खानिःत् 31:16 - लिम्‍बु

¹⁶ ओमे़त्ते़म्‍मे़ॽ, बालामे़ल्‍ले़ मुरा मे़त्तुसिआङ् पोरओ हाबा कन्‍हाॽरे़ए इस्राइलिहाॽ यहवे दाङ्‌बे़ल्‍ले़ कुदक्‍ले़ङ्‌वाओ फे़न्‌याःम्‍बक् चोःक्‍मा मे़बाङ्‌घुसिआङ् वये़॥ कल्‍ले़चोगुल्‍ले़ यहवे दाङ्‌बे़ल्‍ले़ कुसङ्‌जुम्‍भोओ मिङ्‌देॽआङ् पोगे़आङ् वये़॥

खानिःत् 31:16 Referans Kwoze

२ पत्रुस 2:15

खे़ङ्‌हाॽरे़ग तोःन्‍दोम्‍बा लाम्‍मिन् मे़ले़रुआङ् खे़ङ्‌हाॽ ताप्‍फे़ःम्‍बा लाम्‍मो मे़लासे़आङ् मे़वाॽरो॥ बोअररे़ कुस्‍साहाॽ बालामरे़ कुलाम्‍मो मे़बेआङ् मे़वाॽ॥ बालाम्‍मिल्‍ले़ग लायोलाम् याङ्‌साकुन्‍धे थक्‍मा कुसिराॽ थाङे़आङ् वये़,

सुफो 2:14

हे़क्‍केसाङ् खे़ने़ॽ के़दक्‍ले़ङ्‌वाओ कुभा पान् पाःप्‍माए पोङ्‌लो—खिनिॽओ कुभारे़ग माङ्‌निङ्‌वाॽपान् के़बाःप्‍पा बालामरे़ कुनिसाम्‍मिन् मे़नाःत्तुआङ् मे़वाॽरो॥ उन्‍छोन् बालामरे़ग इस्राइलिहाॽ लायोओ मे़धार फाॽआङ् नावाइत्‍लाओ तोःम्‍मनाबा चा चामा नु याम्‍बोःप्‍मा याःम्‍बक् चोःक्‍मा बालाक हाङ्‌ङिन् हुॽरुआङ् वये़रो॥

यहोसु 22:17

थे पोरबा फे़न्‌याःम्‍बक्‍किल्‍ले़ आनिॽ आङ्‌घुमे़न्‍बि? खे़प्‍मोलाम् यहवे दाङ्‌बे़ल्‍ले़ कुसङ्‌जुम्‍भोओ यम्‍बा मिङ्‌देॽ पोगे़ हे़क्‍केसाङ् आनिॽ आइन् थारिक् खे़न् फे़न्‌याःम्‍बक्‍कोलाम् सुत्‍थो चोःक्‍सिङ्‌मा मे़न्‍छुक्‍सिङ्‌ङे आवाॽ॥

साम्‌योथिम् इङ् 4:3

बाल-पोरओ यहवे दाङ्‌बे़ल्‍ले़ थे़मा चोगु खे़न् खिनिॽ आप्‍फेक् मिक्‍किल्‍ले़ के़निसुम्‍माङ् वाॽ॥ पोरबा बाल माङ्‌ङिन् के़दिम्‍बा के़रे़क् मनाहाॽ यहवे दाङ्‌बा खिनिॽ निङ्‌वाॽफुमाङ्‌ङिल्‍ले़ खिनिॽ लुम्‍मोलाम् मे़क्‍खुसि॥

खानिःत् 24:14

आल्‍ल आङ्‌गाॽ आप्‍फेक् आमनाहाॽओ पेःक्‍का, कर इस्राइलिहाॽरे़ खे़ने़ॽ के़मनाहाॽ ताःन्‍दि थे़मा मे़मे़त्तुसिॽ, आङ्‌गाॽ खे़न् मे़त्‍ने़रो॥”

खाहुन् 23:27

थेआङ्‌भे़ल्‍ले़ के़त्‍निमा मे़न्‍छुमान् लत्‍छा कुदिःम्‍बे केःम्‍बा किप्‍मा के़घुबा लुम्‍बात् हे़क्‍तङ्‌मारो, हे़क्‍क्‍याङ् याम्‍गे़बोःप्‍मा मे़न्‍छुमान् लःम्‍मे़न्‍दे़प्‍नाबा चिहुॽहुॽबा वाबाक् हे़क्‍तङ्‌मारो॥

खानिःत् 25:18

थेआङ्‌भे़ल्‍ले़ खे़ङ्‌हाॽरे़आङ् खिनिॽ तुक्‍खे के़म्‍जाःत्ति, हे़क्‍क्‍याङ् पोरओ इङ्‌ले़क् के़म्‍मे़त्तिआङ् माङ्‌हाॽ से़वा मे़प्‍मा के़म्‍बाङ्‌घि, खे़न् ये़म्‍मो मिध्‍यानि लाम्‍लोबाल्‍ले़ कुस्‍सा मे़न्‍छुमा कोजबिन् पोरबा मिङ्‌देॽ ये़न्‍नो मे़से़रुआङ् वये़रो॥”

खाहुन्‍साबा 7:26

सिमे़न्‍नुःल्‍ले़ आरसाङ् के़आःप्‍पा पाःन्‍निन्‍नाङ् आङ्‌गाॽ कोःम्‍भो चोगुङ्‌लो— मिःम्‍जिओ आधाधामा मे़न्‍छुमान्‍ग इजो हे़क्‍तङ्‌मारो, खे़ल्‍ले़ कुमिःम्‍जिल्‍ले़ खे़ने़ॽ इओ के़धाबा हे़क्‍के के़धारो हे़क्‍क्‍याङ् खे़ल्‍ले़ कुहुक्‍किल्‍ले़ फे़न्‍थक्‍क्रङ्‌ङिल्‍ले़ इगे़घेःङ्‌बा हे़क्‍के के़घेःङ्‌लो॥ निङ्‌वाॽफुमाङ्‌ङिन् कुनिङ्‌वाॽ के़दाबा मनान् खे़न् इघेःङ्‌ङोलाम्‍बा ताङ्‌लो कर लायो के़जोःक्‍पान् खे़ल्‍ले़ कुहुक्‍को थारो॥

यहुदा 1:11

चिःत्ते़आङ्‌लक् स्‍ये़रो! थेआङ्‌भे़ल्‍ले़ खे़ङ्‌हाॽरे़ग कयिनरे़ कुलायोबा लाम्‍मिन् मे़नाःत्तुआङ् वाॽ, याङ्‌साकुन्‍धेरे़ लागि बालामरे़ चोगुबा ताप्‍फे़ःम्‍बा याःम्‍बक् कुइसिक् मे़जोगुआङ् वाॽ, हे़क्‍क्‍याङ् खे़ङ्‌हाॽग कोरहरे़ बिफ्‍युङ् चोगुआङ् मे़गे़बा कुइसिक् मे़मे़क्‍लो॥

खानिःत् 31:8

के़सिबाहाॽओ मिध्‍यानबा एबि, रेकेम, सुर, हुर नु रेबा ङासि हाङ्‌हाॽ मे़वये़॥ खे़ङ्‌हाॽरे़ बओररे़ कुस्‍सा बालामे़न्‍नाङ् ताभेःल्‍ले़ मे़से़रु॥