खानिःत् 9:7 - लिम्‍बु

⁷ खे़न् मनाहाॽरे़ मोसान् मे़मे़त्तु, “के़सिबा मनाःल्‍ले़ कुजेन् आनिगे सुसुम्‍बे़आङ् आसुत्‍थो पोःक्‍खिगे़आङ् वयिगे़॥ निःन्‍धो के़बोङ्‌बा ये़न्‍नो आनिगे इस्राइलिहाॽनु सोसोरिक् यहवे दाङ्‌बाओ आनिगे सिदुङ्‌जभान् थेआङ् तोःम्‍मा मे़घोसुम्‍बे़न्‍बाबे?”

खानिःत् 9:7 Referans Kwoze

साम्‌योथिम् इङ् 16:2

आत्तिन् ते़न्‍निन् यहवे दाङ्‌बा आप्‍फेक् कुमिङ्‌ले़ लागि युङ्‌दे़न् सेगुॽ, आम्‍भा खे़प्‍मोए यहवे दाङ्‌बा खिनिॽ निङ्‌वाॽफुमाङ्‌ङिल्‍ले़ कुलागि मे़ल्‍लुक् मे़ःन्‍दा नु पित्‍थक्‍साहाॽलाम् चोःक्‌युम्‍भो तङ्‌नाम्‍बा सिदुङ्‌जभा तोःन्‍दे़म्‍मे़ॽ॥

खानिःत् 9:2

“इस्राइलिहाॽरे़ निःन्‍धो के़बोङ्‌बा ये़म्‍मो चोःक्‌युम्‍भो खोमा तङ्‌नाम् मे़दोसुर॥

लाम्‍दिक् 12:27

खे़ब्‍याङ् खे़ङ्‌हाॽ अक्‍खे मे़त्ताम्‍सिम्‍मे़ॽ, ‘कन् यहवे दाङ्‌बे़न् मिङ्‌सो इङ्‌धाङ् पिमनाआङ् तोःम्‍मनाबा काःक्‍माआङ् ले़प्‍मनाबा वयागे़न् सिदुङ्‌जभा तङ्‌नाम्‍लो थेआङ्‌भे़ल्‍ले़ खुने़ॽ मिस्रओ के़ने़बा इस्राइलिहाॽरे़ खुन्‍छिॽ हिम्‍हाॽ काःक्‍तुआङ् पेःल्‍ले़ खुने़ॽ मिस्रिहाॽ स्‍ये़रुसि करसाङ् आनिॽ इस्राइलिहाॽ आदाङ्‌घे़आङ् वये़॥’” खे़ब्‍याङ् इस्राइलिहाॽ थुङ्‌बोहजॽ मे़युङ्‌सिङ्‌ङाङ् यहवे दाङ्‌बान् माङ्‌से़वा मे़मे़त्तु॥

खानिःत् 9:6

कर मना के़सिबा चेःन् मे़सुसुआङ् आसुत्‍थो के़बोङ्‌बा यरिक्‍तङ्‌बा मनाहाॽ मे़वये़, खे़ङ्‌हाॽरे़ खे़ल्‍ले़ याःन्‍दिक् चोःक्‌युम्‍भो तङ्‌नाम् तोमा मे़न्‍छुक्‍तुन्॥ खे़ङ्‌हाॽ आम्‍भा खे़ल्‍ले़ याःन्‍दिक् मोसान् नु हारुने़ल्‍ले़ खुन्‍छिॽ पेसाङ् मे़द्‌ये़॥

खानिःत् 9:8

मोसाःल्‍ले़ खे़ङ्‌हाॽ मे़त्तुसि, “सप्‍फा हाङ्‌घे़म्‍मे़ॽ, यहवे दाङ्‌बे़ल्‍ले़ खिनिॽ याःम्‍बेओ थे़मा इङ्‌जाङ् के़बिरिॽ, आङ्‌गाॽ निङ्‌वाॽ खोसुङ्‌ल॥”