खानिःत् 32:29 - लिम्बु29 मोसाःल्ले़ खे़ङ्हाॽ अक्खे मे़त्तुसि, “गाद नु रुबेनरे़ खुन्छिॽ मुॽइदाङ्साहाॽ खिनिॽनु सोरिक् यहवे दाङ्बे़ल्ले़ कुदगि थङ्ङो फे़जुम्भे़या खजुम्घया मे़याङ्सिङ्ङाङ् यर्दन नाधाःम्बि मे़बेःक्, हे़क्क्याङ् लाजेन् खिनिॽ हुक्को थाने़भग्र, गिलाद लाजेन् खिनिॽ खे़ङ्हाॽरे़ खुन्छिॽ युक्को पिरे़म्सिम्मे़ॽ॥ Gade chapit la |
खानिःत् 32:29
10 Referans Kwoze
कर आनिगे आप्फेक् चाए इस्राइलिहाॽ खुन्छिॽ ते़न्नो मे़ङ्गे़त्छे थारिक् फे़जुम्भे़या खजुम्घया काप्सिङ्माआङ् खे़ङ्हाॽरे़ खुन्छिॽ तगि तगि थासिङ्मा यारिप् वयिगे़॥ कन् ये़म्मो कन् लाजेॽबा मनाहाॽरे़ आनिगे मे़ःत्साहाॽ थे़माआङ् मे़म्मे़त्छे खे़न् ये़क्यक्हाॽओबा लुङ्धाक्को ताप्थेक् याम्धेक् मे़बोङ्ङाङ् मे़याक्॥
“कर ले़बिहाॽरे़ खुन्छिॽ लागि खिनिॽलाम् थे़माआङ् लक् मे़ङ्घोसुन्, थेआङ्भे़ल्ले़ यहवे दाङ्बे़ल्ले़ कुलागि निङ्वाॽफुसाम्बा ताक्फाःन्ने खे़ङ्हाॽरे़ खुन्छिॽ लागि लक्खोमारो॥ गाद, रुबेन नु मनस्सेरे़ कुभ्रे़ःङ् थाःक्हाॽरे़ नाङ्गे़न् पिसाङ् यर्दन नाधाःम्बि, यहवे दाङ्बे़ल्ले़ कुसे़वारोबा मोसाःल्ले़ पिरुसिबा खे़ङ्हाॽरे़ खुन्छिॽ आप्फेक् आप्फेक् लक्खोमान् मे़घोसुआङ्ङे वाॽ॥”
सावलरे़ दाउदे़न् मे़त्तु, “आङ्गाॽ आस्सा तुम्मा मेराबे़न्नु खे़ने़ॽ ते़न्धाम् मेःक्खिम् मे़त्ने़, कर खे़ल्ले़ कुले़क्वा थुम्दे़ॽर आसे़वा याःम्बक् चोगे़ॽ, हे़क्क्याङ् यहवे दाङ्बाल्ले़ कुलागि थङ् थक्ते़ॽ॥” थेआङ्भे़ल्ले़ सावलरे़ आबाङे कुहुक्लाम् मेःन्, कर पलिस्तिहाॽरे़ खुनिॽ हुक्लाम्बा दाउदे़न् से़प्मा निङ्वाॽ चोगुआङ् वये़॥
Piblisite