खानिःत् 27:3 - लिम्‍बु

³ “आनिगे पानुदिङ् पान् मुरे़क् खारे़क् थेआङ् के़होप्‍पादे़न्‍नो मासिङ्, कर यहवे दाङ्‌बे़ल्‍ले़ कुदक्‍ले़ङ्‌वाओ के़बोःक्‍पा कोरहरे़ कुमना सुम्‍मो खुने़ॽ होःप्‍ते़, कर खुने़ॽ आप्‍फेक् कुलायोल्‍ले़ मासिङ्॥ खुने़ॽ कुस्‍सा ये़म्‍बित्‍छाआङ् मे़होःप्‍ते़॥

खानिःत् 27:3 Referans Kwoze

इजकिएल 18:4

थेआङ्‌भे़ल्‍ले़ पामाहाॽ नु साहाॽ खक्‍पे़त् खासे़न् चोःक्‍मासिरे़ लागि के़रे़क् आङ्‌गाॽ आमनासिरो॥ हे़क्‍क्‍याङ् कन् आङ्‌गाॽ आधिम्‍बेरो—आत्तिन् मनाःल्‍ले़ लायो चोगुॽ, खे़न् सिरो॥

खानिःत् 14:35

कन् के़बाःप्‍पे़न् आङ्‌गाॽ यहवे दाङ्‌बाआ, हे़क्‍क्‍याङ् आङ्‌गाॽ आदक्‍ले़ङ्‌वाओ के़जुम्‍बा कन् कुॽइगे़भे़म्‍बा सङ्‌जुम्‍भोःन् आङ्‌गाॽ अक्‍खेए मे़त्तुङ्‌ॽ॥ आम्‍भा कन् मुरे़क् खारे़क् थेआङ् के़होप्‍पादे़न्‍नो मे़सिआङ् मे़माःत्॥”

रोमि 6:23

थेआङ्‌भे़ल्‍ले़ लायोरे़ आबिबा नाम्‌याक्‍किङ्‌ग सिमे़न्‍लो, कर निङ्‌वाॽफुमाङ्‌ङिल्‍ले़ आम्‍भा आबिबा पर्धाःम्‍मिङ्‌ग आनिॽ दाङ्‌बा ख्रिस्‍त ये़सुओलाम् मे़न्‍नुप्‍मनाबा हिङ्‌मन्‍लो॥

रोमि 5:21

हे़क्‍केलॽरिक् लायोल्‍ले़ के़रे़क् मनाहाॽओ हाङ् चोगुआङ् सिमे़न् तारुबा कुइसिक् आल्‍ल निङ्‌वाॽफुमाङ्‌ङिल्‍ले़ कुलुङ्‌गुम्‍मिल्‍ले़ हाङ् चोगुॽआङ् खे़ल्‍ले़ आनिॽ आप्‍तिक् मेःन्‍नेबा आजोक्, हे़क्‍क्‍याङ् दाङ्‌बा ये़सु ख्रिस्‍तलाम् मे़न्‍नुप्‍मनाबा हिङ्‌मन् आघोसुम्‍लो॥

रोमि 5:12

काक्‍नुःल्‍ले़ तगिबा मे़न्‍छाम् याप्‍मि आदमलाम् इक्‍सादिङ् खाम्‍बेःक्‍मो लायोन् पोगे़, हे़क्‍क्‍याङ् खे़न् लायोल्‍ले़ चोगुल्‍ले़ सिमे़न् पोगे़रो॥ अक्‍खेलॽरिक् काक् मे़न्‍छाम् याप्‍मिहाॽओ सिमे़न् त्‍ये़रो, थेआङ्‌भे़ल्‍ले़ के़रे़क्‍ले़ लायो मे़जोगुरो॥

युहुन्‍ना 8:24

खे़ल्‍ले़चोगुल्‍ले़ खिनिॽ आबाङे लायोहाॽओ के़स्‍ये़ॽइरो फाॽआङ् मे़त्‍निङ्‌बारो॥ इङ्‌गाॽ हाःत्‍आ फाॽआङ् मे़त्‍निङ्‌बान् खिनिॽ नसान् के़न्‍जोगुम्‍मिन्‍निल्‍ले़ग खिनिॽ से़क्‍खाए आबाङे लायोहाॽओ के़स्‍ये़ॽइ॥”

युहुन्‍ना 8:21

याङ्‌सि ये़सुरे़ याम्‍मो खे़ङ्‌हाॽ मे़त्तुसि, “इङ्‌गाॽग पेःक्‍काआङ् खिनिॽ याप्‍मि के़गोःत्तिॽरो॥ हे़क्‍क्‍याङ् खिनिॽ आबाङे लायोओ के़स्‍ये़ॽइरो॥ इङ्‌गाॽ पेःक्‍काबा ते़न्‍नो खिनिॽ तामा के़न्‍छुक्‍तिन्‍लो॥”

खानिःत् 26:33

(हेपेररे़ कुस्‍सा सलोफादरे़ कुस्‍सा थिक्‍काङ् ये़म्‍बित्‍छा मे़होःप्‍ते़, कर कुस्‍सा मे़न्‍छुमारक् मे़वये़॥ सलोफादरे़ कुस्‍सा मे़न्‍छुमाहाॽरे़ खुन्‍छिॽ मिङ् महला, नोआह, होग्‍ला, मिल्‍का नु तिर्सा वये़॥)

खानिःत् 16:49

कोरहरे़ कुहिन्‍दोक्‍को के़सिबाहाॽनुःल्‍ले़ वेॽ खे़न् ये़म्‍मो मिङ्‌देल्‍ले़ के़सिबाहाॽ १ ४,७०० मे़वये़॥

खानिःत् 16:19

कोरहःल्‍ले़ खुने़ॽ के़दिम्‍बा मनाहाॽ खे़ङ्‌हाॽरे़ खुन्‍छिॽ तक्‍ले़ङ्‌वाओ तुम्‍मादे़न् साःङ्‌गाहिम्‍मो सुप्‍सुसिल्‍ले़ यहवे दाङ्‌बे़ल्‍ले़ कुमिमिदिङ्‌ङिन् खक्‍पे़त् सङ्‌जुम्‍भोओ ओसेःन्‍धाङ् पोःक्‍खे़॥

खानिःत् 27:2

खे़ङ्‌हाॽ तुम्‍मादे़न् साःङ्‌गाहिम्‍मोबा लाम्‍धेःत्तो मोसा, निङ्‌वाॽफुसाम्‍बा एलाजार, लाम्‍लोबाहाॽ नु के़रे़क् सङ्‌जुम्‍भोःल्‍ले़ खुन्‍छिॽ तगि मे़ये़म्‍सिङ्‌ङाङ् पेलि फाक्‍मा मे़हेःक्‍ते़,

खानिःत् 27:4

थे कुस्‍सा ये़म्‍बित्‍छा मे़होःप्‍ते़ फाॽआङ् आनिगे पाःल्‍ले़ कुमिङ्‌ङे़न् माबाबि? आनिगे पाःल्‍ले़ कुम्‍भुॽकुन्‍साॽहाॽओ आनिगे़आङ् याङ्‌साकुन्‍धे आबिरे़म्‍मे़ॽ॥”