आनिगे सुभाहाॽनु थिक्हुप् पोःक्खिगे़आङ् यहवे दाङ्बा आनिगे निङ्वाॽफुमाङ्ङिल्ले़ कुसे़वारोबा मोसालाम् पिरिगे़बा साम्योथिम् इङ्जाङ् कुइसिक् कुसाम्योथिम् इङ्जाङ्हाॽ नु कुइङ्दत्हाॽ इःत्तुम्बे़ नाःत्तुम्बे़ फाॽआङ् माङ्हुप् चोगुम्बे़॥ कन् माङ्हुप्पिन् फेःन्दुम्बे़ने़भग्र आनिगे निङ्वाॽफुमाङ्ङिल्ले़ कुसाङ्ग्रा कुघुम्दिङ्ङिल्ले़ ते़त्तिगे़ररो॥
खानिःत् 5:21 - लिम्बु21 (कन् ये़म्मो, निङ्वाॽफुसाम्बे़ल्ले़ खे़न् मे़न्छुमान् माङ्दे साङ्ग्राबा माङ्हे़क् चोःक्मा पाङ्घुर) “यहवे दाङ्बे़ल्ले़ खे़ने़ॽ कुस्सा मे़न्याक्मनामा नु खे़ने़ॽ के़साप्पोक् के़धङ्मा के़जोःक्किल्ले़, खुने़ॽ खे़ने़ॽ के़मनाहाॽरे़ खुन्छिॽ लुम्मो माङ्दे साङ्ग्रा के़दाःप्मा नु चिःत्ते़ स्ये़मा के़जोःक्ल॥ Gade chapit la |
खानिःत् 5:21
9 Referans Kwoze
हाबा खे़न् ये़म्मो यहोसुःल्ले़ खे़ङ्हाॽ माङ्हे़क् चाःत्तुसिआङ् अक्खे पाःत्तुरो, “कन् यरिहो ये़क्यक्किन् चोःक्मारे़ लागि आत्तिन् ये़म्सिङ्ॽ, यहवे दाङ्बे़ल्ले़ कुदगि खे़न् साङ्ग्रा माङ्देरे़ ते़त्तुररो॥ कल्ले़ कुबुङ् युक्खुल्ले़ खे़ल्ले़ खुने़ॽ कुस्सा तुम्बे़न् सिरो, खे़ल्ले़ कुस्सा फोःक्वाःल्ले़ कुमे़न्नो कप्मोबा यम्बा लाम्धेःप्पान् ये़म्सिङ्लो॥”
यरुसले़ःम्लाम्बा मे़दे़म्सुसिआङ् बेबिलोनओ मे़देॽरुसिबा मनाहाॽरे़ खे़प्मो आत्तिन्हाॽसाङ् साङ्ग्रा माङ्दे मे़प्मासि निङ्वाॽ मे़जोगुल्ले़ खे़ङ्हाॽरे़ अक्खे मे़बाःत्तुॽ, ‘बेबिलोनबा हाङ्ङिल्ले़ कुहिङ्वे़त् मिधिक्खुसिबा सिदकियाहःन् नु आहाबबे़न् कुइसिक् यहवे दाङ्बे़ल्ले़ खे़ने़ॽआङ् के़मे़त्लरो॥’
आल्ल खुने़ॽ खे़न् मे़न्छुमान् च्वाःत् थुङ्मा पाङ्घुल्ले़, खे़न् फे़त्लाॽरे़आङ् वाॽ हे़क्क्याङ् खे़ल्ले़ खुने़ॽ कुये़म्बाःल्ले़ कुदक्ले़ङ्वाओ फे़न्याःम्बक् चोगुआङ् वाॽने़भग्र, खे़न् माङ्दे के़दाःप्पा च्वाःत्तिन् खुने़ॽ कुसाप्पोःक्को लाःत्ताङ् साॽरिक् थःप्माए मे़सुक्तुन्ल थारिक् तुक्॥ खे़ल्ले़ कुसाप्पोःक्किन् थङ्दुॽ हे़क्क्याङ् खे़ल्ले़ कुस्सा मे़न्याक्मनामा पोङ्ॽ, हे़क्क्याङ् खे़न् मे़न्छुमान् खुने़ॽ कुमनाहाॽरे़ खुन्छिॽ लुम्मो माङ्दे साङ्ग्रा के़दाःप्मा पोङ्ॽ॥
Piblisite