खानिःत् 27:20 - लिम्‍बु

²⁰ खे़ने़ॽ के़युक्‍कोलाम् खुने़ॽ कुभा युक् पिरे़ॽ, हे़क्‍केलॽरिक् खक्‍पे़त् इस्राइलि सङ्‌जुम्‍भोःल्‍ले़ खुने़ॽ कुइङ्‌जाङ्‌ङिन् मे़इःत्तु मे़नाःत्तुर॥

खानिःत् 27:20 Referans Kwoze

१ साप्‍मुःन्‍धुम् 29:25

के़रे़क् इस्राइलिहाॽरे़ खुन्‍छिॽ मिक्‍साओ यहवे दाङ्‌बे़ल्‍ले़ सोलोमने़न् साॽरिक् थोधोक्‍पा चोगु, हे़क्‍क्‍याङ् इस्राइलओ आत्तिन् हाङ्‌ङिन्‍नाङ् मे़म्‍बिए के़वाॽबा हाङ्‌वा माङ्‌वान् खुने़ॽ सोलोमने़न् पिरुरो॥

१ साप्‍मुःन्‍धुम् 29:23

कम्‍भलॽरिक् सोलोमने़न् खुने़ॽ कुम्‍बा दाउदरे़ कुले़क्‌वा यहवे दाङ्‌बे़ल्‍ले़ कुहाङ्‌युक्‍नाओ हाङ् पोःक्‍खे़आङ् युङ्‌सिङ्॥ खुने़ॽ नुरे़ तासे़ हे़क्‍क्‍याङ् के़रे़क् इस्राइलिहाॽरे़ खुने़ॽ कुइङ्‌जाङ्‌हाॽ मे़इःत्तु मे़नाःत्तु॥

२ हाङ् 2:15

खे़न् निगे़धाःप्‍पा पाःन्‍निन् ओगे़मे़प्‍पाआङ् के़ये़प्‍पा यरिहोलाम् के़युबा माङ्‌निङ्‌वाॽपान् के़बाःप्‍पा सुम्‍हाॽरे़ मे़बाःत्तु, “एलियाःल्‍ले़ कुयाम्‍साम्‍मिन् एलिसाओ थ्‍ये़रत्‍छ॥” खे़ब्‍याङ् खे़ङ्‌हाॽ खुने़ॽ कुदुम्‍से़ मे़ये़, हे़क्‍क्‍याङ् खुने़ॽ कुदगि खाम्‍बाङ्‌ङो साम्‍बोन् हबत् मे़भन्‍छिङ्॥

१ सामुए़ल 10:9

सावले़न् सामुए़लरो पेआङ् नुःक्‍खे़र पत्‍छे़ल्‍ले़ निङ्‌वाॽफुमाङ्‌ङिल्‍ले़ सावलरे़ कुनिङ्‌वाॽइन् ले़क्‍खुआङ् कुसङ् चोगुबिरु॥ हे़क्‍क्‍याङ् कन् के़रे़क् मिक्‍सेःन्‍हाॽ हाबा खे़ल्‍ले़ याःन्‍दिक् पोःक्‍खे़॥

१ सामुए़ल 10:6

खिमो यहवे दाङ्‌बाल्‍ले़ कुयाम्‍साम्‍मिन् मुक्‍साम्‍नु के़सम्‍धाङ् चुक्, खे़ब्‍याङ् खे़ने़ॽआङ् खे़ङ्‌हाॽनुए माङ्‌निङ्‌वाॽपान् के़बाःत्, हे़क्‍क्‍याङ् खे़ने़ॽ के़ले़ङ्‌सिङ्‌ङाङ् वेॽ कुसङ् मना के़बोङ्‌लो॥

खानिःत् 11:17

आङ्‌गाॽ यो युआआङ् खे़ने़ॽनु ताॽजे़ङ्‌ङा॥ खे़ने़ॽ के़सम्‍धाङ् के़वाॽबा याम्‍साम्‍लाम् कुभा याम्‍साम् याङ्‌सिङ्‌ङाआङ् खे़ङ्‌हाॽओ थे़क्‍तुङ् पिरुङ्‌सिङ्‌ॽ॥ खे़ङ्‌हाॽरे़ खे़ने़ॽनु सोसोरिक् खे़न् मनाहाॽरे़ खुन्‍छिॽ कक्‍किन् मे़गुयुॽ, हे़क्‍क्‍याङ् खे़ने़ॽरक् एःक् कुमा मे़बोङ्‌ने़न्‍ल॥

खानिःत् 27:19

हे़क्‍क्‍याङ् खुने़ॽ निङ्‌वाॽफुसाम्‍बा एलाजारे़न् नु के़रे़क् सङ्‌जुम्‍भोःल्‍ले़ खुन्‍छिॽ तगि ये़प्‍से़ॽ॥ खे़ङ्‌हाॽरे़ मे़निसुरए खे़ने़ॽ कन् लक्‍पे़न्‍निन् खुने़ॽ हुक्‍सुप्‍ते़ॽ॥

खानिःत् 27:21

खुने़ॽ खे़न् निङ्‌वाॽफुसाम्‍बा एलाजारओ तार हे़क्‍क्‍याङ् एलाजाररे़ग यहवे दाङ्‌बे़ल्‍ले़ कुदगि ‘उरिम’ नु ‘तुम्‍मिम’ लाम् निःन्‍धो पान् फुॽरुआङ् खे़न् ताॽजे़क्‍तुर॥ यहोसुरे़ए कुइङ्‌जाङ् कुइसिक् के़रे़क् इस्राइलिहाॽरे़ तामा नु पेःक्‍मा याःम्‍बक् मे़जोगुर॥”