खानिःत् 28:2 - लिम्बु2 “खे़ने़ॽ इस्राइलिहाॽ अक्खे मे़त्ते़से़ॽआङ् इङ्जाङ् पिरे़से़ॽ—‘आङ्गाॽ आसिराॽ के़धाङ्बा कुनाम्गे़नुॽबा पोगुगे़न् कुजा सिदुङ्जभाहाॽ आङ्गाॽओ तोःम्मा के़बोङ्बा ये़म्मो खिनिॽ इःत्ते़म्मे़ॽआङ् निङ्वाॽ निःन्धो चोगे़म्मे़ॽ॥’ Gade chapit la |
खानिःत् 28:2
32 Referans Kwoze
यहवे दाङ्बाल्ले़ खे़न् कुनाम्गे़नुॽबा सिदुङ्जभा मिःक्खुॽइन् नाम्सुआङ् कुनिङ्वाॽओ पाःत्तु, “मे़न्छाम् याप्मिःल्ले़ कुनिङ्वाॽओबा पाःन्हाॽ खुने़ॽ चुःक्काङ्धोसा ताप्फे़ःम्बा चोक्, हे़क्केसाङ् ताप्फे़ःम्बा मे़न्छाम् याप्मिःल्ले़ चोगुल्ले़ आङ्गाॽ याम्मो आभे़ल्ले़आङ् इक्सादिङ् खाम्बेःक्मान् साक्मुरा मे़मे़त्तान्॥ आल्लो चोगुङ्बा कुइसिक् के़रे़क् थक्सापुसाहाॽ याम्मो आभे़ल्ले़आङ् मे़मे़ङ्ङासिङिन्॥
खिनिॽ के़म्दे़म्सि के़म्देॽरिबा मे़न्छाम् सुवाङ्हाॽलाम् हे़क्क्याङ् फुत्छिङ्ज्याङ् के़से़रि के़बेगिबालाम् सुम्निङ् ताःत्निङ्ङिल्ले़ आङ्गाॽ आनिङ्वाॽ के़दाबा सिदुङ्जभा कुइसिक् आङ्गाॽ ताःक्निङ्ॽ॥ हे़क्क्याङ् खिनिॽ लुम्मो आङ्गाॽ सेसेबा चोःक्काबा पाःन्निन् ओसेःन्धाङ् चोगुङ्ङिल्ले़ के़रे़क् मे़न्छाम् सुवाङ्हाॽरे़ मे़निसुॽ॥
हे़क्क्याङ् सङ्जुम्भोःल्ले़ निङ्वाॽ मे़ङ्घोए खे़न् याःम्बक्किन् आन्जानिओ मे़जोगुबाने़भग्र, के़रे़क् सङ्जुम्भोःल्ले़ यहवे दाङ्बे़ल्ले़ कुसिराॽ के़धाङ्बा कुनाम्गे़नुॽबा मिधिङ्मनादेमनाबा सिदुङ्जभा हे़क्तङ्बारे़ लागि कुम्बाबा पित्सात् थिक्, खे़ल्ले़न् पोगुगे़न् कुजा सिदुङ्जभा नु वदुम्बक्वा सिदुङ्जभाःन्नु सोरिक् थिम् कुइसिक् तोःन्दे़म्मे़ॽ, हे़क्क्याङ् लायोलाम् ले़प्मि खोमा सिदुङ्जभारे़ लागि कुम्बाबा मे़ःन्दा थिक्काङ् तोःन्दे़म्मे़ॽ॥
यहवे दाङ्बे़ल्ले़ कुसिराॽ के़धाङ्बा कुनाम्गे़नुॽबा पोगुगे़न् कुजा सिदुङ्जभा कुइसिक् तोःन्दे़म्मे़ॽ॥ कन् सिदुङ्जभाहाॽओ मिधिङ्मनादेमनाबा सिदुङ्जभा, माङ्हुप् के़प्मा सिदुङ्जभा इग्र आबाङे निङ्वाॽरे़ तोःम्मनाबा सिदुङ्जभा, तङ्बेओबा तङ्नाम्हाॽओ तोःम्मा के़बोङ्बा सिदुङ्जभा तोःन्दे़म्मे़ॽ, हे़क्क्याङ् खिनिॽ पित्थक्सा इग्र मे़ल्लुक् मे़ःन्दाक्हाॽलाम् सिदुङ्जभाहाॽ तोःम्मा के़सुक्तुम्ॽ॥
कर आत्तिन् मनान् सुत्थो चोक्, हे़क्क्याङ् लाम्दिःक्कोआङ् होप्, खे़ल्ले़ चोःक्युम्भो तङ्नाम् मे़दोसुन्ने़भग्र खे़न् मनान् कुमनाहाॽलाम् मे़लःत्तु मे़देसुर, थेआङ्भे़ल्ले़ खे़ल्ले़ निःन्धो के़बोङ्बा ये़म्मो यहवे दाङ्बे़ल्ले़ कुलागि खुने़ॽ सिदुङ्जभा मे़दोन्दुन्॥ खे़न् मनाःल्ले़ खुने़ॽ कुलायोल्ले़ खुम्दिङ् खोसुर॥
खुन्छिॽ निङ्वाॽफुमाङ्ङिल्ले़ कुलागि खे़ङ्हाॽ सेसे मे़युङ्ल, हे़क्क्याङ् खुन्छिॽ निङ्वाॽफुमाङ्ङिल्ले़ कुमिङ्ङिन् कुनामे़न्छाॽ पोङ्ल मे़न्जोगुन्ल, थेआङ्भे़ल्ले़ खे़ङ्हाॽरे़ यहवे दाङ्बे़ल्ले़ कुलागि मिओलाम्बा तोःम्मनाबा सिदुङ्जभा, इग्र निङ्वाॽफुमाङ्ङिल्ले़ कुजान् तोःम्मा याःम्बक् मे़जोगुॽ॥ कल्ले़चोगुल्ले़ खे़ङ्हाॽ सेसे मे़बोङ्ल॥
खुने़ॽ खे़ल्ले़ कुहिदुत् कुधे़ङाङ् नु कुलाङ्हाॽ च्वाःत्तिल्ले़ वाहप्तुर, हे़क्क्याङ् खे़न् के़रे़क्के निङ्वाॽफुसाम्बाल्ले़ ले़त्ति तोःम्मादे़न्नो मिधिक्खुदेसुर॥ यहवे दाङ्बाल्ले़ कन् लत्छा कुसिराॽगे़धाङ्बा कुनाम्गे़नुॽबा, मिलाम्बा तोःम्मनाबा मिधिङ्मनादेमनाबा वयागे़न् सिदुङ्जभारो॥
“खिनिॽ खरे़ःङ् के़भङ्बा सिदाॽ मे़न्याक्केबा तङ्नाम् तोसे़म्मे़ॽ॥ खिनिॽ इङ्जाङ् पिनिङ्बा हे़क्के अबिब लाओ तोमा के़बोङ्बा नुसि ये़न् थारिक् के़भङ्बा सिदाॽ मे़न्याक्केबा खरे़ःङ् चे़म्मे़ॽ, थेआङ्भे़ल्ले़ हाबा खे़न् लाओ खिनिॽ मिस्रलाम्बा के़लःन्दि के़भे़रिबारो॥ “हुक्को थेआङ् मे़न्दाःत्ते आङ्गाॽ आदगि हाःत्ताङ् ओःन्मे़धाक्सिङ्ङिन्ल॥
मे़दे़म्सु मे़देॽरुसिबालाम् के़नुःङ्बा के़भे़म्बा मनाहाॽ लाजेॽओ के़युङ्बा के़याःक्पा मनाहाॽनु मे़गिसे़साङ् खे़ङ्हाॽरे़ तगिबा ते़न्नोए ले़त्ति तोःम्मादे़न् मे़जोगु॥ खे़न् एगाङ् याम्मो खे़ङ्हाॽरे़ थिक्याःन्धक् खे़प्मो तानाम् नु युःन्छिक्पा मिधिङ्मनादेमनाबा सिदुङ्जभा तोःम्मा मे़हेःक्तु॥
खे़ब्याङ् यहोयादाःल्ले़ यहवे दाङ्बे़ल्ले़ कुहिम्मिन् ओमे़प्मा याःम्बक्किन् निङ्वाॽफुसाम्बा ले़बिहाॽ हुक्सुप्तुसि॥ कुहेःक्सिङ्मा ये़म्माङ्धोए से़वासाम्लो साम्मे़त्नु हे़क्क्याङ् सःप्मार सोसोत्लराङ् चोःक्नु मोसाःल्ले़ कुसाम्योथिम्मो निःन्धो के़बोङ्बा कुइसिक् यहवे दाङ्बाओ मिधिङ्मनादेमनाबा वयागे़न् सिदुङ्जभा तोःम्मारे़ लागि हे़क्क्याङ् यहवे दाङ्बे़ल्ले़ कुहिम्मो याःम्बक् चोःक्मारे़ लागि दाउदरे़ ले़बिहाॽ मुरा मे़त्तुसिआङ् वये़॥
खे़ब्याङ् निङ्वाॽफुमाङ्ङिल्ले़ कुमनाहाॽ मोसाःल्ले़ पिरुसिबा साम्योथिम् इङ्जाङ्ङो साप्ते़आङ् के़बप्पा इङ्जाङ् कुइसिक् खे़ङ्हाॽरे़ खे़प्मो खुन्छिॽ ले़त्तिहाॽ तोःम्मारे़ लागि योसादाके़ल्ले़ कुस्सा येसुआन्, खुने़ॽ कुन्देङ् कुन्जुम् निङ्वाॽफुसाम्बाहाॽ, सालतिएलरे़ कुस्सा यरुबाबेल नु खुने़ॽ कुगाॽइहाॽरे़ इस्राइलबा निङ्वाॽफुमाङ्ङो ले़त्ति तोःम्मादे़न् मे़जोगु॥
“निङ्वाॽफुसाम्बा, ले़बि हे़क्क्याङ् मनाहाॽ के़रे़क् तङ्ङासिगे़आङ् तङ्बे थप्मे यहवे दाङ्बा आनिगे निङ्वाॽफुमाङ्ङो सिदुङ्जभा तोःम्माल्ले़ ले़त्ति तोःम्मादे़न्नो चाहाब् के़जोःक्पा सिङ्ङिन् तॽयाःन्सोन् के़सुम्बे़ हे़क्क्याङ् आत्तिन्हाॽरे़ खुन्छिॽ मुॽइदाङ्साहाॽरे़ साम्योथिम् इङ्जाङ्ङो पप्पा कुइसिक् सिङ् लःप्मा के़बोङ्बा पोङ्ॽ खे़न् ये़म्हाॽओ आनिगे लःप्पाङ्घुम्सिम्बे़॥
इस्राइलबा हिम्सयङ्ङो तोमा निःन्धो के़बोङ्बा के़रे़क् साभःङ्जाहाॽओ के़रे़क् परिक्पा तङ्नाम्हाॽ लादुप्हाॽओ नु सबाथ तङ्नाम्हाॽओ मिधिङ्मनादेमनाबा वयागे़न् सिदुङ्जभाहाॽ, पोगुगे़न् कुजा सिदुङ्जभाहाॽ नु सेजःङ्वा सिदुङ्जभाहाॽ हिमा तङ्माग हाङ्ङिल्ले़ कुयाःम्बक्लो॥ इस्राइलबा हिम्सयङ्हाॽ सुत्थो चोःक्मासिरे़ लागि, यहवे दाङ्बे़न्नु तङ्जुम् पोङ्मारे़ लागि सुत्थो पोङ्मा वयागे़न् सिदुङ्जभाहाॽ, पोगुगे़न् कुजा सिदुङ्जभाहाॽ, मिधिङ्मनादेमनाबा वयागे़न् सिदुङ्जभाहाॽ नु तङ्जुम् वयागे़न् सिदुङ्जभाहाॽ खुने़ॽ तारुरो॥
Piblisite