खानिःत् 3:41 - लिम्‍बु

⁴¹ इस्राइलिहाॽरे़ खुन्‍छिॽ तुम्‍बा साहाॽरे़ खुन्‍छिॽ ले़क्‌वाओ खे़ने़ॽ ले़बिहाॽ तारे़से़ॽ॥ कम्‍भलॽरिक्‍के इस्राइलिहाॽरे़ खुन्‍छिॽ तगि के़धाप्‍पा थक्‍साहाॽरे़ कुले़क्‌वाओ ले़बिहाॽरे़ खुन्‍छिॽ थक्‍साहाॽ तारे़से़ॽ॥ आङ्‌गाॽ यहवे दाङ्‌बाआ॥”

खानिःत् 3:41 Referans Kwoze

खानिःत् 3:12

“ओमे़त्ते़ॽ, इस्राइलिहाॽओ तुम्‍बा सागे़वाःन्‍छिङ्‌बा ये़म्‍बित्‍छा साहाॽरे़ खुन्‍छिॽ ले़क्‌वाओ आङ्‌गाॽ इस्राइलिहाॽरे़ खुन्‍छिॽ लुम्‍मोलाम् ले़बिहाॽ सेगुङ्‌सिङ्‌ङाङ् मे़वाॽ॥ कल्‍ले़चोगुल्‍ले़ ले़बिहाॽ आङ्‌गाॽ आमनासि,

खानिःत् 3:45

“इस्राइलिहाॽरे़ खुन्‍छिॽ तुम्‍बा साहाॽरे़ खुनिॽ ले़क्‌वाओ ले़बिहाॽ नु खे़ङ्‌हाॽरे़ खुन्‍छिॽ पित् थक्‍साहाॽरे़ ले़क्‌वाओ ले़बिहाॽरे़ खुन्‍छिॽ पित्‍थक्‍साहाॽ तेॽरे़से़ॽ॥ ले़बिहाॽ आङ्‌गाॽइन् मे़बोङ्‌ॽ॥ आङ्‌गाॽ यहवे दाङ्‌बाआ॥

१ तिमोथि 2:6

खुने़ॽ के़रे़क् मे़न्‍छाम् याप्‍मिहाॽ लायोलाम् थे़ॽमासिआङ् हिङ्‌मासि फाॽआङ् कुमे़ल्‍लुङ्‌ङिल्‍ले़ कुले़क्‌वा आप्‍फेक् पिसिङ्‌लो॥ कन् पाःन्‍निल्‍ले़ तोःन्‍दिःङ्‌ग निङ्‌वाॽफुमाङ्‌ङिल्‍ले़ सुये़म्‍मो पिरुआङ् वाॽ॥

मत्ति 20:28

हे़क्‍केलॽरिक् इङ्‌गाॽ मे़न्‍छाम्‍सान् से़वा मे़जोःक्‍कार फाॽआङ् मेःन्, कर से़वा चोःक्‍से़ त्‍याङ्‌बारो॥ हे़क्‍क्‍याङ् यरिक् मनाहाॽ लायोलाम् थे़ॽमासिआङ् ताङ्‌से़ःप्‍मासि फाॽआङ् इङ्‌गाॽ आहिङ्‌मन्‍निन् पिसे़ त्‍याङ्‌बारो॥”

खानिःत् 18:15

मना इग्र थक्‍साहाॽलाम् यहवे दाङ्‌बाओ मे़दोन्‍दुसिबा तगि के़धाप्‍पा नु सागे़वाःन्‍छिङ्‌बा के़रे़क् थक्‍साज्‍याक् नु अङे़ःक्‌वाहाॽ खे़ने़ॽइन्‍ने मे़बोङ्‌ल॥ अक्‍खे पोङ्‌साङ् तगि सागे़वाःन्‍छिङ्‌बा मना नु के़धाप्‍पा थक्‍सान् खे़ने़ॽ कुमे़न् के़हुङुआङ् के़धे़ॽरुर पोङ्‌ॽ॥

खानिःत् 8:16

इस्राइलिहाॽरे़ खुन्‍छिॽ लुम्‍मोलाम् खे़ङ्‌हाॽ के़रे़क्‍के आङ्‌गाॽओ मे़दोन्‍दुसिबारो॥ इस्राइलिहाॽरे़ खुन्‍छिॽ तुम्‍बा साहाॽरे़ खुन्‍छिॽ ले़क्‌वाओ आङ्‌गाॽ आप्‍फेक् आमना हे़क्‍के खे़ङ्‌हाॽ ताःक्‍तुङ्‌सिङ्‌ङाङ् वाॽआ॥

खानिःत् 3:42

कल्‍ले़चोगुल्‍ले़ यहवे दाङ्‌बे़ल्‍ले़ मोसान् इङ्‌जाङ् पिरुबा कुइसिक् खुने़ॽ इस्राइलिहाॽरे़ खुन्‍छिॽ तुम्‍बा साहाॽ निरुसि॥

खानिःत् 3:13

थेआङ्‌भे़ल्‍ले़ तगि सागे़वाःन्‍छिङ्‌बाहाॽ के़रे़क् आङ्‌गाॽइन्‍सिरो॥ मिस्र लाजेॽओ तगि सागे़वाःन्‍छिङ्‌बाहाॽ के़रे़क् से़रुङ्‌सिङ्‌बा ये़न्‍नो आङ्‌गाॽ इस्राइलबा तगि सागे़वाःन्‍छिङ्‌बा मना नु तगि के़धाप्‍पा थक्‍सा के़रे़क् आङ्‌गाॽ आलागि से़न्‍दुङ्‌सिङ्‌ङाङ् वयाङ्॥ खे़ङ्‌हाॽ आङ्‌गाॽहाॽरो॥ आङ्‌गाॽ यहवे दाङ्‌बाआरो॥”