खानिःत् 32:32 - लिम्‍बु

³² आनिगे फे़जुम्‍भे़या खजुम्‍घया हेॽआसिगे़आङ् यहवे दाङ्‌बे़ल्‍ले़ कुदगि नाधाःम्‍बि कनान लाजेॽओ पेगिगे़ॽ, कर आनिगे युक्‍कोबा खोमा लक्‍किन् यर्दन कत्‍नाहाङ्‌दाङ्‌ङे चुक्‍ल॥”

खानिःत् 32:32 Referans Kwoze

खानिःत् 32:31

गाद र रुबेनरे़ खुन्‍छिॽ मुॽइदाङ्‌साहाॽरे़ अक्‍खे मे़बाःत्तु, “यहवे दाङ्‌बे़ल्‍ले़ आनिगे थे़मा चोगे़म्‍मे़ॽ मे़त्तिगे़आङ् वाॽ आनिगे हाबा खे़न् चोगुम्‍बे़॥

खानिःत् 32:33

खे़ब्‍याङ् गाद नु रुबेनरे़ खुन्‍छिॽ मुॽइदाङ्‌सा हे़क्‍क्‍याङ् योसेफरे़ कुस्‍सा मनस्‍सेरे़ कुभ्रे़ःक् कुधाःक्‍हाॽ एमोरिहाॽरे़ खुन्‍छिॽ हाङ् सिहोनरे़ कुहाङ्‌जुम्‍मिन् नु बासानबा हाङ् ओगरे़ कुहाङ्‌जुम्‍मिन्, खुन्‍छिॽ इःन्‍दोओ के़ने़बा के़रे़क् ये़क्‌यक्‍हाॽआङ् खक्‍पे़त् मोसाःल्‍ले़ पिरुसि॥

साम्‌योथिम् इङ् 3:12

खे़न् ये़म्‍मो खे़न् लाजेन् आनिगे युक्‍को तारुम्‍बे़ल्‍ले़, अर्नोन वहःङ्‌ङोबा अरोएरलाम् थाङ्‌गे़त् पिसाङ्‌बा ते़ङ्‌गप्‍पिन् नु गिलादबा कोःक्‍मा फाङ्‌जङ्‌बा लाजेःल्‍ले़ कुभ्रे़ःक्, खे़प्‍मोबा ये़क्‌यक्‍हाॽआङ् आङ्‌गाॽ रुबेनिहाॽ नु गादिहाॽ पिरुङ्‌सिङ्॥

साम्‌योथिम् इङ् 29:8

हे़क्‍क्‍याङ् आनिॽ खे़ङ्‌हाॽरे़ खुन्‍छिॽ लाजेॽहाॽ हुक्‍काप् चोःक्‍मनाआङ्, रुबेनि, गादि नु मनस्‍सेरे़ कुभ्रे़ःङ् कुधाःक्‍हाॽ खे़न् खुन्‍छिॽ खोमा लक् कुसिङ् आबिरुम्‍सिम्॥

ले़बि 14:34

“आल्‍ल आङ्‌गाॽ खिनिॽ युक्‍को पिमानिङ् इःत्तुङ्‌बा कनान लाजेॽओ के़गे़रिल्‍ले़, हे़क्‍क्‍याङ् खिनिॽ युक्‍को के़घोसुम्‍बा लाजेॽओबा हिम्‍मो के़वाम्‍बा कुभा सुक्‍नाःम्‍बान् आङ्‌गाॽ थार याःन्‍दुङ्‌ने़भग्र,

खानिःत् 32:19

यर्दन नाधाःम्‍बि नु खे़न्‍नुःल्‍ले़आङ् ना खे़ङ्‌हाॽलाम् आनिगे खोमा लक् मे़जोगुम्‍बे़न्‌ॽ, थेआङ्‌भे़ल्‍ले़ आनिगे युक्‍कोबा खोमा लक्‍किन् यर्दन कत्‍नाहाङ्‌दाङ्‌ङे चुक्‍ते़आङ् ने़रो॥”

खानिःत् 34:15

खे़न् ने़त्‍छिआङ् कुभ्रे़ःङ् थाःक्‍हाॽरे़ यरिहो कुदोःप्‍मा यर्दन वहःङ्‌ङिल्‍ले़ नाङ्‌गे़न् ले़प्‍माङ् खुन्‍छिॽ आप्‍फेक् आप्‍फेक् युक्‍किन् मे़घोसु मे़सुरुआङ् ने़रो॥”

साम्‌योथिम् इङ् 1:1

सुपरे़ कुदगिबा यर्दन ने़ने़बादे़न्‍नो, हे़क्‍क्‍याङ् खे़ङ्‌हाॽ मे़युङे़बादे़न्‍लाम् थिक्‍नाहाङ् के़ने़बा पारान, तोफेल, लाबान, हसेरोत नु दिसाहातरे़ कुलुम्‍मोबा यर्दन नाम् गे़न् पिसाङ्‌बा मुरे़क् खारे़क् थेआङ् के़होप्‍पादे़न्‍नो के़रे़क् इस्राइलिहाॽ मोसाःल्‍ले़ मे़त्तुसिबा पाःन्‍जाःक्‍किन् हाबा कन्‍लो॥

यहोसु 12:1

इस्राइलिहाॽरे़ यर्दन नाधाःम्‍बि नाङ्‌गे़न् अर्नोनबा ने़ने़बादे़न्‍लाम् हेर्मोन कोःक्‍मा फाङ्‌जङ् थारिक्, हे़क्‍क्‍याङ् अराबा नाङ्‌गे़न् ले़प्‍माङ्‌बा के़रे़क् ते़ङ्‌गप्‍हाॽ मे़नाःन्‍दुसिआङ् हुक्‍काप् मे़जोगुबा लाजेॽहाॽ नु खे़ङ्‌हाॽरे़ मे़से़रुसिबा हाङ्‌हाॽ हाबा कन्‍हाॽरो—

यहोसु 12:6

यहवे दाङ्‌बे़ल्‍ले़ कुसे़वारोबा मोसान् नु इस्राइलिहाॽरे़ खे़ङ्‌हाॽ मे़नाःन्‍दुसि॥ यहवे दाङ्‌बे़ल्‍ले़ कुसे़वारोबा मोसाःल्‍ले़ रुबेनिहाॽ, गादिहाॽ नु मनस्‍सेबा कुभ्रे़ःङ् थाःक्‍हाॽ युक्‍ले़ लागि खे़न् पिरुसिरो॥