खानिःत् 25:2 - लिम्बु2 खे़ङ्हाॽरे़ खुन्छिॽ माङ्हाॽ सिदुङ्जभा मे़बिरुसिल्ले़ कन् ये़म्बित्छाहाॽ मे़उःत्तुसि, हे़क्क्याङ् कन् ये़म्बित्छाहाॽरे़ सिदुङ्जभाओबा सा नु तःक् मे़जआङ् खे़ङ्हाॽरे़ खुन्छिॽ माङ्हाॽ से़वा मे़मे़त्तुसि॥ Gade chapit la |
खानिःत् 25:2
19 Referans Kwoze
आत्तिन् नावाइत्लाःन्नाङ् खिनिॽ से़वा मे़मे़त्ते़म्मिन्ने़ॽ हे़क्क्याङ् खिनिॽ खे़न् माङ्से़वाआङ् मे़मे़त्ते़म्मिन्ने़ॽ थेआङ्भे़ल्ले़ आङ्गाॽ यहवे दाङ्बाआ॥ खिनिॽ वेॽ माङ्ङिन् माङ्से़वा के़मे़त्तुम्मिल्ले़ आङ्गाॽ नासि मे़धःत्तान्॥ आङ्गाॽ याप्मि के़जिःप्पाहाॽ खुन्छिॽ मुॽइदाङ्साहाॽरे़ खुन्छिॽ सुम्सिगेक्पा नु लिसिगेक्पा थाःक् थारिक् खुम्दिङ् पिरुङ्सिङ्ॽ॥
यहवे दाङ्बे़ल्ले़ अक्खे पाःत्तुरो, “आङ्गाॽ इस्राइले़न् खोमाग मुरे़क् खारे़क्पा ये़ःङ्घादे़न्नो चे़ल्ले़क्सेॽहाॽ खोमानु कुदङ्बा वये़रो, आङ्गाॽ खिनिॽ पाधे़बाहाॽ निमासि पःत्छेॽ पुङ्ङोबा तगि के़दुम्बा कुजाॽ हे़क्तङ्बा चोगे़रो॥ कर आल्ल खे़ङ्हाॽ बाल-पोरओ मे़बेःल्ले़ खे़ङ्हाॽ खे़न् सिरिङ् आममबा पाःन्नो मे़दोःन्छिङ्लो, हे़क्क्याङ् खे़ङ्हाॽरे़ खुन्छिॽ सिराॽ के़धाङ्बा नावाइत्लान् हे़क्के खे़ङ्हाॽ याम्गे़सिङ्बा मे़बोःक्खे़रो॥
हे़क्केसाङ् खे़ने़ॽ के़दक्ले़ङ्वाओ कुभा पान् पाःप्माए पोङ्लो—खिनिॽओ कुभारे़ग माङ्निङ्वाॽपान् के़बाःप्पा बालामरे़ कुनिसाम्मिन् मे़नाःत्तुआङ् मे़वाॽरो॥ उन्छोन् बालामरे़ग इस्राइलिहाॽ लायोओ मे़धार फाॽआङ् नावाइत्लाओ तोःम्मनाबा चा चामा नु याम्बोःप्मा याःम्बक् चोःक्मा बालाक हाङ्ङिन् हुॽरुआङ् वये़रो॥
यहवे दाङ्बा खिनिॽ निङ्वाॽफुमाङ्ङिल्ले़ इङ्जाङ् के़बिरिबा पाःन्हाॽलाम् खिनिॽ थिक्नाहाङ् के़हिआसिआङ् वेॽ माङ्हाॽ से़वा के़मे़त्तुम्सिम्ॽ हे़क्क्याङ् खे़ङ्हाॽ माङ्से़वा के़मे़त्तुम्सिम्ने़भग्र, यहवे दाङ्बे़ल्ले़ मि हे़क्के के़दिःप्पा कुसाक्के़न्निन् खिनिॽ सम्धाङ् थारो, हे़क्क्याङ् खुने़ॽ खिनिॽ के़बिरिबा कन् नुबा लाजेॽओलाम् खिनिॽ खिमो वरे़ङ्ले़ङ् के़मे़गिरो॥”
खिनिॽ लुम्मो के़युङ्बा वेॽ मे़न्छाम् सुवाङ्हाॽनु मे़भःन्नासिम्मन्ने़ॽ, खुन्छिॽ माङ्हाॽरे़ मिङ्हाॽ मे़इङ्से़म्मिन्ने़ॽ, माङ्हाॽरे़ खुन्छिॽ मिङ्ङो माङ्हे़क् मे़जोगे़म्मे़न्ने़ॽ॥ खे़ङ्हाॽ से़वा मे़मे़त्ते़म्सिम्मे़न्ने़ॽ हे़क्क्याङ् साम्बोन्नाङ् खे़ङ्हाॽ माङ्से़वा मे़मे़त्ते़म्सिम्मे़न्ने़ॽ॥
आङ्गाॽ आमनासे, मोआबबा बालाक हाङ्ङिल्ले़ थे़मा सुजापान् पाःत्तुङ्आङ् वये़बे? हे़क्क्याङ् बओररे़ कुस्सा बालामरे़ खुने़ॽ थे नुगप् पिरुबे? खे़न् पाःन्निन् खिनिॽ निङ्वाॽ इःत्ते़म्मे़ॽओ॥ सित्तिमलाम् गिलगाल थारिक् लाम्दिक् के़जोगिबान् खिनिॽ निङ्वाॽसुम् लॽरे़म्मे़ॽओ, हे़क्केलॽरिक् यहवे दाङ्बे़ल्ले़ कुसाम्योबा याःम्बक्हाॽ खिनिॽ कुसिङ् निःप्मा के़सुक्तुम्लरो॥”
Piblisite