ्‌वाॽफु साम्‍लोसुम् 27:14

यहवे दाङ्‌बान् हाङ्‌घे़ॽओ॥ के़धुम्‍बा पोःक्‍खे़ॽओ, हे़क्‍क्‍याङ् के़सिक्‍लुङ्‌मो हाङ्‌हाङ् लॽरे़र आःन्‍छिङ्‌ङे़ॽओ॥ यहवे दाङ्‌बान् हाङ्‌घे़ॽओ॥

१ कोरन्‍थि 15:58

खे़ल्‍ले़चोगुल्‍ले़ आमिःम् फुॽनुसाॽ नु ने़ॽनुसाॽसे, खिनिॽ के़धुम्‍बा पोःक्‍खे़म्‍मे़ॽआङ् मे़म्‍मुन्‍ने वये़म्‍मे़ॽओ॥ दाङ्‌बाल्‍ले़ कुयाःम्‍बक्‍को सदादिङ् पोरे़म्‍मे़ॽर पेगे़म्‍मे़ॽओ॥ थेआङ्‌भे़ल्‍ले़ दाङ्‌बाल्‍ले़ लागि खिनिॽ याम्‍बुधिक्‍किन् चामे़सोःक्‍ने़न् फाॽआङ् के़निसुम्‍माङ् के़वयिॽरो॥

फिलिप्‍पि 1:8

ख्रिस्‍त ये़सुरे़ हे़क्‍केए लुङ्‌माॽ तुक्‍निङ्‌बाल्‍ले़ चोगुल्‍ले़ खिनिॽ तुम्‍मा साॽरिक् निङ्‌वाॽ चोगुङ् के़लॽबान् निङ्‌वाॽफुमाङ्‌ङिल्‍ले़ निसुॽरो॥

हिब्रु 10:23

हे़क्‍क्‍याङ् आनिॽ आगत्तुम् लॽरिक् ते़न्‍दिङ् आजोगुम्‍बा निङ्‌साङ्‌ङिन् मे़ल्‍ले़त्ते कत्तुम्‍लो, थेआङ्‌भे़ल्‍ले़ माङ्‌हे़क् के़जोःक्‍पाङ्‌ग नसाःन्‍साबा चोक्‍लो॥

रोमि 2:7

कुभा मनाहाॽरे़ चक्‍मे़ल्‍लॽए नुबा याःम्‍बक् मे़जोगुर निङ्‌वाॽफुमाङ्‌लाम् मिमिदिङ्, मिङ्‌सो इङ्‌धाङ् नु आजुनि हिङ्‌मन् मे़गोःत्तुर मे़वाॽरो॥ खे़ङ्‌हाॽग निङ्‌वाॽफुमाङ्‌ङिल्‍ले़ मे़न्‍नुप्‍मनाबा हिङ्‌मन् पिरुसिॽरो॥

युहुन्‍ना 8:31

ये़सुरे़ खुने़ॽओ नसान् के़जोःक्‍पा यहुदिहाॽ मे़त्तुसि, “इङ्‌गाॽ से़क्‍खाए मे़त्‍निङ्, इङ्‌गाॽ पाःत्तुङ्‌बा पाःन्‍हाॽओ चक्‍मे़ल्‍लॽए के़बत्‍छिॽने़ फाॽग्र से़क्‍खाए आहुॽसाम्‍बा के़बोःक्‍खिॽरो॥

२ तिमोथि 2:1

हे़क्‍केःल्‍ले़ आस्‍साए, खे़ने़ॽग ख्रिस्‍त ये़सुओ के़वाॽबा लुङ्‌गुम्‍लाम्‍बा के़धुम्‍बा पोःक्‍खे़ॽओ॥

फिलिप्‍पि 2:26

खुने़ॽ कुयाम् तुगे़बा पाःन्‍निन् खिनिॽ के़घे़प्‍सुम्‍बाओ खुने़ॽ साॽरिक् कुलुङ्‌माॽ योःन्‍दे़आङ् खिनिॽ तुम्‍मा साॽरिक् निङ्‌वाॽ चोगुआङ् वाॽरो॥

सेःक्‌युक्‍मिबाहाॽ 11:23

खुने़ॽ खे़प्‍मो के़रे़आङ् खे़प्‍मोबा मनाहाॽओ निङ्‌वाॽफुमाङ्‌ङिल्‍ले़ मुॽइसाम् थासुबा निसु, हे़क्‍केःल्‍ले़ खुने़ॽ साॽरिक्‍के सःत्ते़आङ् खे़ङ्‌हाॽ सिक्‍लुङ्‌मोनु से़क्‍खाए दाङ्‌बाओ वये़म्‍मे़ॽओ फाॽआङ् हाङ्‌हाङ् मे़त्तुसिरो॥

सेःक्‌युक्‍मिबाहाॽ 2:42

हे़क्‍क्‍याङ् खे़ङ्‌हाॽ सेःक्‌युक्‍मिबाहाॽरे़ खुनिॽ निसाम्‍मिन् नु सेसे तङ्‌जुम्‍मो, हे़क्‍क्‍याङ् तुवा चोःक्‍मा नु मिःम् साभाङ्‌जा चामाओ चक्‍मे़ल्‍लॽए मे़बत्‍छे़रो॥

निङ्‌वाॽफु साम्‍लोसुम् 125:1

यहवे दाङ्‌बाओ नसान् के़गप्‍पाहाॽ सियोन कोःक्‍मा हे़क्‍तङ्‌बा मे़बोङ्‌लो, खे़ङ्‌हाॽ थधप् मे़ल्‍लॽने़ल्‍लो, कर सदादिङ् मे़वाॽरो॥

२ पत्रुस 3:17

खे़ल्‍ले़चोगुल्‍ले़ आमिःम् आन्‍जुम्‍से, खिनिॽग कन् पाःन्‍हाॽ निङ्‌वाॽ के़घोसुम्‍माङ् के़वयिबाल्‍ले़ चोगुल्‍ले़ सिङ्‌सिङ् ये़क्‌ये़क् लॽरे़म्‍मे़ॽओ॥ हे़क्‍केःल्‍ले़ फे़न्‍पान् के़जोःक्‍पाहाॽरे़ खुनिॽ इङ्‌ले़क्‍के पाःन्‍निल्‍ले़ खिनिॽ के़मे़न्‍भोःत्तिन्‍ल हे़क्‍क्‍याङ् खिनिॽ के़धुम्‍बा नसाःन्‍लाम् के़न्‍जोःन्‍दिन्‍लरो॥

हिब्रु 4:14

आल्‍ल, आनिॽ ते़न्‍दिङ् आजोगुम्‍बा नसाःन्‍निन् थरुम्‍लो, थेआङ्‌भे़ल्‍ले़ साङ्‌ग्राम्‍पेदाङ्‌ङो के़बेःक्‍पाआङ् के़वाॽबा निङ्‌वाॽफुसा ये़सु पयम् मानिङ्‌वाॽफुसाम्‍बान् आनिॽ आगत्तुम्‍लो॥

हिब्रु 3:14

आनिॽ तगि नसान् आजोगुम्‍बा ये़म्‍मो खुने़ॽ ताःक्‍पो आजोगुम्‍बा कुइसिक् कुनुप्‍मो थारिक् नसाःन्‍साबा आबोङ्‌ने़ फाॽग्र ख्रिस्‍ते़न्‍नु लक्‍के़घोबा आबोःक्‍खे़आङ् आवाॽरो॥

२ थिस्‍सलोनिकि 2:15

खे़ल्‍ले़चोगुल्‍ले़ फुॽनुसाॽ नु ने़ॽनुसाॽसे, के़धुम्‍बा पोःक्‍खे़म्‍मे़ॽआङ् आनिगे पाःत्तुम्‍बे़बा पेलिगे़न् पाःन्‍जाक्‍किन् नु सक्‍इङ्‌घङ्‌लाम्‍बा के़घोसुम्‍बा निसाम्‍मिन् तक्‍ते़म्‍मे़ॽओ॥

कलस्‍सि 4:12

खिनिॽनुएबा थिक्‍पा ख्रिस्‍त ये़सुरे़ कुसे़वारोबा इपाफ्रासरे़ खिनिॽ से़वा के़हाक्‍तिरो॥ खुने़ॽग खिनिॽ लागि निङ्‌वाॽफुमाङ्‌ङिल्‍ले़ के़धुम्‍बा नु कुलिङ्‌दो के़गे़प्‍पा हे़क्‍क्‍याङ् काक् निङ्‌वाॽफु निङ्‌वाॽओ ताःक्‍पोगे़म्‍बा के़जोगिर फाॽआङ् सदादिङ् साॽरिक् तुवा चोगुॽरो॥

गलाति 5:1

ख्रिस्‍तरे़ से़क्‍खाए चोःक्‌युम्‍भो आबिरे़आङ् वाॽ, खे़ल्‍ले़चोगुल्‍ले़ खे़न् चोःक्‌युम्‍भोओ मे़म्‍मुन्‍ने वये़म्‍मे़ॽ, हे़क्‍क्‍याङ् साम्‌योथिम्‍मिल्‍ले़ कुयोक् याम्‍मो मे़बोःक्‍खे़म्‍मिन्‍ने़ॽओ॥

सेःक्‌युक्‍मिबाहाॽ 14:22

खे़प्‍मो खे़ङ्‌हाॽरे़ हुॽसाम्‍बाहाॽ नसाःन्‍नो चक्‍मे़ल्‍लॽए वये़म्‍मे़ॽ मे़त्ते़छुसिर हाङ्‌हाङ् चोगे़त्‍छुसि, हे़क्‍क्‍याङ् यरिक् इनोगे़न् तुक्‍खे के़दुमुम्‍साङ् निङ्‌वाॽफुहाङ्‌जुम्‍मो लाःप्‍माए पोङ्‌लो फाॽआङ् आःन्‍छिङ्‌मा पिरे़त्‍छुसिरो॥

१ थिस्‍सलोनिकि 3:13

खिनिॽ निङ्‌वाॽबान् हाङ्‌हाङ् मे़त्तुनिरो, अक्‍खेलॽरिक् आनिॽ दाङ्‌बा ये़सुन् काक् सेसे कुमनाहाॽनु याम्‍मो युःल्‍ले़ आनिॽ पानुदिङ् पा निङ्‌वाॽफुमाङ्‌ङिल्‍ले़ कुनिमाओ सेसे नु फोत्‍या मेःन्‍ने के़जोगिररो॥

मत्ति 10:22

खिनिॽ याप्‍मि नसान् के़जोगिबाल्‍ले़ चोगुल्‍ले़ के़रे़क् मनाहाॽरे़ के़म्‍जिःत्तिॽरो, कर आत्तिल्‍ले़ कुनुप्‍मो थारिक् थरुॽ, खे़ल्‍ले़ए से़न्‍लप् खोसुॽरो॥

अयुब 31:36

आङ्‌गाॽ आङ्‌दिङ् लॽराङ्‌ल खे़न् आभक्‍ताङ्‌ङो कुयुङ्‌ङाङ् आङ्‌गाॽ लाङ्‌घेगाङ्‌बा वये़रो हे़क्‍क्‍याङ् तिच कुइसिक् थे़गेःक्‍को खुःक्‍खुङ्‌बा वये़रो॥