खानिःत् 9:8 - लिम्‍बु

⁸ मोसाःल्‍ले़ खे़ङ्‌हाॽ मे़त्तुसि, “सप्‍फा हाङ्‌घे़म्‍मे़ॽ, यहवे दाङ्‌बे़ल्‍ले़ खिनिॽ याःम्‍बेओ थे़मा इङ्‌जाङ् के़बिरिॽ, आङ्‌गाॽ निङ्‌वाॽ खोसुङ्‌ल॥”

खानिःत् 9:8 Referans Kwoze

निङ्‌वाॽफु साम्‍लोसुम् 85:8

यहवे दाङ्‌बा निङ्‌वाॽफुमाङ्‌ङिल्‍ले़ पाःत्तुबान् आङ्‌गाॽ खे़प्‍सुङ्‌लो, आनिॽ कुमनाहाॽ ताप्‍फे़ःम्‍बा पाःन्‍नो आम्‍बत्‍ने़न्‍ने़भग्र खुने़ॽ कुसेसे मनाहाॽ सनारुङ् पिमासि माङ्‌हुप् चोगुरो॥

खानिःत् 27:5

मोसाःल्‍ले़ खे़ङ्‌हाॽरे़ खुन्‍छिॽ लुङ्‌हान् पाःन्‍निन् यहवे दाङ्‌बाओ तारु॥

१ कोरन्‍थि 11:23

थेआङ्‌भे़ल्‍ले़ दाङ्‌बालाम् खोसुङ्‌बा निसाम्‍मिन् खिनिॽ पिनिङ्‌ङाङ् वाॽआरो—दाङ्‌बा ये़सुन् इङ्‌ले़क्‍ते़बा से़न्‍दिक् खुने़ॽ खरे़ःङ्‌ङिन् खप्‍सु,

१ कोरन्‍थि 4:4

इङ्‌गाॽ थे़माआङ् फे़त्‍मे़ल्‍लाःन्‍ने वाॽआ के़लॽबाग निङ्‌वाॽ कत्तुङ्, हे़क्‍केसाङ् इङ्‌गाॽ फोत्‍या मेःन्‍नेबा चोःक्‍का के़लॽबाग मेःन्‍लो॥ दाङ्‌बाल्‍ले़ए इङ्‌गाॽ खासे़न् लोःन्‍नारो॥

सेःक्‌युक्‍मिबाहाॽ 20:27

थेआङ्‌भे़ल्‍ले़ इङ्‌गाॽग निङ्‌वाॽफुमाङ्‌ङिल्‍ले़ काक् कुनिङ्‌सेक् इङ्‌भन्‌ चोःक्‍मा एगाङ् मे़म्‍बप्‍पे़न्‍लो॥

युहुन्‍ना 17:8

खे़ने़ॽ के़बिराङ्‌बा काक् पाःन्‍हाॽ खे़ङ्‌हाॽ पिरुङ्‌सिङ्‌ङाङ् मे़वाॽ हे़क्‍क्‍याङ् खे़ङ्‌हाॽरे़आङ् मे़दाःक्‍तुआङ् मे़वाॽरो॥ खे़ङ्‌हाॽरे़ इङ्‌गाॽ खे़ने़ॽलाम् त्‍याङ्‌बा फाॽआङ् से़क्‍खाए मे़निसुआङ् मे़वाॽ हे़क्‍क्‍याङ् इङ्‌गाॽ के़बाङ्‌घाङ्‌बान् नसान् मे़जोगुआङ् मे़वाॽरो॥

युहुन्‍ना 7:17

आत्तिन् मनाःल्‍ले़ निङ्‌वाॽफुमाङ्‌ङिल्‍ले़ कुनिङ्‌वाॽ हे़क्‍के चोःक्‍मा निङ्‌वाॽ चोगुॽ, खे़ल्‍ले़ इङ्‌गाॽ आनिसाम्‍मिन् निङ्‌वाॽफुमाङ्‌लाम्‍बा त्‍ये़बाबि इङ्‌गाॽ आबाङे पाःत्तुङ्‌बाबि फाॽआङ् कुसिङ् निःत्तुॽरो॥

इजकिएल 3:17

“नासिगे़न् थक्‍ला के़गप्‍पा मनाए, आङ्‌गाॽ खे़ने़ॽ इस्राइलि सुवाङ्‌हाॽ ओगे़मे़प्‍पा चोःक्‍ने़आङ् वाॽ॥ आप्‍फाल्‍ले़साङ् आङ्‌गाॽलाम् खे़ने़ॽओ इङ्‌घङ् के़त्तिल्‍ले़ खे़ने़ॽ खिमो मनाहाॽ साम्‍दिङ् पिरे़से़ॽ॥

इजकिएल 2:7

खे़ङ्‌हाॽरे़ मे़घे़प्‍सुग्र मे़घे़प्‍सु मे़ङ्‌घे़प्‍सुङ्‌ग्र मे़ङ्‌घे़प्‍सुन् आङ्‌गाॽ आइङ्‌घङ्‌ङिन् खे़ङ्‌हाॽ खे़ने़ॽ के़मे़त्तुसिरए पोङ्‌ॽ॥ कर खे़ङ्‌हाॽरे़ मे़ङ्‌घे़प्‍सुन्‌ॽ, थेआङ्‌भे़ल्‍ले़ खे़ङ्‌हाॽ के़रे़क् पिफ्‍युङ्‌बा मे़जोक्!

निङ्‌वाॽफु साम्‍लोसुम् 25:14

यहवे दाङ्‌बाङ्‌ग खुने़ॽ मिङ्‌सो इङ्‌धाङ् के़बिबाहाॽरे़ खुनिॽ चुम्‍लो, खुने़ॽ खे़ङ्‌हाॽ कुमाङ्‌हुप्‍पिन् हुॽरुसिरो॥

२ साप्‍मुःन्‍धुम् 20:17

कन् थङ्‌ङिन् खिनिॽ थक्‍मा मे़बोङ्‌ने़न्॥ पे़न्‍बे़न् थे़ःक्‍पे़त् पे़न्‍नासिम्‍मे़ॽआङ् हाङ्‌घाम्‍मे़ॽआङ् ये़बे़म्‍मे़ॽ॥ यहवे दाङ्‌बे़ल्‍ले़ खिनिॽ ताङ्‌गे़से़ःप्‍तिबा याःम्‍बक्‍किन् खिनिॽ निमा के़घोसुम्‌ॽ॥ मे़गिसे़म्‍मिन्‍ने़ॽआङ् खिनिॽ यङ्‌माआङ् मे़गे़रे़म्‍मिन्‍ने़ॽ॥ ताःन्‍दिक् खे़ङ्‌हाॽनु थक्‍से़ खिनिॽ लःन्‍दे़म् फे़रे़म्‍मे़ॽ, थेआङ्‌भे़ल्‍ले़ यहवे दाङ्‌बे़न् खिनिॽ ले़प्‍माङ् वाॽ॥’”

लाम्‍दिक् 14:13

मोसाःल्‍ले़ इस्राइलिहाॽ मे़त्तुसि, “खिनिॽ मे़गिसे़म्‍मिन्‍ने़ॽ, हाङ्‌हाङ् लॽरे़म्‍मे़ॽ, हे़क्‍क्‍याङ् आइन् यहवे दाङ्‌बे़ल्‍ले़ खिनिॽ ताङ्‌गे़से़ःप्‍तिबान् ओमे़त्ते़म्‍मे़ॽ॥ खिनिॽ आइन् के़निसुम्‍सिम्‍बा कन् मिस्रिहाॽ याम्‍मो आभे़ल्‍ले़आङ् के़न्‍निसुम्‍सिम्‍मिन्‌ॽ॥

लाम्‍दिक् 18:15

मोसाःल्‍ले़ मे़त्तु, “आङ्‌गाॽ अक्‍खेए चोःक्‍मा पोङ्‌ॽ थेआङ्‌भे़ल्‍ले़ मनाहाॽ आङ्‌गाॽओ निङ्‌वाॽफुमाङ्‌ङिल्‍ले़ कुनिङ्‌वाॽ कुसिङ्‌निःत्‍छे़ मे़दाःॽ॥

खानिःत् 9:7

खे़न् मनाहाॽरे़ मोसान् मे़मे़त्तु, “के़सिबा मनाःल्‍ले़ कुजेन् आनिगे सुसुम्‍बे़आङ् आसुत्‍थो पोःक्‍खिगे़आङ् वयिगे़॥ निःन्‍धो के़बोङ्‌बा ये़न्‍नो आनिगे इस्राइलिहाॽनु सोसोरिक् यहवे दाङ्‌बाओ आनिगे सिदुङ्‌जभान् थेआङ् तोःम्‍मा मे़घोसुम्‍बे़न्‍बाबे?”

खानिःत् 9:9

खे़ब्‍याङ् यहवे दाङ्‌बे़ल्‍ले़ मोसान् मे़त्तु,

खानिःत् 15:34

खे़न् खुम्‍दिङ् पिमा के़बोङ्‌बा थिम्‍मिन् खे़ङ्‌हाॽरे़ निङ्‌वाॽ मे़ङ्‌गत्तुम्‍बाल्‍ले़ चोगुल्‍ले़ खे़ङ्‌हाॽरे़ खे़न् मनान् मे़साक्‍तु मे़युक्‍खु॥

ले़बि 24:12

यहवे दाङ्‌बे़ल्‍ले़ कुनिङ्‌वान् खे़ङ्‌हाॽरे़ निङ्‌वाॽ मे़ङ्‌घोए थारिक् खे़न् मे़साक्‍तु मे़गत्तु॥