खानिःत् 26:28 - लिम्‍बु

²⁸ योसेफरे़ कुमुॽइदाङ्‌सा मनस्‍से नु एफ्राइमलाम् खे़ङ्‌हाॽरे़ खुन्‍छिॽ थाःक्‍थाःक् कुइसिक् हाबा कन्‍हाॽएरो—

खानिःत् 26:28 Referans Kwoze

तोलिङ्‌सोमु 46:20

ओनबा निङ्‌वाॽफुसाम्‍बा पोतिफेरारे़ कुस्‍सा मे़न्‍छुमा आसनत ले़प्‍माङ्‌लाम्‍बा मिस्रओ के़बोङ्‌बा युसुफरे़ कुस्‍साहाॽ—मनस्‍से नु एफ्राइम॥

तोलिङ्‌सोमु 48:5

खे़ब्‍याङ् याकुबे़न् युसुफरो पेआङ् मे़त्तु, “आङ्‌गाॽ मिस्रओ युमा तगि मिस्रओ के़गत्तुसिबा के़स्‍साहाॽ आङ्‌गाॽइन्‍सिरो॥ रुबेन नु सिमियोने़न् हे़क्‍के एफ्राइम नु मनस्‍सेन् आङ्‌गाॽइन्‍सिएरो॥

खानिःत् 1:34

मनस्‍सेरे़ कुमुॽइदाङ्‌सालाम्— निबोङ् तङ्‌बे नु खे़न्‍नुःल्‍ले़ थोबा ते़न्‍धङ्‌ङो पेःक्‍मा के़सुक्‍पा के़रे़क् ये़म्‍बिम्‍छाहाॽरे़ खुन्‍छिॽ मिङ्‌ङिन् खे़ङ्‌हाॽरे़ खुन्‍छिॽ पाधे़बाहाॽरे़ खुन्‍छिॽ थाःक् नु हिम्‍सयङ् कुइसिक् मे़साप्‍तु॥

साम्‌योथिम् इङ् 33:16

इक्‍सादिङ् खाम्‍बेःक्‍मान् नु खे़ल्‍ले़ कुलिङ्‌दो के़गे़प्‍पा हाङ्‌से़म्‍हाॽ, मिगे़दिक्‍पार के़युङ्‌बा फात्ताप्‍पो के़युङ्‌बाल्‍ले़ कुलुङ्‌गुम्‍मिन्— कन्‍हाॽ के़रे़क् योसेफरे़ कुधे़गेक् सम्‍धाङ् वाॽररो, कुम्‍भुॽ कुन्‍साॽहाॽओबा तुम्‍म्‍याङ्‌हाङ्‌ङिल्‍ले़ कुमिक्‍खुङ्‌बा सम्‍धाङ् पत्‍लरो॥

यहोसु 14:4

थेआङ्‌भे़ल्‍ले़ योसेफरे़ कुस्‍साहाॽए, मनस्‍से नु एफ्राइमरे़ खुन्‍छिॽ ने़त्‍छि थाःक् मे़वये़॥ ले़बिहाॽ युङ्‌मारे़ लागि ये़क्‌यक्‍हाॽ नु खुन्‍छिॽ थक्‍सा चाराम्‍मादे़न्‍ले़ लागि नु चिगक्‌वाहाॽरे़ लागिरक् लाजेॽ मे़बिरुसिआङ् ने़स्‍से़, वेॽ लक् मे़म्‍बिसिङ्‌ङे मे़वये़॥

१ साप्‍मुःन्‍धुम् 5:23

मनस्‍सेबा कुभ्रे़ःङ् थाःक्‍हाॽ बासानलाम् बाल-हेर्मोन, सेनिर (हेर्मोन कोःक्‍मा) थारिक्‍पा लाजेॽओ मे़युङे़, हे़क्‍क्‍याङ् खे़ङ्‌हाॽ खानिःत्तो आत्तातान्‍ने यरिक् मे़बोःक्‍खे़॥

१ साप्‍मुःन्‍धुम् 7:14

मनस्‍सेरे़ कुमुॽइदाङ्‌साहाॽ— अस्रिएले़न् मनस्‍सेरे़ अरामि कुजक्‍मेःत् लाम्‍बा सागे़वाःन्‍छिङ्‌बा कुमुॽइदाङ्‌सा वये़॥ खे़ल्‍ले़ गिलादरे़ कुम्‍बा माकिरे़न्‍नाङ् सावाःन्‍दु॥