फिलिप्‍पि 1:8 - लिम्‍बु

⁸ ख्रिस्‍त ये़सुरे़ हे़क्‍केए लुङ्‌माॽ तुक्‍निङ्‌बाल्‍ले़ चोगुल्‍ले़ खिनिॽ तुम्‍मा साॽरिक् निङ्‌वाॽ चोगुङ् के़लॽबान् निङ्‌वाॽफुमाङ्‌ङिल्‍ले़ निसुॽरो॥

फिलिप्‍पि 1:8 Referans Kwoze

फिलिप्‍पि 4:1

खे़ल्‍ले़चोगुल्‍ले़ आमिःम् फुॽनुसाॽ नु ने़ॽनुसाॽसे, हे़क्‍केलॽरिक् दाङ्‌बान् चक्‍मे़ल्‍लॽए नसान् चोगे़म्‍मे़ॽओ॥ इङ्‌गाॽ लुङ्‌माॽ तुक्‍निङ् हे़क्‍क्‍याङ् निमा निङ्‌वाॽ चोःक्‍निङ्, थेआङ्‌भे़ल्‍ले़ खिनिॽए आसःप्‍मान् नु आयाःम्‍बक्‍किल्‍ले़न् थुम्‍घोनिङ्‌लो॥

रोमि 1:9

खुने़ॽ कुस्‍साःल्‍ले़ कुयाःम्‍बेओ सुनाइङ् इङ्‌भोसुङ्‌ल के़रे़क् आनिङ्‌वाॽलाम्‍बा निङ्‌वाॽफुमाङ्‌ङिन् से़वा चोगुङ्‌लो, हे़क्‍क्‍याङ् खुने़ॽए खिनिॽ लागि ए़त्‍ले़ङ् तुवा चोगुङ्‌बान् निसुआङ् वाॽरो॥

२ तिमोथि 1:4

खे़ने़ॽ के़मिक्‌वान् निङ्‌वाॽ इःत्तुङ्‌ङिल्‍ले़ के़साॽसे़ तामा साॽरिक् निङ्‌वाॽ चोगुङ्‌ङाङ् वाॽआरो॥ हे़क्‍केःल्‍ले़ इङ्‌गाॽ ओमुलॽमाल्‍ले़ कुधिम् पोङ्‌ङामे़न्॥

१ थिस्‍सलोनिकि 2:8

हे़क्‍केलॽरिक् निङ्‌वाॽफुमाङ्‌ङिल्‍ले़ कुसुनाइङ्‌ङोरक् मेःन्, कर खिनिॽ लागि थेसाङ् चोःक्‍मा यारिप् वयिगे़, थेआङ्‌भे़ल्‍ले़ खिनिॽग साॽरिक् आनिगे लुङ्‌माॽ तुक्‍कासिगे़रो॥

रोमि 9:1

इङ्‌गाॽ पाःप्‍मा निङ्‌वाॽ इःत्तुङ्‌बा पाःन्‍निन् से़क्‍खाएरो॥ इङ्‌गाॽ ख्रिस्‍तरे़ कुमनाआ हे़क्‍क्‍याङ् इङ्‌गाॽ इङ्‌ले़क् मे़बाःत्तान्‍लो॥ आघासिङ्‌ङिन् नु सेसेमाङ्‌ङिल्‍ले़ इङ्‌गाॽ पाःत्तुङ्‌बा पाःन्‍निन् से़क्‍खाए चोक्‍लो फाॽआङ् निःन्‍धो चोःक्‍सुॽरो॥

फिलेमोन 1:12

इङ्‌गाॽ खे़न् साॽरिक् लुङ्‌माॽ तुक्‍तुङ्‌बा मनान् खे़ने़ॽओ याङ्‌ना पाङ्‌घुङ्‌ङाङ् वाॽआरो॥

यर्मिया 31:20

“एफ्राइमे़न्, के़रे़क्‍नुःल्‍ले़ लुङ्‌माॽ तुक्‍तुङ्‌बा आस्‍सारो, के़रे़क्‍नुःल्‍ले़ यरिक् आलुङ्‌माॽ स्‍याःत् के़लॽबा आस्‍सारो कुदक्‍ले़ङ्‌वाओ पाःत्तासाङ् मिःम्‍जिनु निङ्‌वाॽ इःत्तुङ्‌लो॥ खुने़ॽ कुलागि आलुङ्‌माॽ फ्‍याःङ्‌भ्‍याःङ् लॽरो, कुत्‍चाॽए आङ्‌गाॽ खुने़ॽ लुङ्‌माॽ तुक्‍तुङ्‌लो॥ आङ्‌गाॽ यहवे दाङ्‌बे़ल्‍ले़ पाःत्तुङ्‌लो॥

कलस्‍सि 2:1

खिनिॽ नु लाओदिकिया पाङ्‌जुम्‍बा सेसेहुप्‍लक् हे़क्‍क्‍याङ् वेॽ याप्‍मि मे़न्‍दुम्‍मे के़वाॽबा के़रे़क् फुॽनुसाॽहाॽरे़ लागि स्‍याङ्‌मे़न्‍दाङ् याःम्‍बक् चोगुङ्‌ङाङ् वाॽआ के़लॽबान् कुसिङ् निःत्ते़म्‍मे़ॽ फाॽआङ् निङ्‌वाॽ चोगुङ्‌लो॥

गलाति 4:19

आमिःम् आस्‍सासे, ख्रिस्‍ते़न् कुइसिःक्‍के खिनिॽ मे़म्‍बोङ्‌ङे थारिक् इङ्‌गाॽग आल्‍लो याम्‍मो सावाःम्‍मा तुङ्‌ङिल्‍ले़ तरुमा मे़न्‍छुमाॽ कुइसिक् पोःक्‍खाङ्‌ङाङ् वाॽआरो॥

गलाति 1:20

निङ्‌वाॽफुमाङ्‌ङिल्‍ले़ कुनिमाओ से़क्‍खा पान् मे़त्‍निङ्‌लो, इङ्‌गाॽ साप्‍तुङ्‌बा पाःन्‍हाॽ इङ्‌ले़क् मेःन्‍लो॥

२ कोरन्‍थि 7:15

हे़क्‍क्‍याङ् खिनिॽ इङ्‌जाङ्‌गे़म्‍बा के़बोःक्‍खिआङ् मिङ्‌सो इङ्‌धाङ्‌नु किमा यङ्‌माओ लाङ्‌गे़दाःक्‍तुम्‍बा पाःन्‍निन् निङ्‌वाॽ इतुर खिनिॽ ले़प्‍माङ् खुने़ॽ कुमिःम्‍जिन् पोर पत्‍लो॥

२ कोरन्‍थि 6:12

आनिगे लुङ्‌माॽ मे़दुक्‍कासिगे़म्‍बा मेःन्‍लो, कर खिनिॽने़ याप्‍मि लुङ्‌माॽ तुक्‍मा के़लरुम्‍ल के़बेगिआङ् के़वयिॽरो॥

लुका 1:78

हे़क्‍क्‍याङ् निङ्‌वाॽफुमाङ्‌ङिल्‍ले़ चुङ्‌जिगे़न् कुलुङ्‌गुम्‍मिल्‍ले़ चोगुल्‍ले़ साङ्‌ग्राम्‍पेदाङ्‌लाम् नाम्‍साङ्‌ङिन् आनिॽओ चुक्‍मा इःत्ते़रो॥

यसैया 63:15

साङ्‌ग्राम्‍पेदाङ्‌लाम् ओमे़त्ते़ॽओ, हे़क्‍क्‍याङ् के़रे़क्‍नुःल्‍ले़ केःम्‍बा नु सेसेदे़न् हे़क्‍क्‍याङ् मिमिदिङ्‌गे़न् हाङ्‌युक्‍नालाम्‍बा यो ओमये़ॽओ॥ खे़ने़ॽ के़सिक्‍सम्‍मान् नु के़मुक्‍साम्‍मिन् आत्ति पेबे? खे़ने़ॽ के़नःम्‍नःम् लॽमान् नु आनिगे याप्‍मि लुङ्‌माॽ के़दुक्‍ते़बान् आत्ति वाॽबे?

यसैया 16:11

आङ्‌गाॽ आनिङ्‌वान् मोआबरे़ कुलागि हे़क्‍क्‍याङ् आङ्‌गाॽ आसिक्‍लुङ्‌मे़न् किर-हरेसेतरे़ कुलागि अन्‍मे खिङ्‌मनाबा तुङ्‌नाःन् हे़क्‍के हाःप्‍ल हाःप्‍ल मे़रिङ् थक्‍लो॥

१ युहुन्‍ना 3:17

चाहाबा के़जोःक्‍पा काक् पाःन्‍हाॽ के़गप्‍पा मनाःल्‍ले़ नसानिबा फुॽनुसाॽ नु ने़ॽनुसाॽहाॽ चाहाबा मे़जोःक्‍काङ् मे़वाॽबा निसुसाङ् लुङ्‌माॽ मे़दुक्‍तुसिन्‍निल्‍ले़ आक्‍खेलॽरिक् खे़न् मनाओ निङ्‌वाॽफुमाङ्‌ङिल्‍ले़ कुमिःम्‍जिन् वाॽबे?

फिलेमोन 1:20

आन्‍साॽए, दाङ्‌बाओ खुने़ॽ लाङ्‌दाःक्‍ताङ् पिराङ्‌ङे़ॽ, हे़क्‍केलॽरिक् ख्रिस्‍तओ इङ्‌गाॽ हाङ्‌हाङ् मे़त्ताङ्‌ङे़ॽओ॥

१ थिस्‍सलोनिकि 2:5

आनिगे खिनिॽओ त्‍ये़ॽइगे़ल्‍ले़ आप्‍फाल्‍ले़आङ् मना के़ले़म्‍बा पान् मे़बाःत्तुम्‍बे़न् लॽरिक् खिनिॽ नुरिक्‍काङ् के़निसुम्‍लो॥ हे़क्‍क्‍याङ् खिनिॽ याङ्‌ङिन् आनिगे हुक्‍को थामा पाःन्‍हाॽआङ् मे़बाःत्तुम्‍बे़न्॥ खे़न् पाःन्‍हाॽरे़न् तोःन्‍दिग निङ्‌वाॽफुमाङ्‌ङिन्‍ने वाॽरो॥

कलस्‍सि 3:12

हे़क्‍केःल्‍ले़ निङ्‌वाॽफुमाङ्‌ङिल्‍ले़ सेगुसिबा मनाहाॽ, सेसे नु साॽरिक् लुङ्‌माॽ तुक्‍तुसिबाहाॽरे़, लुङ्‌दुक्‍किन्, लुङ्‌माॽ तुक्‍सिङ्‌मान्, नोनिङ्‌वाॽइन्, चुङ्‌जिगे़न् नःम्‍नःम् लॽमान् नु नासि थःप्‍मान् चाङ् कुइसिक् चाक्‍सिङ्‌मा पोङ्‌लो॥

फिलिप्‍पि 2:26

खुने़ॽ कुयाम् तुगे़बा पाःन्‍निन् खिनिॽ के़घे़प्‍सुम्‍बाओ खुने़ॽ साॽरिक् कुलुङ्‌माॽ योःन्‍दे़आङ् खिनिॽ तुम्‍मा साॽरिक् निङ्‌वाॽ चोगुआङ् वाॽरो॥

फिलिप्‍पि 2:1

ख्रिस्‍ते़न्‍नु थिक्‍हुप् के़बोःक्‍खिबालाम् हाङ्‌हाङ् के़लॽरिॽ, खुने़ॽ कुमिःम्‍जिलाम् सक्‍मा के़त्, सेसेमाङ्‌ङिन्‍नु तङ्‌जुम्‍मो के़वयिॽ, खिनिॽ सिक्‍लुङ्‌मोलाम् लुङ्‌माॽ के़दुक्‍कासिबाल्‍ले़ चोगुल्‍ले़

२ कोरन्‍थि 13:9

आनिगे मे़न्‍धुम्‍मना पोःक्‍खिगे़आङ् खिनिॽ से़क्‍खाए के़धुम्‍बा के़बोःक्‍खिल्‍ले़ सःत्तिगे़रो॥ आनिगे़ग खिनिॽ नसाःन्‍नो कुलिङ्‌दो के़गे़रिर फाॽआङ् तुवा चोगुम्‍बे़ॽरो॥

अयुब 16:19

आङ्‌गाॽ आलागि साखि के़बिबे़ङ्‌ग साङ्‌ग्राम्‍पेदाङ्‌ङो वाॽरो, खुने़ॽ आङ्‌गाॽ ले़प्‍माङ् पाःत्‍लो॥

गलाति 3:26

ख्रिस्‍त ये़सुओबा खिनिॽ नसाःन्‍लाम् के़रे़क् निङ्‌वाॽफुसा के़बोःक्‍खिआङ् के़वयिॽरो॥