खानिःत् 30:13 - लिम्बु13 खे़ल्ले़ चोगुबा माङ्हे़क्किन् इग्र माङ्हुप्पिन् के़प्मा नु मे़ङ्गे़प्मा खुने़ॽ कुये़म्बाःल्ले़ चोःक्मा युक् कत्तुॽ॥ Gade chapit la |
खानिःत् 30:13
13 Referans Kwoze
थे आङ्गाॽ सेगुङ्बा तःक्ने़त्तिन् हाबा अक्तङ्बारक्पि? मनान् थे थिक्याःन्लक् नःम्नःम्बा पोङ्बाबि? थे मिक्लान् कुसिङ् थे़गेक्पान् अःक्खुम् मे़प्मा हे़क्क्याङ् सिःङ्गो चाङ् चाङ्मा नु खाप्पु हुःत्छिङ्माआङ्लक् नःम्नःम् आबोङ्बाबि? थे हाबा कन् खे़निॽ तःक्ने़त् युङ्मा नु यहवे दाङ्बे़ल्ले़ ताःक्तुबा ये़न् फाॽआङ् के़बाःत्तुम्बि?
खे़प्मो अहावा वालिःल्ले़ कुयाओ के़रे़क् तःक्ने़त् युङ्मारे़ लागि नु आबाङे आनिगे निङ्वाॽफुमाङ्ङिल्ले़ कुदगि चुङ्जिगे़न् नःम्नःम्बा पोङ्मारे़ लागि हे़क्क्याङ् आनिगे लाम्दिःक्को खुने़ॽ लाम्लोसिगे़र हे़क्क्याङ् आनिगे आबाङे लागि, याङ्साकुन्धेरे़ लागि नु साएहाॽ ताङ्से़ःप्मासिरे़ लागि पेलिगे़न् तुवा चोःक्मा पाङ्घुङ्सिङ्॥
मेःत् ये़म्बाॽग मे़न्नाॽसिङ्ङे मे़न्अत्छिङ्ङे सोरिक् इम्मा पोङ्लो॥ तुवा चोःक्मा फाॽआङ् कुभा ये़म्ले़ लागिरक् निङ्वाॽ तङ्माआङ् वेॽ वाॽमा पोङ्लो॥ हे़क्क्याङ् याम्मो खिनिॽग सोरिक् वये़म्मे़ॽओ मेःन्ने फाॽग्र याम्थक्निङ्वाॽ थम्मा मे़न्छुक्मना निङ्वाॽबाल्ले़ चोगुल्ले़ माफे़न्साम्मिल्ले़ लायो चोःक्मा के़बाङ्घिॽरो॥
कर खुने़ॽ कुये़म्बाःल्ले़ खे़न् पाःन्निन् खे़प्सुबा ये़न्निल्ले़ याःन्दिक् खे़ल्ले़ कुमाङ्हुप्पिन् इग्र कुमाङ्हे़क्किन् थेनाधेबा चोगुने़भग्र, खे़न् मे़न्छुमाःल्ले़ कुम्ब्राओलाम् के़लःम्बा पाःन्निन् हने़बा पोङ्ॽ॥ यहवे दाङ्बे़ल्ले़ खे़न् मे़न्छुमान् ले़रुदेसुॽ थेआङ्भे़ल्ले़ खुने़ॽ कुये़म्बाले़ए खे़न् कुमाङ्हुप्पो के़प्मालाम् थेःक्तु॥
कर खुने़ॽ कुये़म्बाःल्ले़ कुमेःत्तिल्ले़ चोगुबा माङ्हुप्पिन् इग्र माङ्हे़क्किल्ले़ कुयाःम्बेओ थिक्याःन्धक्मा स्वाःत् मे़म्बाःत्ते वाॽने़भग्र, खुने़ॽ खे़न् निःन्धो चोगुबा पोङ्ॽ॥ खुने़ॽ खे़न् खे़प्सुआङ्साङ् स्वाःत् मे़म्बाःत्ते वाॽबाल्ले़ चोगुल्ले़ कुमेःत्तिन् हे़क्के चोःक्मा फाःक्तुबा कुदङ्बा पोङ्ॽ॥
Piblisite