खानिःत् 36:4 - लिम्‍बु

⁴ इस्राइलिहाॽरे़ खुन्‍छिॽ याम्‍मो कुसङ् पोङ्‌मा तङ्‌बेःन् ताःल्‍ले़ खे़न् मे़न्‍छुमाहाॽरे़ खुन्‍छिॽ पालाम्‍बाबा याङ्‌साकुन्‍धेःन्‍नाङ् ते़न्‍धाम् मेःक्‍खिम् मे़जोगे़आङ् मे़बेबा थाःक्‍कोबा याङ्‌साकुन्‍धेओ योॽसिङ्‌ॽ॥ कम्‍भलॽरिक् आनिगे पाधे़बा थाःक्‍कोबा पालाम्‍बाबा याङ्‌साकुन्‍धेहाॽ मासुम्‍बे़ॽ॥”

खानिःत् 36:4 Referans Kwoze

यसैया 61:2

यहवे दाङ्‌बे़ल्‍ले़ कुमनाहाॽ से़ःप्‍मासि हे़क्‍क्‍याङ् निङ्‌मिहाॽ हारि चाःप्‍मासि ये़म्‍मिन् त्‍ये़आङ् वाॽ फाॽआङ् उवा चोःक्‍मारे़ लागि खुने़ॽ आङ्‌गाॽ पाङ्‌घाङ्‌बारो॥ मे़रिङ् के़धक्‍पा के़हाःप्‍पा के़जिःङ्‌बाहाॽ आःन्‍छिङ्‌मा पिमासि फाॽआङ् आङ्‌गाॽ पाङ्‌घाङ्‌बारो॥

ले़बि 25:23

“‘लाजेन् सदादिङ्‌ले़ लागि सिॽयाक् मे़सङ्‌घे़म् मे़देसे़म्‍मिन्‍ने़ॽ॥ थेआङ्‌भे़ल्‍ले़ लाजेःङ्‌ग आङ्‌गाॽइन्‍लो॥ खिनिॽग वेॽ लाजेॽबा नु वे़प्‍मिबा के़बोःक्‍खिआङ् आङ्‌गाॽनु के़युङिर के़वयिॽ॥

खानिःत् 36:3

आल्‍ल इस्राइलिहाॽरे़ खुन्‍छिॽ वेॽ थाःक्‍कोबा ये़म्‍बित्‍छाहाॽनु खे़ङ्‌हाॽ ते़न्‍धाम् मेःक्‍खिम् मे़जोक्‍ने़भग्र, खे़न् मे़न्‍छुमाहाॽरे़ खुन्‍छिॽ युक्‍किन् वेॽ थाःक्‍कोबा ये़म्‍बित्‍छाहाॽरे़ खुन्‍छिॽ युक्‍को योॽसिङ्‌ॽ॥ कम्‍भलॽरिक् आनिॽ पालाम्‍बाबा याङ्‌साकुन्‍धेन् माआङ् पेक्॥

खानिःत् 36:5

खे़ब्‍याङ् यहवे दाङ्‌बे़ल्‍ले़ कुइङ्‌जाङ् कुइसिक् मोसाःल्‍ले़ इस्राइलिहाॽ अक्‍खे मे़त्तुसिआङ् इङ्‌जाङ् पिरुसि—“योसेफरे़ कुमुॽइदाङ्‌साहाॽरे़ खुन्‍छिॽ थाःक्‍हाॽरे़ मे़बाःत्तुबा पाःन्‍निन् कुदोःप्‍माए चोक्॥

ले़बि 25:8

“‘खिनिॽ आबाङे लागि नुसि सबाथबा तङ्‌बेहाॽ नुसिले़ङ् निरे़म्‍मे़ॽ, खे़न् के़रे़क्‍ले़ लिबोङ्‌ङाङ् फाङ्‌सि तङ्‌बे पोङ्‌ॽ॥