खानिःत् 31:10 - लिम्‍बु

¹⁰ खे़ङ्‌हाॽ मे़युङे़बा के़रे़क् ये़क्‌यक्‍हाॽ नु साःङ्‌गाहिम्‍हाॽआङ् मिमे़धिक्‍खु मे़बिरुसि॥

खानिःत् 31:10 Referans Kwoze

सुफो 18:8

खे़ल्‍ले़चोगुल्‍ले़ थिक् ये़न्‍नोए खे़ल्‍लो सिमे़न्, मे़रिङ् थक्‍मे़न्, हे़क्‍क्‍याङ् साक्‌वाःल्‍ले़न् मिन्‍देॽइन् ताःरो॥ हे़क्‍क्‍याङ् खे़न् मे़न्‍छुमाॽइन् मिःल्‍ले़ खाप्‍पुथ्‍यःङ् पोङ्‌लो, थेआङ्‌भे़ल्‍ले़ खे़न् खुम्‍दिङ् के़बिबा निङ्‌वाॽफुमाङ्‌ङिङ्‌ग मुक्‍साम्‍दाङ्‌बा चोक्‍लो॥’”

यसैया 1:7

खिनिॽ लाजेन् चिजि खक्‍खक् पोःक्‍खे़आङ् ने़रो, खिनिॽ पाङ्‌जुम्‍हाॽग आम्‍भा खे़निॽ तगिए वेॽ लाजेॽबा मनाहाॽरे़ मिमे़धिक्‍खुआङ् ने़रो॥ वेॽ लाजेॽबा मनाहाॽरे़ मे़मे़क्‍सुबा कुइसिक् खे़न् ते़न्‍निन् चिजि खक्‍खक् पोःक्‍खे़आङ् ने़रो॥

१ हाङ् 9:16

(मिस्र लाजेॽबा हाङ् फारोल्‍ले़ थङ्‌ङो फत्तुआङ् गेजेरे़न् हुक्‍काप् चोगुआङ् ने़स्‍से़॥ खुने़ॽ खे़न् मिधिक्‍खुआङ् खाप्‍पुथ्‍यःङ् चोगु॥ खे़प्‍मोबा कनानि यक्‌युङ्‌बाहाॽ खुने़ॽ से़रुसि, हे़क्‍क्‍याङ् खे़न् ये़क्‌यक्‍किन् कुस्‍सा मे़न्‍छुमा सोलोमनरे़ कुमेःत्तिन् मेःक्‍खिम् पे़वा पिरु॥

१ सामुए़ल 30:1

सुम्‌यान् एगाङ् दाउदे़न् नु कुमनाहाॽ सिक्‍लग मे़गे़रे़॥ हाबा खे़न् ये़म्‍मो अमाले़किहाॽरे़ यहुदालाम् यो ले़प्‍साङ्‌बा नेगेब नु सिक्‍लगबा मनाहाॽ मे़नाप्‍तुसिआङ् वये़॥ सिक्‍लगओ खे़ङ्‌हाॽ थङ् मे़जोगे़आङ् खे़प्‍मो मि मे़याक्‍तुआङ् वये़॥

यहोसु 6:24

खे़ब्‍याङ् खे़ङ्‌हाॽरे़ खे़न् ये़क्‌यक्‍को के़वाॽबा के़रे़क् पाःन्‍हाॽ मिमे़धिक्‍खु मे़देसु, कर साम्‍म्‍याङ्, युप्‍पा हे़क्‍क्‍याङ् कासा नु फे़न्‍जेॽ खप्‍प्‍याहाॽरक् यहवे दाङ्‌बे़ल्‍ले़ कुसामा युङ्‌दे़न्‍नो खे़ङ्‌हाॽरे़ मे़युक्‍खु॥

तोलिङ्‌सोमु 25:16

इस्‍माएलरे़ कुस्‍साहाॽ कन्‍हाॽरो॥ खे़ङ्‌हाॽ थिक्‍ने़त् थाःक्‍हाॽरे़ खुन्‍छिॽ पाधे़बा मे़वये़ हे़क्‍क्‍याङ् खुन्‍छिॽ पाङ्‌भेॽ नु युङ्‌मादे़न् कुइसिक् खुन्‍छिॽ मिङ्‌हाॽ पोःक्‍खे़॥

खानिःत् 31:9

इस्राइलिहाॽरे़ मिध्‍यानि ये़म्‍बित्‍छाहाॽरे़ खुन्‍छिॽ मेःत्‍हाॽ नु मे़न्‍छुमा ये़म्‍बित्‍छा हिन्‍जाॽबित्‍छाॽआङ् मे़दे़म्‍सु मे़देॽरुसि, हे़क्‍क्‍याङ् खे़ङ्‌हाॽरे़ खुन्‍छिॽ के़रे़क् पित्‍हाॽ, मे़ल्‍लुक्‍हाॽ नु याङ्‌साकुन्‍धेहाॽ मे़देॽरु मे़बिरुसि॥

खानिःत् 31:11

खे़ङ्‌हाॽरे़ हुक्‍काप् मे़जोगुसिबा के़रे़क्, थक्‍साहाॽ नु याङ्‌साकुन्‍धे चिगक्‌वाहाॽग मे़देॽरुआङ् मे़बे॥