फिलिप्पि 3:19 - लिम्बु19 कुनुप्मो खे़ङ्हाॽ मे़मे़क्लो, खे़ङ्हाॽरे़ याम्दादा नु निङ्वाॽ पाःप्पाःत् चोःक्मान्ने खुनिॽ माङ्लो, खुनिॽ सिरिङ्मःमा पाःन्हाॽओ खे़ङ्हाॽ आङ्दिङ् मे़लॽरो॥ खे़ङ्हाॽरे़ग इक्सादिङ् खाम्बेःक्मोबा पाःन्हाॽओरक् खुनिॽ निङ्वाॽ मे़बिरुआङ् वाॽरो॥ Gade chapit la |
फिलिप्पि 3:19
52 Referans Kwoze
खुनिॽ खिःम्ब्राक्मो कन् इङ्ले़क्के सिक्साम्बाहाॽरे़ खुनिॽ निङ्वाॽ तादाबा इङ्ले़क्पा पाःन्हाॽ मे़जोगुआङ् खिनिॽ इङ्गे़म्ले़क्तिआङ् इन्धाःक् मे़धगु॥ निङ्वाॽफुमाङ्ङिल्ले़ खे़ङ्हाॽरे़ खुनिॽ खुम्दिङ्ङिन् तगिसा खासे़न् चोगुआङ् वाॽ, हे़क्क्याङ् खुनिॽ मे़क्मे़न् निःन्धो पोःक्खे़आङ् वाॽरो॥
कर उन्छोन् इस्राइलओ इङ्ले़क्पा माङ्निङ्वाॽपान् के़बाःप्पाहाॽ मे़वये़बा कुइसिक् खिनिॽ लुम्मोआङ् इङ्ले़क्के सिक्साम्बाहाॽ मे़लन् मे़दारो॥ खे़ङ्हाॽरे़ग स्वाःत्ताङ् याप्मि के़मे़ङ्बा इङ्ले़क् पाःन्हाॽ मे़हुॽरुसिॽ, हे़क्क्याङ् खे़ङ्हाॽरे़ खुनिॽ मे़ल्लुङ् के़हुङ्बाआङ् के़धे़ॽबा दाङ्बान्नाङ् मे़नाॽरुआङ् हाराए आबाङे खुनिॽओ मे़क्मे़न् मे़दारुॽ॥
कर किस्रुक्पाहाॽ, नसान् मे़न्जोःक्मनाबाहाॽ, फे़क्के़लाॽबाहाॽ, मना के़से़प्पाहाॽ, ताप्फे़ःम्बा याःम्बक् के़जोःक्पाहाॽ, फे़न्साम् मुन्धुम् के़नाःप्पाहाॽ, नावाइत्ला से़वा के़जोःक्पाहाॽ नु इङ्ले़क् के़बाःप्पाहाॽरे़ खुनिॽ वाॽमादे़ङ्ग कान्धाक् नु मि के़दिःप्पार के़बप्पा लुम्बाःत्तो पोङ्लो॥ खे़ङ्ग निसिगेक्पा सिमे़न्लो॥”
यहवे दाङ्बाए, कन् इक्सा खाम्बेःक्को याङ्साकुन्धेःन्ने के़रे़क्नुःल्ले़ यम्बा पान् लॽरिक् के़इःप्पा मनाहाॽलाम्बा के़हुक्किल्ले़ से़ःप्ताङ्ङे़ॽओ॥ कर के़सिराॽ के़धाङ्बा मनाहाॽरे़ खुनिॽ से़त्लाःक्किल्ले़ के़घाःत्तुसिरो, हे़क्क्याङ् खे़ङ्हाॽरे़ खुनिॽ साहाॽरे़ यरिक् मे़घोसुरो॥ खे़ब्याङ् खे़ङ्हाॽरे़ खुनिॽ मे़न्छाॽहाॽरे़ लागिआङ् यरिक् याङ्साकुन्धे मे़सुप्सुआङ् मे़लुप्सुरो॥
हे़क्क्याङ् खे़न् किप्मा के़घुबा थक्सान् नु खुने़ॽ कुदगि निङ्वाॽ के़माबा याःम्बक् के़जोःक्पा खे़न् इङ्ले़क्पा माङ्निङ्वाॽपान् के़बाःप्पे़न् मे़दे़म्सुसिरो॥ खे़ल्ले़ मुक्साम्रे़ कुधिम्बा निङ्वाॽ के़माबा याःम्बक्हाॽरे़ खे़न् किप्मा के़घुबा थक्साःल्ले़ इबुगे़न् कुमिक्सेन् के़लक्पा नु कुनावाइत्लान् से़वा के़जोःक्पाहाॽ इङ्ले़क्तुसिआङ् वये़रो॥ खे़ङ्हाॽ ने़प्माङ् कुहिङ्वे़त्ते कान्धाक् के़दिःप्पा मिराःक् लुम्बाःत्तो लाप्मे़भुसुसिरो॥
हे़क्क्याङ् हाङ्ङिल्ले़ कुभे़न्छाङ् ले़प्माङ्बाहाॽ मे़त्तुसि, ‘खिनिॽ निङ्वाॽफु साक्मुराःल्ले़ के़दे़त्तिबासे, खिनिॽ इङ्गाॽओलाम् पेगे़म्मे़ॽओ॥ खिनिॽग माफे़न्साम्मिन् नु खुने़ॽ कुमाङ्लाइङ्बाहाॽ केःप्मासि फाॽआङ् यारिप् चोगुबा आप्फाल्ले़आङ् मे़न्छिःम्ना मि के़दिःप्पा खे़मायङ्सङ्ङो पेगे़म्मे़ॽओ॥
खे़प्मोबा लाम्लोबाहाॽरे़ सुरुत् याङ्ले़ लागि खासे़न् मे़लोःन्दुरो, खे़प्मोबा निङ्वाॽफुसाम्बाहाॽरे़ नाम्याक्ले़ लागि मे़हुॽरुसिरो, हे़क्क्याङ् खे़प्मोबा माङ्निङ्वाॽपान् के़बाःप्पाहाॽरे़ याङ्ले़ लागि माङ्निङ्वाॽपान् मे़बाःत्तुरो॥ हे़क्क्याङ्साङ् खे़ङ्हाॽ यहवे दाङ्बाओ मे़घे़ःम्सिङ्लो खे़ब्याङ् खे़ङ्हाॽरे़ अक्खे मे़बाःत्तुरो, “थे़मा यहवे दाङ्बे़न् आनिॽ लुम्मो मे़वाॽने़न्नाङ्बि? आनिॽओ थे़माआङ् ताप्फे़ःम्बा पान् मे़बोङ्ने़न् मे़दाने़न्लो॥”
यहवे दाङ्बे़ल्ले़ अक्खे पाःत्तुरो— “आङ्गाॽ आमनाहाॽ ताप्फे़ःम्बा लाम्मो लाङ्घेःक्मा के़बाङ्बा माङ्निङ्वाॽपान् के़बाःप्पाहाॽ कुभारे़ चामा पिरुसिल्ले़ खे़ङ्हाॽरे़ सनारुङ् नुॽमादामा उवा मे़जोगुरो, खे़ल्ले़ खे़ङ्हाॽ चामा मे़बिरुसिन्ने़भग्र, खे़ल्ले़ कुदक्ले़ङ्वाओ खे़ङ्हाॽ थङ् चोःक्मारे़ लागि यारिप् मे़बोङ्लो॥
इङ्गाॽ कन् पाःन्हाॽ मे़त्निङ्, थेआङ्भे़ल्ले़ निङ्वाॽफुमाङ् मेःन्नेबा कुभा मनाहाॽ स्वाःत्ताङ् खिनिॽ लुम्मो मे़लासे़आङ् मे़वाॽरो॥ तगिसा माङ्निङ्वाॽपान् के़बाःप्पाहाॽरे़ खे़न् हे़क्तङ्बा मनाहाॽरे़ खुम्दिङ् मे़घोसुॽ लॽरिक् मे़बाःत्तुआङ् मे़वये़रो॥ खे़ङ्हाॽरे़ निङ्वाॽफुमाङ्ङिल्ले़ लुङ्माॽ आदुक्पाल्ले़ चोगुल्ले़ के़रे़क् ताप्फे़ःम्बा याःम्बक् चोःक्मा आबिॽ लॽरिक् मे़बाःत्तुॽ, हे़क्क्याङ् आनिॽ थिक्लक् हाङ् के़जोःक्पा नु दाङ्बा ये़सु ख्रिस्ते़न् नसान् चोःक्मा मे़न्दे़न्ने़न्लो॥
हुक्पक् थिक्ने़त्छि हःक्सि इग्र कुघे़ःक् थिक्ने़त्छि खरे़ःङ्ले़ लागि आङ्गाॽ आमनाहाॽरे़ खुन्छिॽ लुम्मो खिनिॽ आङ्गाॽ आजाःत्थि के़देसुम्॥ इङ्ले़क्पा पाःन्हाॽ खे़म्मा कुसिराॽ के़धाङ्बा आमनाहाॽ खिनिॽ इङ्गे़ले़क्तुम्सिम्माङ् सिमा मे़म्बोङ्मनाबा आमनाहाॽ खिनिॽ के़से़रुम्सिम्ॽ, हे़क्क्याङ् हिङ्मा मे़न्याःप्मनाबा मनाहाॽनु हिङ्मारे़ लागि माङ्हुप् के़जोगुम्ॽ॥
आङ्गाॽ आयुक्नाओ तोःन्छे़ मे़दारुबा ले़त्तिहाॽ नु वयागे़न् सिदुङ्जभाहाॽ खिनिॽ थेआङ् मिङ्सो इङ्धाङ् के़म्बिरुम्मिन्बाबे? खे़ने़ॽ इस्राइलि आमनाहाॽरे़ ले़त्ति मे़दोन्दुबा नुबा चिगक्वाहाॽ खे़ने़ॽ के़लागि के़युक्खुआङ् आङ्गाॽनुःल्ले़आङ् यरिक् थेआङ् के़स्साहाॽ मिङ्सो इङ्धाङ् के़बिरुसिबाबे?’
आनिगे चोःक्मा सिराॽ के़धाङ्बा च्यासाङ् चोगुम्बे़ॽ॥ आनिगे नु आनिगे पाधे़बा, हाङ्हाॽ हे़क्क्याङ् लाम्लोबाहाॽरे़ यहुदाबा ये़क्यक्हाॽ नु यरुसले़ःम्मोबा लाम्लाम्मो आभे़ल्ले़साङ् सिदुङ्जभा मे़दोन्दुआङ् वये़, खे़न् कुइसिक् आनिगे सिराॽथाङ्धाङ् साङ्ग्राम्पेदाङ्मा हाङ्माओ सुक्पा हाःन्दुम्बे़ हे़क्क्याङ् सेजःङ्वा सिदुङ्जभाहाॽ हुक्खुम्बे़॥ थेआङ्भे़ल्ले़ खे़न् ये़म्मो आनिगे वे़त्ते़सरे़ कुजा कत्तुम्बे़, आनिगे नुॽमा तामा पोःक्खे़आङ् वये़ हे़क्क्याङ् आनिगे ये़त्तुक्खे तुमुम्बे़बा होःप्ते़॥
Piblisite