खानिःत् 27:21 - लिम्बु21 खुने़ॽ खे़न् निङ्वाॽफुसाम्बा एलाजारओ तार हे़क्क्याङ् एलाजाररे़ग यहवे दाङ्बे़ल्ले़ कुदगि ‘उरिम’ नु ‘तुम्मिम’ लाम् निःन्धो पान् फुॽरुआङ् खे़न् ताॽजे़क्तुर॥ यहोसुरे़ए कुइङ्जाङ् कुइसिक् के़रे़क् इस्राइलिहाॽरे़ तामा नु पेःक्मा याःम्बक् मे़जोगुर॥” Gade chapit la |
खानिःत् 27:21
23 Referans Kwoze
खे़ने़ॽ निङ्वाॽ निःन्धो चोःक्मारे़ लागि साःङ्बे से़ःप्चाङ्ङो उरिम नु तुम्मिम फत्छे़ॽ, हे़क्केलॽरिक् हारुने़न् यहवे दाङ्बे़ल्ले़ कुदगि पेःक्थक्मा खे़ङ्हाॽ खुने़ॽ कुलुङ्माॽओ खे़न् वाॽर॥ कम्भलॽरिक् हारुने़ल्ले़ इस्राइलिहाॽरे़ खुन्छिॽ लागि खासे़न् चोःक्मा चिगक्वाहाॽ खुने़ॽ कुनिङ्वाॽओ यहवे दाङ्बे़ल्ले़ कुदगि चक्मे़ल्लॽए पक्खु कत्तुररो॥
“उरिम” नु “तुम्मिम” याङ्मा के़सुक्पा निङ्वाॽफुसाम्बा हाःत्ताङ् होःप्ते़॥ खे़ल्ले़चोगुल्ले़ उरिम नु तुम्मिन्मे़न् याङ्मा मे़क्छुक्के़ थारिक् निङ्वाॽफुसाम्बा थाःक्को खुन्छिॽ मिङ् मे़म्बप्मनाबाहाॽरे़ निङ्वाॽफुमाङ्ङो तोःम्मनाबा सिदुङ्जभान् चामा मे़न्छुक्तुन् के़लॽबा इङ्जाङ् यहुदि तुम् सुहाङ्युक्पाल्ले़ पिरुसि॥
खे़ब्याङ् इस्राइलिहाॽ थो मे़धोःक्सिङ् मे़बे, हे़क्क्याङ् यहवे दाङ्बे़ल्ले़ कुदगि युःन्छिक् थारिक् मे़हाबे़, खम्भ्याङ् इस्राइलिहाॽरे़ यहवे दाङ्बे़न् सेःन्मे़दोसु, “थे आनिगे फुॽनुसाॽ बेन्यामिनिहाॽरे़ खुन्छिॽ तक्ले़ङ्वाओ थङ् चोःक्से़ याम्मो पेगिगे़बि?” यहवे दाङ्बे़ल्ले़ मे़त्तुसि, “खे़ङ्हाॽरे़ खुन्छिॽ तक्ले़ङ्वाओ खिनिॽ थाःङ् थोःक्कासिम् पेगे़म्मे़ॽ॥”
दाउदरे़ तङ्बेॽ सुम्सि हाङ् चोगुबा ये़म्मो साॽरिक् के़जाॽबा साक् पोगे़॥ हे़क्क्याङ् दाउदरे़ यहवे दाङ्बे़न् सेःन्दोसु॥ यहवे दाङ्बे़ल्ले़ दाउदे़न् मे़त्तु, “सावल नु खुने़ॽ कुहिम्सयङ्हाॽ मना के़से़प्पा मे़मे़त्तुसि, थेआङ्भे़ल्ले़ खे़ङ्हाॽरे़ गिबोनिहाॽ मे़से़रुसि॥ खे़ल्ले़चोगुल्ले़ साक् पोगे़आङ् वाॽ॥”
Piblisite