खानिःत् 8:16 - लिम्‍बु

¹⁶ इस्राइलिहाॽरे़ खुन्‍छिॽ लुम्‍मोलाम् खे़ङ्‌हाॽ के़रे़क्‍के आङ्‌गाॽओ मे़दोन्‍दुसिबारो॥ इस्राइलिहाॽरे़ खुन्‍छिॽ तुम्‍बा साहाॽरे़ खुन्‍छिॽ ले़क्‌वाओ आङ्‌गाॽ आप्‍फेक् आमना हे़क्‍के खे़ङ्‌हाॽ ताःक्‍तुङ्‌सिङ्‌ङाङ् वाॽआ॥

खानिःत् 8:16 Referans Kwoze

खानिःत् 3:12

“ओमे़त्ते़ॽ, इस्राइलिहाॽओ तुम्‍बा सागे़वाःन्‍छिङ्‌बा ये़म्‍बित्‍छा साहाॽरे़ खुन्‍छिॽ ले़क्‌वाओ आङ्‌गाॽ इस्राइलिहाॽरे़ खुन्‍छिॽ लुम्‍मोलाम् ले़बिहाॽ सेगुङ्‌सिङ्‌ङाङ् मे़वाॽ॥ कल्‍ले़चोगुल्‍ले़ ले़बिहाॽ आङ्‌गाॽ आमनासि,

खानिःत् 3:45

“इस्राइलिहाॽरे़ खुन्‍छिॽ तुम्‍बा साहाॽरे़ खुनिॽ ले़क्‌वाओ ले़बिहाॽ नु खे़ङ्‌हाॽरे़ खुन्‍छिॽ पित् थक्‍साहाॽरे़ ले़क्‌वाओ ले़बिहाॽरे़ खुन्‍छिॽ पित्‍थक्‍साहाॽ तेॽरे़से़ॽ॥ ले़बिहाॽ आङ्‌गाॽइन् मे़बोङ्‌ॽ॥ आङ्‌गाॽ यहवे दाङ्‌बाआ॥

खानिःत् 3:9

हारुने़न् नु खुने़ॽ कुस्‍साहाॽरे़ लागि ले़बिहाॽ पिरे़से़ॽ॥ खे़ङ्‌हाॽ इस्राइलबा मनाहाॽरे़ खुनिॽ लुम्‍मोलाम् खुन्‍छिॽ फाॽमासिरे़ लागि के़ये़क्‍पा याःम्‍बक् मे़बिरुसिआङ् वाॽ॥

लाम्‍दिक् 13:2

“तगि सागे़वाःन्‍छिङ्‌बा के़रे़क् अङे़ःक्‌वाहाॽ नु पित् थक्‍साहाॽरे़ मे़धाप्‍तुसिबा पित्‍सात्‍हाॽ आङ्‌गाॽओ तोःन्‍दे़म्‍सिम्‍मे़ॽ थेआङ्‌भे़ल्‍ले़ इस्राइलबा के़रे़क् तुम्‍बा साहाॽ नु पित् थक्‍साहाॽरे़ मे़धाप्‍तुसिबा थिक्‍सिगेक्‍पा पित्‍सात्‍हाॽ आङ्‌गाॽए़न्‍छिरो॥”

खानिःत् 3:6

“ले़बिःल्‍ले़ कुधाःक्‍किन् कप्‍मो निःत्ताङ् तारे़से़ॽ॥ हे़क्‍क्‍याङ् खे़ङ्‌हाॽ निङ्‌वाॽफुसाम्‍बा हारुने़ल्‍ले़ कुबेसाङ् ये़प्‍से़से़ॽ, खे़ब्‍याङ् खे़ङ्‌हाॽ खुने़ॽ कुभाॽबाङ् मे़बोङ्‌ङाङ् खुने़ॽ मे़भाॽरुर॥

खानिःत् 3:13

थेआङ्‌भे़ल्‍ले़ तगि सागे़वाःन्‍छिङ्‌बाहाॽ के़रे़क् आङ्‌गाॽइन्‍सिरो॥ मिस्र लाजेॽओ तगि सागे़वाःन्‍छिङ्‌बाहाॽ के़रे़क् से़रुङ्‌सिङ्‌बा ये़न्‍नो आङ्‌गाॽ इस्राइलबा तगि सागे़वाःन्‍छिङ्‌बा मना नु तगि के़धाप्‍पा थक्‍सा के़रे़क् आङ्‌गाॽ आलागि से़न्‍दुङ्‌सिङ्‌ङाङ् वयाङ्॥ खे़ङ्‌हाॽ आङ्‌गाॽहाॽरो॥ आङ्‌गाॽ यहवे दाङ्‌बाआरो॥”