खानिःत् 4:33 - लिम्‍बु

³³ तुम्‍मादे़न् साःङ्‌गाहिम्‍मो मरारि थाःक्‍हाॽरे़ निङ्‌वाॽफुसाम्‍बा हारुनरे़ कुस्‍सा इतामारे़ल्‍ले़ कुइङ्‌जाङ्‌ङो चोःक्‍मा के़बोङ्‌बा याःम्‍बक्‍हाॽ हाबा कन् वये़रो॥”

खानिःत् 4:33 Referans Kwoze

खानिःत् 4:28

तुम्‍मादे़न् साःङ्‌गाहिम्‍मो गेर्सोनि सुवाङ्‌हाॽरे़ खुन्‍छिॽ याःम्‍बक्‍किन् हाबा कन्‍लो॥ खे़ङ्‌हाॽरे़ चोःक्‍मा के़बोङ्‌बा लक्‍पे़न्‍निन् निङ्‌वाॽफुसाम्‍बा हारुने़ल्‍ले़ कुस्‍सा इतामारे़ल्‍ले़ कुयुक्‍को वाॽररो॥”

यसैया 3:6

कन् ये़म्‍मो फुॽनुसाॽहाॽओ लत्‍छा मनान् आबाङे कुम्‍बारे़ कुहिम्‍मोए मे़दे़म्‍सुआङ् मे़मे़त्तुरो, “खे़ने़ॽग चाङ्‌मा तेत् के़गत्तुरो, खे़ने़ॽ कन् के़साक्‍पा तुक्‍खेबा ये़म्‍मो खे़ने़ॽ आनिगे लाम्‍लोबा पोःक्‍खे़ॽओ!”

यहोसु 3:6

यहोसुःल्‍ले़ निङ्‌वाॽफुसाम्‍बाहाॽ अक्‍खे मे़त्तुसि, “माङ्‌हुप् सन्‍दोक्‍किन् पक्‍खे़म्‍मे़ॽआङ् मनाहाॽरे़ खुन्‍छिॽ तगि तगि लाङ्‌घेगे़म्‍मे़ॽ॥” खे़ब्‍याङ् खे़ङ्‌हाॽरे़ माङ्‌हुप् सन्‍दोक्‍किन् मे़बक्‍खुआङ् मनाहाॽरे़ खुन्‍छिॽ तगि तगि मे़बे॥

खानिःत् 4:32

खे़न्‍नु सोसोरिक् के़रे़क् पिसाङ्‌बा लक्‍खुम्‍मोबा सित्‍लाङ्‌हाॽ, हे़क्‍क्‍याङ् खे़ल्‍ले़ कुयुक्‍नाहाॽ, लक्‍चुहाॽ, थाक्‍पाहाॽ नु खे़न्‍नु सोरिक्‍पा सामा चिगक्‌वाहाॽ, खे़ब्‍याङ् कन्‍हाॽ याङ्‌मारे़ चाहा के़जोःक्‍पा के़रे़क् पाःन्‍हाॽ खे़ङ्‌हाॽरे़ मे़बक्‍खुर॥ परिक् परिक्‍पा सामाहाॽ पङ्‌मारे़ लागि खे़ङ्‌हाॽओ आप्‍फेक् आप्‍फेक् खुन्‍छिॽ मिङ् कुइसिक् मनाहाॽ मुरामे़त्ते़से़ॽ॥

खानिःत् 4:34

मोसा, हारुन नु सङ्‌जुम्‍भोबा लाम्‍लोबाहाॽरे़ कहातिहाॽ खुन्‍छिॽ आप्‍फेक् आप्‍फेक् थाःक् नु हिम्‍सयङ् इसिःक् मे़निरुसि॥

लाम्‍दिक् 38:21

माङ्‌हुप् साप्‍लुङ् के़याक्‍पा निङ्‌वाॽफुमाङ् सन्‍दोक् के़युङ्‌बा सेसे साःङ्‌गाहिम्‍मिल्‍ले़ लागि ओगप्‌ के़बोङ्‌बा चिगक्‌वा सामाहाॽ मोसाःल्‍ले़ इङ्‌जाङ् पिरुसिबा कुइसिक् निङ्‌वाॽफुसाम्‍बा हारुनरे़ कुस्‍सा इतामारलाम् ले़बिहाॽरे़ मे़जोगुआङ् वये़बा पाःन्‍हाॽरे़ पोधक्‍किन् हाबा कन्‍लो॥

खानिःत् 7:8

खुने़ॽ मरारिहाॽ खुन्‍छिॽ याःम्‍बक् कुइसिक् खुने़ॽ लिसि पित्‍लाधा नु ये़त्‍छि पित् पिरुसि॥ खे़ङ्‌हाॽ के़रे़क् निङ्‌वाॽफुसाम्‍बा हारुने़ल्‍ले़ कुस्‍सा इमातारे़ल्‍ले़ कुयुक्‍को याःम्‍बक् के़जोःक्‍पा मे़वये़॥