खानिःत् 28:26 - लिम्‍बु

²⁶ “‘तगि के़दुम्‍बा कुजा ये़न्‍नो यहवे दाङ्‌बे़ल्‍ले़ कुलागि खिनिॽ ये़त्‍नाम्‍हाॽओबा तङ्‌नाम्‍मो खारक् के़दुम्‍बा पोगुगे़न् कुजा सिदुङ्‌जभा के़दोःन्‍दुम्‍मिल्‍ले़ खिनिॽ लत्‍छा सेसे चुम्‍लुङ् पोङ्‌ल॥ खिनिॽ खे़ल्‍ले़ याःन्‍दिक् थिक्‌याःन्‍धक् के़जोगुम्‍बा थे़मा याःम्‍बक्‍काङ् मे़जोगे़म्‍मिन्‍ने़ॽ॥

खानिःत् 28:26 Referans Kwoze

लाम्‍दिक् 34:22

“ये़त्‍नाम्‍हाॽओबा तङ्‌नाम्‍हाॽ तगि के़दुम्‍बा मासिःन्‍नु खिनिॽ तोसे़म्‍मे़ॽ, हे़क्‍क्‍याङ् तङ्‌बेओबा कुनुप्‍मो कुजा चिङ्‌मा तङ्‌नाम्‍माङ् तोसे़म्‍मे़ॽ॥

लाम्‍दिक् 23:16

“प्‍याङ्‌सिओ खिनिॽ के़हेॽरुम्‍बा कुजाःल्‍ले़ तगिबा कुजाॽइन् तोःन्‍दे़म्‍मे़ॽआङ् चा हे़क्‍मा तङ्‌नाम् तोसे़म्‍मे़ॽ॥ “तङ्‌बेःल्‍ले़ कुनुप्‍मो खिनिॽ प्‍याङ्‌सिओ स्‍याङ्‌मे़न्‍दाङ् याःम्‍बक् के़जोगुम्‍बा कुजान् के़सुप्‍सुम्, खे़न् ये़म्‍मो कुजा चिङ्‌मा तङ्‌नाम् तोसे़म्‍मे़ॽ॥

ले़बि 23:10

“इस्राइलिहाॽ अक्‍खे मे़त्ते़से़ॽ—‘आल्‍ल आङ्‌गाॽ खिनिॽ पिनिङ्‌बा लाजेॽओ के़गे़रिॽ खे़ब्‍याङ् खे़प्‍मोबा के़दुम्‍बा कुजान् के़हे़गुम्‍मिल्‍ले़ खिनिॽ लागि नुबा पोङ्‌ल फाॽआङ् थिक्‍सिगेक्‍पा कुधःङ्‌माधिक् निङ्‌वाॽफुसाम्‍बाओ तारे़म्‍मे़ॽ॥

१ कोरन्‍थि 15:20

कर ख्रिस्‍ते़ङ्‌ग से़क्‍खाए सिमे़न्‍लाम् हिङे़रो, हे़क्‍क्‍याङ् के़सिबाआङ् के़हिङ्‌बाहाॽओ खुने़ॽए तुम्‍बारो॥

याकुब 1:18

खुने़ॽ चोगुबा नावागे़न् चइःत्तो काक्‍नु तगि के़दुम्‍बा निङ्‌वाॽफुमाङ्‌ङो तोःम्‍मनाबा चासोक् कुइसिक् आबोङ्‌ल फाॽआङ् आबाङे कुनिङ्‌वाॽइल्‍ले़ से़क्‍खाबा कुबाःन्‍जाक्‍लाम् कुस्‍सा आजोगे़आङ् वाॽ॥

खानिःत् 28:18

थिक्‍सिगेक्‍पा ये़न्‍नो सेसे चुम्‍लुङ् पोङ्‌ल॥ खे़न् ये़न्‍नो खिनिॽ थिक्‌याःन्‍धक् चोःक्‍मा के़बोङ्‌बा याःम्‍बक् थे़माआङ् मे़जोगे़म्‍मिन्‍ने़ॽ॥

खानिःत् 28:27

यहवे दाङ्‌बे़ल्‍ले़ कुलागि कुनाम्‍गे़नुॽबा कुनाम् पोङ्‌ल फाॽआङ् चक्‍मे़ल्‍लॽए मिधिङ्‌मनादेमनाबा सिदुङ्‌जभारे़ लागि कुम्‍बाबा पित्‍सात् ने़त्‍छि, थुःम्‍बा थिक् नु तङ्‌बे थिक् के़गे़प्‍पा मे़ल्‍लुक् नुसि

खानिःत् 29:1

“‘नुसिगेक्‍पा लाःल्‍ले़न् थिक्‍सिगेक्‍पा ये़न्‍नो खिनिॽ लत्‍छा सेसे चुम्‍लुङ् पोङ्‌ल॥ खे़ल्‍ले़ याःन्‍दिक् खिनिॽ थिक्‌याःन्‍धक् के़जोगुम्‍बा थे़मा याःम्‍बक्‍काङ् मे़जोगे़म्‍मिन्‍ने़ॽ॥ खे़ङ्‌ग खिनिॽ लागि थुत्‍थुरिःप्‍पा मुःप्‍मा ये़न्‍लो॥

लाम्‍दिक् 12:16

थिक्‍सिगेक्‍पा ये़न्‍नो खिनिॽ लत्‍छा सेसे चुम्‍लुङ् चोगे़म्‍मे़ॽ, नुसि ये़न् के़त्तिल्‍ले़ वेॽधिक् चोगे़म्‍मे़ॽ॥ खे़न् ये़न्‍नो आत्तिन् परिक्‍पाआङ् याःम्‍बक् मे़जोगे़म्‍मिन्‍ने़ॽ, कुजा थोःक्‍माआङ्‌धो वेॽ थे़माआङ् याःम्‍बक् मे़जोगे़म्‍मिन्‍ने़ॽ॥

ले़बि 23:8

नुसि ये़न् थारिक् खिनिॽ यहवे दाङ्‌बे़ल्‍ले़ कुलागि मिओ तोःम्‍मा के़बोङ्‌बा मिधिङ्‌मनादेमनाबा सिदुङ्‌जभा तोःन्‍दे़म्‍मे़ॽ॥ हे़क्‍क्‍याङ् नुसिगेक्‍पा ये़न्‍नो सेसे चुम्‍लुङ् पोङ्‌ल॥ खे़न् ये़न्‍नो खिनिॽ थिक्‌याःन्‍धक् चोःक्‍मा के़बोङ्‌बा याःम्‍बक् मे़जोगे़म्‍मिन्‍ने़ॽ॥’”