29 यहवे दाङ्बे़ल्ले़ मोसान् मे़त्तु, “खे़ने़ॽ मरारिहाॽ खुन्छिॽ आप्फेक् आप्फेक् थाःक् नु हिम्सयङ् कुइसिक् निरे़से़ॽ॥
तुम्मादे़न् साःङ्गाहिम्मो गेर्सोनि सुवाङ्हाॽरे़ खुन्छिॽ याःम्बक्किन् हाबा कन्लो॥ खे़ङ्हाॽरे़ चोःक्मा के़बोङ्बा लक्पे़न्निन् निङ्वाॽफुसाम्बा हारुने़ल्ले़ कुस्सा इतामारे़ल्ले़ कुयुक्को वाॽररो॥”
तुम्मादे़न् साःङ्गाहिम्मो याःम्बक् चोःक्से़ के़दाबा सुम्बोङ् तङ्बेआङ्धो ङाबोङ् तङ्बे थारिक् के़गे़प्पा ये़म्बित्छाहाॽ के़रे़क् निरे़से़ॽ॥
के़रे़क् पिसाङ्बा लक्खुम्मोबा सित्लाङ्हाॽ, खे़ल्ले़ कुयुक्नाहाॽ, लक्चुहाॽ नु थाक्पाहाॽ मरारिहाॽरे़ ओमे़प्मा के़बोङ्बा याःम्बक् वये़॥
खुने़ॽ मरारिहाॽ खुन्छिॽ याःम्बक् कुइसिक् खुने़ॽ लिसि पित्लाधा नु ये़त्छि पित् पिरुसि॥ खे़ङ्हाॽ के़रे़क् निङ्वाॽफुसाम्बा हारुने़ल्ले़ कुस्सा इमातारे़ल्ले़ कुयुक्को याःम्बक् के़जोःक्पा मे़वये़॥