Biblia Todo Logo
Bib sou entènèt

- Piblisite -




खानिःत् 25:6 - लिम्‍बु

6 इस्राइलिहाॽ तुम्‍मादे़न् साःङ्‌गाहिम्‍मोबा लाम्‍धेःप्‍पो मे़हाबे़र मे़युङे़॥ खे़न् ये़म्‍मो लत्‍छा इस्राइलि थिक्‍ले़ मोसान् नु इस्राइलि सङ्‌जुम्‍भोःल्‍ले़ खुन्‍छिॽ तगिए खुने़ॽ कुहिम्‍सयङ्‌ङो मिध्‍यानि मे़न्‍छुमाधिक् तारु॥

Gade chapit la Kopi




खानिःत् 25:6
24 Referans Kwoze  

यहवे दाङ्‌बे़ल्‍ले़ कुदगि याःम्‍बक् के़जोःक्‍पा निङ्‌वाॽफुसाम्‍बाहाॽ माङ्‌हिम्‍मोबा आःम्‍भोॽ नु ले़त्ति तोःम्‍मादे़न् लुम्‍मो मे़हाःप्‍लरो॥ खे़ङ्‌हाॽरे़ अक्‍खे मे़बाःत्तुर, “यहवे दाङ्‌बाए, के़मनाहाॽ से़ःप्‍ते़से़ॽओ॥ खे़ने़ॽ के़लक्‍खोमा मनाहाॽ कुनामे़न्‍छाॽ पोङ्‌मा चाहाक् नु मे़न्‍छाम् सुवाङ्‌हाॽ लुम्‍मो कुनामे़न्‍छाॽ पोङ्‌मा मे़बाङ्‌घे़से़न्‍ने़ॽओ॥ वेॽ सुवाङ्‌बा मनाहाॽरे़ थेआङ् अक्‍खे पाःप्‍मा मे़घोसुरबे? ‘खे़ङ्‌हाॽरे़ खुन्‍छिॽ निङ्‌वाॽफुमाङ्‌ङिन् आत्ति वाॽबे?’”


मोआबिहाॽरे़ मिद्‌यानबा काप्‍पो तुम्‍साहाॽ मे़मे़त्तुसि, “आल्‍ल आनिॽ के़रे़क् पिसाङ्‌बा ते़न्‍निन् आधोःङ्‌धोःङ्‌बा पित्ते़ल्‍ले़ ते़ल्‍लक् इक्‍ताप्‍हाॽ लाःक्‍तु फे़त्तुआङ् याःन्‍हाॽ युम्रे़क् मे़क्‍खुबा हे़क्‍के कन् मनालुप्‍लिहाॽरे़ के़रे़क् पाःन्‍हाॽ युम्रे़क् मे़मे़क्‍खुबा पोःक्‍खे़॥” खे़न् ये़म्‍मो सिप्‍पोरारे़ कुस्‍सा बालाके़न् मोआबबा हाङ् वये़॥


खे़ङ्‌हाॽरे़ खुनिॽ सिक्‍के़ले़ःङ्‌बा याःम्‍बक्‍किन् वाहङ्‌ङो के़बोःक्‍पा यम्‍बा वाभे़ल्‍ले़ङ्‌ङिल्‍ले़ कुबुत्‍थुङ्‌वा कुइसिक् चोक्‍लो॥ खे़ङ्‌हाॽग के़इबार के़वाॽबा खेःम्‍सिक् कुइसिःक्‍पा मनासिरो, खे़ङ्‌हाॽरे़ लागि खामाक् ते़न्‍निन् सदादिङ् यारिप् चोगे़आङ् वाॽरो॥


यहुदिःल्‍ले़ सुम्‍सि लिसि कुदिःक्‍लक् निरु सुरुर पत्‍छे़, हे़क्‍केःल्‍ले़ हाङ्‌ङिल्‍ले़ चुक्‍सा फे़जाधिक् याङ्‌सिङ् हे़क्‍क्‍याङ् खे़न् निरुसुरुबा साप्‍लाथङ्‌मा लक्‍किन् हे़गुआङ् मिओ लाप्‍फुसु केःत्तु॥ के़रे़क् साप्‍लाथङ्‌मान् मिओ खाप्‍पुथ्‍यःङ् मे़म्‍बोङ्‌ङे थारिक् खे़ल्‍ले़ हे़क्‍केए चोगुआङ् पत्‍छे़॥


कन् याम्‍गे़सिङ्‌बा याःम्‍बक्‍किन् मे़जोगुबाओ खुन्‍छिॽ नुःम्‍मा के़बोङ्‌बा मेःम्‍बि? कर खे़ङ्‌हाॽग मिसाक्‍काङ् नुःम्‍माए मे़न्‍नुःन्‍दे़न्‍लो॥ नुःम्‍मा पाःन्‍निन् थे़माबे फाॽआङ् खे़ङ्‌हाॽरे़ मे़ल्‍ले़सुन्‍लो॥ खे़ल्‍ले़चोगुल्‍ले़ वेॽ के़मे़क्‍पाहाॽनुए खे़ङ्‌हाॽआङ् मे़मे़क्‍लो॥ खे़ङ्‌हाॽ खुम्‍दिङ् पिरुङ्‌सिङ्‌बा ये़म्‍मो खे़ङ्‌हाॽ मे़मे़क्‍लो॥


खे़ल्‍ले़चोगुल्‍ले़ चे़रे़ङ्‌नाम् थे़रे़ङ्‌नाम्‍बा पाङ्‌गे़न्‍दिङ् वहित्तिन् मे़ध्‍ये़ने़ल्‍लो, हे़क्‍क्‍याङ् हाङ्‌वामा ये़म्‍मो पाङ्‌गे़न्‍दिङ् वगेःक्‍माआङ् पप्‍मा नाॽरे़रो॥ खे़ने़ॽ के़नारान्‍नाङ् के़त्‍निमा कुइसिक् निदे़त्‍लो, खे़ने़ॽ के़नुःम्‍मा थेआङ् होप्‍लो॥


खे़न् ये़न्‍नो यहवे दाङ्‌बा, मुक्‍साम्‍दाङ्‌बा यहवे दाङ्‌बे़ल्‍ले़ खे़निॽ हाःप्‍मा नु मे़रिङ्‌धक्‍मा, थे़गेक् नःङ्‌मा हे़क्‍क्‍याङ् सागि तेत् चाङ्‌मारे़ लागि के़उःत्तिआङ् वये़रो॥


आल्‍ल यहवे दाङ्‌बे़ल्‍ले़ कुमाङ्‌लाइङ्‌बे़ल्‍ले़ कन् पाःन्‍हाॽ इस्राइलिहाॽ मे़त्तुसिल्‍ले़, खे़ङ्‌हाॽ के़रे़क् वे़ःङ्‌ङाङ् वे़ःङ् मे़हाबे़॥


“इस्राइलिहाॽरे़ खुन्‍छिॽ लागि मिध्‍यानिहाॽओ खे़ने़ॽ कुले़क्‌वा नुःक्‍ते़ॽ॥ खे़न् एगाङ् खे़ने़ॽ के़सिआङ् आबाङे के़सुधे़बा के़दाक्‍थे़बाहाॽनु सोरिक् पोङ्‌से़ के़बेःक्॥”


खे़ल्‍ले़चोगुल्‍ले़ मिध्‍यान के़युङ्‌बा ले़ङ्‌हङ् के़जोःक्‍पाहाॽ हाबा खे़न् लाम्‍मोलाम् मे़भे़रे़ल्‍ले़ युसुफे़न् खुने़ॽ कुम्‍भुॽसिरे़ वबाक्‍कोनु मे़उःक्‍खु मे़लःत्तुआङ् खे़न् इस्‍माएलिहाॽरे़ खुनिॽ हुक्‍को निबोङ् युप्‍पायाङ्‌ङो मे़सङ्‌घु मे़देसु॥ हे़क्‍क्‍याङ् खे़ङ्‌हाॽरे़ युसुफे़न् मिस्र लाजेॽओ मे़देॽरुआङ् मे़बे॥


खे़ब्‍याङ् मोसाःल्‍ले़ मे़त्तुबा कुसिङ् हारुनरे़ साङ्‌ते़रे़ःङ्‌ङिन् याङ्‌सिङ्‌ङाङ् सङ्‌जुम्‍भोःल्‍ले़ खुन्‍छिॽ लुम्‍मो लोःक्‍ते़आङ् पे॥ मिङ्‌देन् मनाहाॽरे़ खुन्‍छिॽ लुम्‍मो पोङ्‌मा हेःक्‍ते़ चुरे़आङ् वये़, कर खुने़ॽ सुक्‍पा हाःन्‍दुआङ् मनाहाॽ खुन्‍छिॽ आप्‍तिक्‍लाम्‌ सुत्‍थो चोःक्‍मासि याःम्‍बक् चोगु पिरुसि॥


खे़ङ्‌हाॽ मिद्‌यानलाम् मे़लःन्‍दे़आङ् पारान मे़बे॥ खे़ब्‍याङ् पारानलाम् कुभा मनाहाॽ सोरिक् मे़देॽरुसिआङ् खे़ङ्‌हाॽ मिस्र लाजेॽबा फारो हाङ्‌ङे़ओ मे़द्‌ये़॥ खुने़ॽ हददे़न् लत्‍छा हिम् नु लाजेॽसिङ्‌बुङ् हे़क्‍क्‍याङ् चामा थुङ्‌मा हिसु तङ्‌घु पिरु॥


ताक्‍के़भे़ॽबाहाॽरे़ आङ्‌गाॽ मे़हिप्‍पाल्‍ले़ हात् आभाॽसे़ ये़म्‍सिङ्‌बाबे? कुइगे़भे़म्‍बाहाॽरे़ आङ्‌गाॽ मे़भत्ताल्‍ले़ आत्तिन् आनाङ्‌से़ पोःक्‍पाबे?


Swiv nou:

Piblisite


Piblisite