खानिःत् 34:13 - लिम्‍बु

¹³ मोसाःल्‍ले़ इस्राइलिहाॽ अक्‍खे मे़त्तुसिआङ् इङ्‌जाङ् पिरुसि, “यहवे दाङ्‌बे़ल्‍ले़ कुइङ्‌जाङ् कुइसिक् तॽयाःन्‍सोन् मे़गे़सुआङ् फाङ्‌सिआङ् कुभ्रे़ःङ् थाःक्‍हाॽरे़ युक् चोःक्‍मा के़बोङ्‌बा लाजेन् हाबा कन्‍लो,

खानिःत् 34:13 Referans Kwoze

खानिःत् 34:1

यहवे दाङ्‌बे़ल्‍ले़ मोसान् मे़त्तु,

तोलिङ्‌सोमु 15:18

हाबा खे़न् ये़न्‍नो यहवे दाङ्‌बाल्‍ले़ अब्राम्‍मिन्‍नु अक्‍खे पाःत्तुर माङ्‌हुप् चोगु, “खे़ने़ॽ के़मुॽइदाङ्‌साहाॽ मिस्र लाजेॽलाम् युफ्रेतिस यङ्‌घङ् थारिक्‍पा—

खानिःत् 26:52

यहवे दाङ्‌बे़ल्‍ले़ मोसान् मे़त्तु,

खानिःत् 26:55

हे़क्‍केसाङ् खे़न् लाजेन् तॽयान्‍सोःन् मे़गे़सुआङ् मे़भःक्‍खुर पोङ्‌ॽ॥ मे़निरुसिबा ये़म्‍बित्‍छाहाॽरे़ खुन्‍छिॽ खानिःत् कुइसिक् लाजेन् खे़ङ्‌हाॽरे़ खुन्‍छिॽ लागि लक्‍खोमा लक्‍किन् मे़भःक्‍खुर॥

खानिःत् 34:12

खे़ब्‍याङ् खे़न् इःन्‍दोन् यर्दन वहःङ्‌ङिल्‍ले़ कुयाए कुया पोङ्‌ङाङ् कुसिवे़त् वरःङ् वरःङ्‌ङो लःन्‍ल॥ “‘के़रे़क् पिसाङ्‌बा इःन्‍दोहाॽ सोसोरिक् खिनिॽ लाजेन् हाबा कन्‍लो॥’”

साम्‌योथिम् इङ् 11:24

खिनिॽ लाङ्‌दाप्‍पेल्‍ले़ के़दोॽरुम्‍बा के़रे़क् ते़न्‍हाॽ खिनिॽइन् पोङ्‌ॽ—मुरे़क् खारे़क् थेआङ् के़होःप्‍पादे़न्‍नाङ्‌धो लेबनान थारिक्, हे़क्‍क्‍याङ् पयम् यम्‍बा वहःङ् युफ्रेतिसआङ् कत्‍ना नाम्‍धा पिसाङ्‌बा लुम्‍बा वरःङ् थारिक्‍के खिनिॽ इःन्‍दो पोङ्‌ॽ॥

इजकिएल 45:1

“‘खिनिॽ लक्‍खोमारे़ लागि लाजेन् के़भःक्‍खुम्‍मिल्‍ले़ २५,००० हुक्‍सिक् केःम्‍बा कुलाम्‍ति नु २०,००० हुक्‍सिक् कुभे़रे़ के़ने़बा कुलक् थिक् सेसे थुम् पोङ्‌मारे़ लागि यहवे दाङ्‌बाओ खिनिॽ के़दोःन्‍दुम्‍ल पोङ्‌ॽ, खे़न् के़रे़क् ते़ङ्‌गप्‍पिन् सेसेबा पोङ्‌ॽ॥

मिका 2:5

कल्‍ले़चोगुल्‍ले़ यहवे दाङ्‌बे़ल्‍ले़ कुसङ्‌जुम्‍भोओ तॽयाःन्‍सोन् के़गे़बाआङ् लाजेॽसिङ्‌बुङ् के़भःङ्‌बा के़बिबा खिनिॽ लुम्‍मो हाःत्ताङ् के़ङ्‌गत्तुम्‍मिन्‍लो॥

यहोसु 13:7

आल्‍ल कन् लाजेन् फाङ्‌सि थाःक्‍हाॽ नु मनस्‍सेरे़ कुभ्रे़ःङ् थाःक्‍हाॽ लक्‍खोमारे़ लागि फःक्‍खे़ पिरे़से़ॽओ॥”