Biblia Todo Logo
Bib sou entènèt

- Piblisite -




खानिःत् 6:26 - लिम्‍बु

26 यहवे दाङ्‌बाल्‍ले़ कुजित्‍लि नारान् खिनिॽ सम्‍धाङ् हिसुररो, हे़क्‍क्‍याङ् खुने़ॽ नुॽमा तामा सनारुङ् के़बिरिररो॥’”

Gade chapit la Kopi




खानिःत् 6:26
24 Referans Kwoze  

यरिक्‍ले़ अक्‍खे मे़बाःत्तुरो, “हाःत्‍ले़ आनिगे नुबा पाःन्‍हाॽ पिमा सुक्‍तिगे़बे?” यहवे दाङ्‌बाए, खे़ने़ॽ के़नाराओबा ओःत्तिःन् आनिगे सम्‍धाङ् ओःत्‍लरो॥


आल्‍ल सनारुङ् दाङ्‌बाल्‍ले़ काक् परिक्‍लाम् चक्‍मे़ल्‍लॽए सनारुङ् के़बिरिर॥ दाङ्‌बाङ्‌ग खिनिॽ के़रे़क्‍नु वाॽररो॥


यहवे दाङ्‌बे़ल्‍ले़ आबाङे कुमनाहाॽ मुक्‍साम् पिरुसिरो, हे़क्‍क्‍याङ् यहवे दाङ्‌बे़ल्‍ले़ आबाङे कुमनाहाॽ सनारुङ् हाङ्‌वागे़न् मुॽइसाम् पिरुसिरो॥


खिनिॽ नसाःन्‍निल्‍ले़ चोगुल्‍ले़ निङ्‌साङ् के़बिबा निङ्‌वाॽफुमाङ्‌ङिल्‍ले़ साॽरिक् के़सःप्‍पा के़जोगिर हे़क्‍क्‍याङ् सनारुङ् के़बिरिर फाॽआङ् तुवा चोःक्‍का, हे़क्‍केलॽरिक् सेसेमाङ्‌ङिल्‍ले़ कुमुक्‍साम्‍लाम् यरिक् निङ्‌साङ् के़गप्‍पा के़जोगिररो॥


इङ्‌गाॽओ खिनिॽ सनारुङ् के़घोसुम्‍लरो फाॽआङ् कन् के़रे़क् पाःन्‍हाॽ मे़त्‍निङ्‌ङाङ् वाॽआरो॥ कन् इक्‍सादिङ् खाम्‍बेःक्‍मो यरिक् इनोगे़न् तुक्‍खेहाॽ के़दुमुम्‍लो॥ कर हाङ्‌हाङ् लॽरे़म्‍मे़ॽओ, थेआङ्‌भे़ल्‍ले़ इङ्‌गाॽ कन् इक्‍सादिङ् खाम्‍बेःक्‍मान् नाःन्‍दुङ्‌ङाङ् वाॽआरो॥”


याम्‍मो हिङ्‌ङा फाॽआङ् खे़ने़ॽ ओसेःन्‍गे़धाक्‍ताङ्‌ङाङ् वाॽरो॥ हे़क्‍क्‍याङ् खे़ने़ॽ के़दगाङ् वाॽआल्‍ले़ सःप्‍माल्‍ले़ के़धिम्‍आरो॥’


आत्तिल्‍ले़ कुनिङ्‌वान् खे़ने़ॽओ इगेःक् लॽआङ् पत्, खे़न् मनान् नुरिक्‍काङ् सनारुङ्‌ङो के़गत्तुरो, थेआङ्‌भे़ल्‍ले़ खे़न् मनाःल्‍ले़ कुनिङ्‌वान् खे़ने़ॽओ युक्‍खुआङ् वाॽरो॥


सनारुङ् के़बिबा निङ्‌वाॽफुमाङ्‌ङिन् खिनिॽ के़रे़क्‍नु वाॽररो॥ आमे़न्॥


ये़सुरे़ खे़ङ्‌हाॽ याम्‍मो मे़त्तुसि, “सनारुङ् के़घोसुम्‍लरो! पानुदिङ् पाःल्‍ले़ इङ्‌गाॽ पाङ्‌घाङ्‌बा कुइसिक् खिनिॽआङ् इङ्‌गाॽ पाङ्‌निङ्‌ल पत्तारो॥”


थेआङ् आङ्‌गाॽ आनिङ्‌वाॽ ताॽजे़ङ्‌बाबे? आङ्‌गाॽ थेआङ् अक्‍खेलॽरिक् आसक्‍मा हिःक्‍हिःक् लॽबाबे? आङ्‌गाॽग निङ्‌वाॽफुमाङ्‌ङिन् ओमे़त्तुङ्‌लो, हे़क्‍क्‍याङ् याम्‍मोआङ् आसे़न्‍लप्‍दाङ्‌बा नु आनिङ्‌वाॽफुमाङ्‌ङिन् कुनारा फोसुङ्‌लो॥


हे़क्‍क्‍याङ् मे़न्‍छाम् निङ्‌वाॽरे़ कुसिङ् निःप्‍मा सुक्‍मे़न्‍दे़प्‍मनाबा निङ्‌वाॽफुमाङ्‌ङिल्‍ले़ कुसनारुङ्‌ङिल्‍ले़ए खिनिॽ सिक्‍लुङ्‌मा नु निङ्‌वाॽइन् ख्रिस्‍त ये़सुओ ताङ्‌से़ःप्‍तुॽरो॥


“साङ्‌ग्राम्‍पेदाङ्‌ङोबा निङ्‌वाॽफुमाङ्‌ङिल्‍ले़ कुमिमिदिङ् पोङ्‌ल, हे़क्‍क्‍याङ् इक्‍सादिङ् खाम्‍बेःक्‍मो लुङ्‌माॽ तुक्‍तुसिबा मनाहाॽरे़ सनारुङ् मे़घोसुररो॥”


इस्राइल लाजेॽओ मे़रिङ् के़धक्‍पाहाॽरे़ खुन्‍छिॽ मुराओ नाराफोमा पाःन्‍हाॽ लःप्‍मारे़ लागि, माःङ्‌घा नु निःत्ताङ् के़युङ्‌बाहाॽरे़ ने़प्‍माङ् सनारुङ् नुॽमा तामा पोङ्‌लरो, आङ्‌गाॽ आमनाहाॽ वेःन्‍दुङ्‌सिङ्‌लो” यहवे दाङ्‌बे़ल्‍ले़ पाःत्तुरो॥


यहवे दाङ्‌बाए, खे़ने़ॽ आनिगे लागि सनारुङ् याप्‍मि के़बिरो, खे़न् आनिगे कुलिङ्‌दो के़रे़र खोसुम्‍बे़आङ् वयिगे़रो, आनिगे लागि खे़ङ्‌हाॽ के़रे़क् खे़ने़ॽए के़जोगुबारो॥


खे़ने़ॽ के़नारा फोमा के़हुॽसिङ्‌बा मे़न्‍छाम् याप्‍मिहाॽग मुॽइसाबासिरो, यहवे दाङ्‌बाए, खे़ङ्‌हाॽग खे़ने़ॽ के़ओःत्तिओ लाङ्‌मे़घेःक्‍लो॥


आप्‍तिक् मेःन्‍नेबा मनान् निङ्‌वाॽ इःत्ते़ॽओ, हे़क्‍क्‍याङ् कुदोःप्‍मा मनान् ओमे़त्ते़ॽओ, मे़ङ्‌घेमना मे़न्‍धक्‍मना मनाःल्‍ले़ कुस्‍साकुए मे़वाॽरो॥


आल्‍ल निङ्‌वाॽफुमाङ्‌ङिल्‍ले़ सनारुङ्‌ले़न् सुनाइङ्‌ङिन् काक् इस्राइलिहाॽरो पाङ्‌घुरो॥ खे़न् सुनाइङ्‌ङिङ्‌ग यहुदिहाॽरे़न्‍लक् मेःन्, कर आनिॽ के़रे़क्‍ले़ लागि दाङ्‌बा ये़सु ख्रिस्‍तलाम् त्‍ये़आङ् वाॽरो॥


ये़त्‍छि ये़न् एगाङ् हुॽसाम्‍बाहाॽ याम्‍मो हिम्‍सिगाङ् मे़जुप्‍से़आङ् मे़युङे़॥ कन् ये़म्‍मो थोमाःन्‍नाङ् वये़, लाम्‍धेःप्‍पे़न् सिगाङ्‌लाम् मे़सुबुआङ् पत्‍छे़साङ् खुनिॽ लुम्‍मोए ये़सुन् थाःम्‍सिङ्‌ल, “सनारुङ् के़घोसुम्‍लरो” मे़त्तुसि॥


“इङ्‌गाॽ सनारुङ्‌ङिन् खिनिॽनु पक्‍थाङ्‌लो, आसनारुङ्‌ङिन् खिनिॽ पिनिङ्‌लो॥ कङ्‌ग इक्‍सादिङ् खाम्‍बेःक्‍माल्‍ले़ के़बिरिबा हे़क्‍केग मे़बिनिङ्‌ङिन्‍लो॥ खिनिॽ निङ्‌साम्‍मो मे़ध्‍ये़म्‍मिन्‍ने़ॽ हे़क्‍क्‍याङ् मे़गिसे़म्‍मिन्‍ने़ॽओ॥


हे़क्‍क्‍याङ् खुने़ॽ खे़ङ्‌हाॽरे़ खुन्‍छिॽ नुॽमादामारे़ कुबुङ् पोङ्‌लो॥ आल्‍ल अस्‍सुरिहाॽरे़ आनिॽ लाजेन् मे़लिसु मे़दारुल्‍ले़ हे़क्‍क्‍याङ् आनिॽ थेःक्‍सिङ्‌मा हाङ्‌यक्‍हाॽ मे़लुःन्‍दुल्‍ले़ खे़ङ्‌हाॽरे़ खुन्‍छिॽ तक्‍ले़ङ्‌वाओ नुसि मे़ल्‍लुक्‍कम्‍बाहाॽ इग्र ये़त्‍छि लाम्‍लोबाहाॽ आनिॽ आभोःक्‍खुम्‍सिम्‍लो॥


के़मनाहाॽरे़ लाजेन् फे़जाःल्‍ले़ मे़नाःन्‍दुबा मेःन्‍लो हे़क्‍क्‍याङ् आबाङे मे़धुम्‍दे़आङ् मे़नाःन्‍दुबाआङ् मेःन्‍लो कर के़मुक्‍साम् नु के़धुम्‍मिल्‍ले़ मे़नाःन्‍दुबारो॥ हे़क्‍क्‍याङ् खे़ने़ॽ खुन्‍छिॽनु के़वाॽ के़लॽबा ने़हिनिङ्‌वाॽरे़ निःन्‍धो मे़गत्तुबाल्‍ले़ चोगुल्‍ले़ थङ् मे़नाःन्‍दुबारो, थेआङ्‌भे़ल्‍ले़ खे़ङ्‌हाॽ खे़ने़ॽ लुङ्‌माॽ के़दुक्‍तुसिरो॥


फुॽनुसाॽ नु ने़ॽनुसाॽसे, पानुदिङ् पा निङ्‌वाॽफुमाङ्‌ङिन् नु दाङ्‌बा ये़सु ख्रिस्‍तरे़ सनारुङ् के़बिरिर हे़क्‍क्‍याङ् ख्रिस्‍ते़न् चक्‍मे़ल्‍लॽए नसान् चोःक्‍मा नु खिनिॽ लुम्‍मो लुङ्‌माॽ तुक्‍सिङ्‌मा के़सुक्‍पा के़बोःक्‍खिररो॥


खे़ल्‍ले़चोगुल्‍ले़ नसान् आजोगुम्‍बाल्‍ले़ आप्‍तिक् मेःन्‍नेबा आबोःक्‍खे़आङ् आनिॽ दाङ्‌बा ये़सु ख्रिस्‍तलाम्‍बा निङ्‌वाॽफुमाङ्‌ङिन्‍नु आनिॽ नादङ् पोःक्‍खे़आङ् वाॽरो॥


Swiv nou:

Piblisite


Piblisite