खानिःत् 6:20 - लिम्बु20 हे़क्क्याङ् निङ्वाॽफुसाम्बे़ल्ले़ खे़न् थाःङ् पङ्मनाबा सिदुङ्जभा कुइसिक् यहवे दाङ्बे़ल्ले़ कुदगि खे़न् थाःङ् पक्खुर॥ कन्हाॽ नु थाःङ् पङ्मनाबा सा सङ्बप्मान् हे़क्क्याङ् तोःम्मनाबा कुलाङ्भे़ल्ले़क्मान् निङ्वाॽफुसाम्बे़ल्ले़ कुलागि सेसेबा कुघोमा लक् पोङ्ॽ॥ खे़न् एगाङ् खे़न् नाजिरिहाॽरे़ चे़ल्ले़क्सेॽ सेजङ्वान् मे़धुङुल्ले़ नुॽ॥ Gade chapit la |
खानिःत् 6:20
24 Referans Kwoze
मुक्साम्दाङ्बा यहवे दाङ्बे़ल्ले़ खे़ङ्हाॽ ताङ्से़ःप्तुसिरो हे़क्क्याङ् खे़ङ्हाॽरे़ निङ्मिहाॽ खाप्पुथ्यःङ् मे़जोगुसिरो, हे़क्क्याङ् अर्दोओबा लुङ्हाॽरे़ खे़ङ्हाॽ मे़नाःन्दुसिरो॥ खे़ङ्हाॽरे़ सोसोत्लराङ्ङो मे़ज मे़धुङुरो हे़क्क्याङ् मयुसिबा कुइसिक् मे़अःक्लो॥ खे़ङ्हाॽ ले़त्ति तोःम्मादे़न्निल्ले़ कुसुक्पाहाॽओ सामाक्खिॽ साङ्मा छे़ःङ्ग्यान् तिम्बा हे़क्के माक्खिल्ले़ ले़ःक्तुसिरो॥
हे़क्क्याङ् यहवे दाङ्बे़ल्ले़ कुमे़ल्लुङ् हुङुआङ् थे़ॽरुसिबाहाॽ मे़नुःङ् मे़भे़न्लो॥ खे़ङ्हाॽ साम्मे़लोर यरुसले़म ये़क्यक्को मे़लाःत्लो, सदादिङ् के़वाॽबा सःप्मान् खे़ङ्हाॽरे़ खुन्छिॽ तिच पोङ्लो॥ खे़ङ्हाॽ आभे़ल्ले़साङ् मे़सःत् मे़येःत्लो, हे़क्क्याङ् निङ्वाॽ तुक्मा मे़रिङ् थक्मा मे़बोङ्ने़ल्लो॥”
मिओलाम् तोःम्मनाबा सिदुङ्जभाहाॽरे़ कुसोःत्तिन्नु सोसोरिक्, तोःम्मनाबा कुलाङ्भे़ल्ले़क्मान् नु पङ्मनाबा कुसङ्बप्मे़न् यहवे दाङ्बे़ल्ले़ कुदगि थाःङ् पङ्मनाबा सिदुङ्जभारे़ लागि खे़ङ्हाॽरे़ मे़दारुर, हे़क्क्याङ् यहवे दाङ्बे़ल्ले़ इङ्जाङ् चोगुबा कुइसिक् खे़ने़ॽ नु खे़ने़ॽ के़स्सा के़एहाॽरे़ लागि खे़ङ्हाॽ सदादिङ्ले़ लागि खोमा युक् पोङ्ॽ॥”
“‘नाजिरिहाॽरे़ चोःक्मा के़बोङ्बा माङ्हुप्पिल्ले़ लागि थिम् आम्भा कन्लो॥ खे़ङ्हाॽ आप्फेक् मे़दोःन्छिङ्बा कुइसिक् यहवे दाङ्बाओ तोःम्मा के़बोङ्बा सिदुङ्जभान् हाबा कन्लो॥ खे़ङ्हाॽरे़ मे़सुक्तुने़भग्र कुयोॽबा सिदुङ्जभाहाॽआङ् ताःप्मा मे़सुक्तुॽ॥ खे़ङ्हाॽरे़ खुन्छिॽ मे़जोगुबा माङ्हुप्पिन् नाजिरि थिम् कुइसिक् खे़ङ्हाॽरे़ के़रे़क् इःप्मा नाःप्मा पोङ्लो॥’”
Piblisite