फिलिप्‍पि 3:20 - लिम्‍बु

²⁰ कर आनिॽग साङ्‌ग्राम्‍पेदाङ्‌ङोबा यक्‌युङ्‌बासिरो, हे़क्‍क्‍याङ् आनिॽग खे़प्‍मोलाम् के़युबा से़न्‍लप्‍दाङ्‌बा आनिॽ दाङ्‌बा ये़सु ख्रिस्‍ते़न् सिक्‍सम्‍माङ् आहाङ्‌घुम्‍लो॥

फिलिप्‍पि 3:20 Referans Kwoze

एफिसि 2:19

खे़ल्‍ले़चोगुल्‍ले़ आल्‍ल खिनिॽ थिम्‍मे़न्‍दङ् सुवाङ्‌हाॽ वेॽ लाजेॽबा नु तास्‍वाबानिङ् मेःन्, कर खिनिॽग निङ्‌वाॽफुमाङ्‌ङिल्‍ले़ सेसे कुमनाहाॽनु निङ्‌वाॽफुमाङ्‌ङिल्‍ले़ कुहिम्‍सयङ्‌ङोबा यक्‌युङ्‌बा के़बोःक्‍खिआङ् के़वयिॽरो॥

२ कोरन्‍थि 4:18

आल्‍लो आनिसुम्‍बा इनोगे़न् तुक्‍खेहाॽग ओआम्‍मे़त्तुम्‍मिन्‍लो, कर निमे़न्‍दे़प्‍मना पाःन्‍नो ओआमे़त्तुम्‍लो॥ थेआङ्‌भे़ल्‍ले़ आनिॽ आनिसुम्‍बा पाःन्‍हाॽ सप्‍फाधिक्‍पारो, कर निमे़न्‍दे़त्‍मनाबा पाःन्‍हाॽग आप्‍फाल्‍ले़साङ् वाॽरो॥

हिब्रु 12:22

कर खिनिॽग सियोन कोःक्‍माओ, कुहिङ्‌वे़त् निङ्‌वाॽफुमाङ्‌ङिल्‍ले़ कुये़क्‌यक् साङ्‌ग्राम्‍पेदाङ्‌बा यरुसले़म्‍मो के़द्‌ये़ॽइआङ् के़वयिरो॥ खिनिॽग हे़न्‍छिङ् हे़न्‍छिङ् माङ्‌लाइङ्‌बाहाॽरे़ खुनिॽ ओमुलॽमारे़ कुधिम्‍बा खुनिॽ चुम्‍लुङ्‌ङो के़द्‌ये़ॽइआङ् के़वयिॽरो॥

कलस्‍सि 1:5

खिनिॽ थे निङ्‌साङ् के़जोगुम्‍माङ् के़वयिॽ खे़न् साङ्‌ग्राम्‍पेदाङ्‌ङो नुरिक्‍काङ् याङ्‌घोःत्ते़आङ् वाॽरो॥ तगि खिनिॽ से़क्‍खाबा पाःन्‍जाक्‍किन् के़घे़प्‍सुम्‍माङ् के़वयिल्‍ले़सा कन् निङ्‌साङ्‌ङिल्‍ले़ कुयाःम्‍बेओ के़घे़प्‍सुम्‍माङ् के़वयि॥ खे़ङ्‌ग सुनाइङ्‌ङिन्‍नेरो॥

एफिसि 2:6

हे़क्‍केलॽरिक् खुने़ॽ ख्रिस्‍ते़न्‍नु सोरिक् कुहिङ्‌वे़त् आजोगे़आङ् साङ्‌ग्राम्‍पेदाङ्‌बा ते़न्‍नो ख्रिस्‍त ये़सुन् नु आयुक्‍खे़आङ् आवाॽरो॥

२ कोरन्‍थि 5:8

आनिॽग हाङ्‌हाङ् आबोःक्‍खे़आङ् आवाॽ फाॽआङ् इङ्‌गाॽ से़क्‍खाए पाःत्तुङ्‌लो, हे़क्‍क्‍याङ् कन् नासिङ्‌गे़न् थक्‍को हिङ्‌मानुःल्‍ले़आङ् दाङ्‌बान्‍नु सोरिक् हिङ्‌मा आनिॽ सिराॽथाङ्‌लो॥

२ तिमोथि 4:8

आनिॽ कुदोःप्‍मा खासे़न् के़जोःक्‍पा दाङ्‌बाल्‍ले़ खे़न् ये़न्‍नो साम्‌योबा तिचःन् हाङ्‌से़म् कुइसिक् पिआरो॥ इङ्‌गाॽरक् मेःन्, कर खुने़ॽ कुधाःन्‍छिङ्‌मान् निङ्‌वाॽ इगेःक्‍काङ् के़हाङ्‌बा काक्‍ले़ मे़घोसुॽरो॥

१ थिस्‍सलोनिकि 1:10

हे़क्‍क्‍याङ् निङ्‌वाॽफुमाङ्‌ङिल्‍ले़ सिमे़न्‍लाम् याम्‍मो हिङ्‌घुबा कुस्‍सा ये़सुरे़ साङ्‌ग्राम्‍पेदाङ्‌लाम् कुयुमे़न् के़हाङ्‌घुम्‍बान् मे़मे़त्तिगे़आङ् वाॽरो॥ खुने़ॽए के़दाबा निङ्‌वाॽफुमाङ्‌ङिल्‍ले़ कुघुम्‍दिङ्‌लाम् ताङ्‌आसे़ःप्‍लो॥

हिब्रु 9:28

ख्रिस्‍ते़न् काक् मनाहाॽरे़ खुनिॽ लायोहाॽ कुसे़ थिक्‍ले़ङ्‌मो सिदुङ्‌जभा पोःक्‍खे़, हे़क्‍क्‍याङ् याम्‍मो युःल्‍ले़ आनिॽ लायोहाॽ कुसे़ग मेःन्, कर खुने़ॽ कुयुमान् निङ्‌वाॽ इगेःक्‍काङ् के़हाङ्‌बाहाॽ से़न्‍लप् पिसे़ने़ युःरो॥

गलाति 4:26

कर चोःक्‌युम्‍भोमा साराःङ्‌ग साङ्‌ग्राम्‍पेदाङ्‌बा यरुसले़म कुइसिक् चोक्‍लो॥ खुने़ॽए आनिॽ मारो॥

तितस 2:13

हे़क्‍केलॽरिक् आनिॽ पयम् निङ्‌वाॽफुमाङ्‌ङिन् नु से़न्‍लप्‍दाङ्‌बा ये़सु ख्रिस्‍तरे़ मिमिदिङ्‌नु कुयुमे़न् आहाङ्‌घुम्‍ल आवाॽइल्‍ले़ आनिॽ हाङ्‌हाङ्‌बा निङ्‌साङ्‌ङिल्‍ले़ कुधिम् आवाॽरो॥

१ कोरन्‍थि 1:7

खे़ल्‍ले़चोगुल्‍ले़ आनिॽ दाङ्‌बा ये़सु ख्रिस्‍तरे़ कुनुःङ्‌मा युमा ये़म्‍मिन् के़हाङ्‌घुम्‍मिल्‍ले़ चाहाबा के़जोगिबा के़रे़क् याम्‍साम्‍गे़न् पर्धाःम्‍मिन् खिनिॽ के़गत्तुम्‍लो॥

सेःक्‌युक्‍मिबाहाॽ 1:11

पारे़त्‍छि, “गालिलबा मनासे, थेआङ् ताङ्‌साक्‍पो ओगे़मे़त्तुम्‍बाबे? ये़सुन् साङ्‌ग्राम्‍पेदाङ्‌ङो थोधो पङ्‌सिङ् पेबा हे़क्‍केए खुने़ॽ थिक्‌ये़न् याम्‍मो युरो॥”

मत्ति 19:21

ये़सुरे़ मे़त्तु, “खे़ने़ॽ से़क्‍खाए कुलिङ्‌दो के़प्‍मा निङ्‌वाॽ के़जोगुने़ फाॽग्र पेगे़ॽआङ् के़गत्तुबान् के़रे़क् सङ्‌घे़देसे़ॽ हे़क्‍क्‍याङ् याङ्‌गे़साॽबाहाॽ पिरे़से़ॽओ॥ हे़क्‍केलॽरिक् साङ्‌ग्राम्‍पेदाङ्‌ङो याङ्‌साकुन्‍धे के़घोसुॽरो॥ हे़क्‍क्‍याङ् फे़रे़ॽआङ् इङ्‌गाॽ तिम्‍दाङ्‌ङे़ॽओ॥”

१ थिस्‍सलोनिकि 4:16

थेआङ्‌भे़ल्‍ले़ तुम्‍माङ्‌लाइङ्‌बाल्‍ले़ कुइक्‍ला हे़क्‍क्‍याङ् निङ्‌वाॽफुमाङ्‌ङिल्‍ले़ कुधुत्तुरिःप्‍पाल्‍ले़ कुइक्‍लानु दाङ्‌बान्‍ने साङ्‌ग्राम्‍पेदाङ्‌लाम् यम्‍बा इक्‍लाओ अःक्‍ल युरो॥ हे़क्‍क्‍याङ् काक् ख्रिस्‍ते़न् नसान् के़जोःक्‍पाआङ् के़सिबाहाॽ सिमे़न्‍लाम् हिङ्‌मन्‍नो काक्‍नु तगि मे़हिङ्‌ङाङ् मे़बोक्‍लो॥

लुका 14:14

“हे़क्‍के के़जोगुल्‍ले़ खे़ने़ॽ मुॽइसाम् के़घोसुॽ, थेआङ्‌भे़ल्‍ले़ खे़ङ्‌हाॽरे़ थेआङ् मे़न्‍गत्तुन्‍नाङ् खे़न् याङ्‌ना हुङ्‌मा मे़न्‍छुक्‍तुन्‍लो॥ कर साम्‌योबा मनाहाॽ सिमे़न्‍लाम् याम्‍मो मे़हिङ्‌ङिल्‍ले़ निङ्‌वाॽफुमाङ्‌ङिल्‍ले़ खे़ने़ॽ काक् नुःक्‍तु के़बिॽरो॥”

सुफो 1:7

ओमे़त्ते़म्‍मे़ॽ, खुने़ॽग खाप्‍मिःप्‍पो युःर पत्‍लो॥ हे़क्‍क्‍याङ् काक् मे़न्‍छाम्‍गे़न् याप्‍मिहाॽ नु खुने़ॽ के़धुप्‍पाहाॽरे़आङ् मे़निसुॽरो॥ हे़क्‍क्‍याङ् इक्‍सादिङ् खाम्‍बेःक्‍मोबा के़रे़क् मे़न्‍छाम् सुवाङ्‌हाॽ खुने़ॽ चोगुल्‍ले़ मे़रिङ् मे़धक्‍लो॥ हाराॽ अक्‍खेए पोङ्‌लरो! आमे़न्॥

खाहुन् 15:24

हिङ्‌मन्‍नोबा लाम्‍मिल्‍ले़ खासिङ्‌गे़निःप्‍पे़न् थो ले़प्‍माङ् लाम्‍लोसुरो, खे़ल्‍ले़ खुने़ॽ खे़माॽयङ्‌सङ् ले़प्‍माङ् पेःक्‍मालाम् से़ःप्‍तुरो॥

फिलिप्‍पि 1:10

हे़क्‍केलॽरिक् साॽरिक् नुबा पाःन्‍हाॽ सेःक्‍मा हे़क्‍क्‍याङ् ख्रिस्‍तरे़ कुनुःङ्‌मा युमा ये़न् थारिक् सेसे नु फोत्‍या मेःन्‍ने वाॽमा के़सुक्‍तुम्‍ल,

निङ्‌वाॽफु साम्‍लोसुम् 17:15

हे़क्‍क्‍याङ् आङ्‌गाॽग खे़ने़ॽ निमा सुक्‍ने़रो थेआङ्‌भे़ल्‍ले़ थेआङ् ताप्‍फे़ःम्‍बा पान् आङ्‌गाॽ मे़न्‍जोःक्‍के वाॽआरो॥ आङ्‌गाॽ इम्‍माआङ् सोआल्‍ले़ खे़ने़ॽ के़नारान् निसुङ्‌ङाङ् आनिङ्‌वाॽ तारो॥

निङ्‌वाॽफु साम्‍लोसुम् 16:11

खे़ने़ॽ हिङ्‌मन्‍नो के़देॽबा लाम् ओसेःन्‍गे़धाक्‍ताङ्‌ङाङ् वाॽरो॥ हे़क्‍क्‍याङ् के़दगाङ् युङ्‌ङाल्‍ले़ साॽरिक् सःत्तारो, हे़क्‍क्‍याङ् खे़ने़ॽनु वाॽआल्‍ले़ सदादिङ् आनिङ्‌वाॽ तारो॥

लुका 12:21

हे़क्‍क्‍याङ् ये़सुरे़ मे़त्तु, “आबाङे लागिरक् याङ्‌साकुन्‍धेहाॽ के़लुम्‍बाआङ् निङ्‌वाॽफुमाङ् ले़प्‍माङ् याङ्‌साकुन्‍धेसाबा मे़म्‍बोङ्‌मनाबे़न्‍नाङ् बा हे़क्‍केए पोङ्‌लो॥”

१ कोरन्‍थि 15:48

इक्‍साबा मनाहाॽ खाम्‍मिल्‍ले़ के़बोङ्‌बा मनान् हे़क्‍तङ्‌बासिरो, हे़क्‍केलॽरिक्‍के साङ्‌ग्राम्‍पेदाङ्‌बा मनाहाॽ साङ्‌ग्राम्‍पेदाङ्‌लाम् के़युबा मनान् हे़क्‍तङ्‌बासिरो॥

फिलिप्‍पि 1:27

काक्‍नुःल्‍ले़ के़ये़क्‍पा पाःङ्‌ग ख्रिस्‍तरे़ कुसुनाइङ्‌ङिन् लाॽरुबा हिङ्‌मन्‍नो खिनिॽ वये़म्‍मे़ॽओ॥ हे़क्‍केःल्‍ले़ इङ्‌गाॽ खिनिॽओ ताआआङ् निनिङ्‌साङ् इग्र खिनिॽ याःम्‍बेओरक् खे़प्‍सुङ्‌साङ् खिनिॽ सुनाइङ्‌ङिल्‍ले़न् नसाःन्‍नो के़दङ्‌ङासिआङ् याम्‍बुधिक्‍काङ् याःम्‍बक् के़जोगुम्‍बा पाःन्‍निन् निसुङ्‌लो॥